ନୂଆ ବର୍ଷରେ ୯ ଲକ୍ଷ ସରକାରୀ କର୍ମଚାରୀଙ୍କୁ ବଡ଼ ଉପହାର, ଦରମା ଓ ଅବସର ବୟସରେ ହେବ ବୃଦ୍ଧି

ନୂଆଦିଲ୍ଲୀ: 7th Pay Commission, 7th CPC Latest News, Government Employees: ନୂଆଦିଲ୍ଲୀ: ନୂଆ ବର୍ଷରେ ୯ ଲକ୍ଷ ସରକାରୀ କର୍ମଚାରୀଙ୍କ ପାଇଁ ବହୁତ ବଡ଼ ଖୁସି ଖବର ନେଇ ଆସିଛି । ଏହି ୯ ଲକ୍ଷ ସରକାରୀ କର୍ମଚାରୀଙ୍କ ଦରମା ବୃଦ୍ଧି ପାଇବ । କେବଳ ଏତିକି ନୁହେଁ ସରକାର ସେମାନଙ୍କ ଅବସର ବୟସ ବୃଦ୍ଧି କରିବାକୁ ମଧ୍ୟ ନିଷ୍ପତ୍ତି ନେଇଛନ୍ତି । ବେତନ ସଂଶୋଧନ ଆୟୋଗର ସୁପାରିଶକୁ ଦୃଷ୍ଟିରେ ରଖି ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ମଙ୍ଗଳବାର ରାଜ୍ୟ ସରକାରଙ୍କ ସମସ୍ତ କର୍ମଚାରୀଙ୍କ ଦରମା ବୃଦ୍ଧି କରିବାକୁ ଘୋଷଣା କରିଛନ୍ତି । ଏଥି ସହିତ ସେ କର୍ମଚାରୀଙ୍କ ଅବସର ବୟସକୁ ବର୍ତ୍ତମାନର ୫୮ ବର୍ଷରୁ ଅଧିକ ବୃଦ୍ଧି କରିବାକୁ ଘୋଷଣା କରିଛନ୍ତି ।

ଅଧିକ ପଢ଼ନ୍ତୁ:-ବିଜେପିର ମୁଖ୍ୟମନ୍ତ୍ରୀ ଚେହେରା ହେବେ ସୌରଭ ଗାଙ୍ଗୁଲି?

ତେଲେଙ୍ଗାନା ରାଜ୍ୟର ସରକାରୀ କର୍ମଚାରୀଙ୍କ ଦରମା ଏବଂ ଅବସର ବୟସ କେତେ ବୃଦ୍ଧି ହେବ ସେନେଇ କୌଣସି ନିଷ୍ପତ୍ତି ନିଆଯାଇ ନାହିଁ । କିନ୍ତୁ ସମ୍ଭାବନା ଅଛି ଯେ ଏହା ଉପରେ ଶୀଘ୍ର ନିଷ୍ପତ୍ତି ହୋଇପାରେ । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଏକ ଆଧିକାରୀକ ବୟାନରେ କୁହାଯାଇଛି ଯେ ରାଓ ଖୁବ ଶୀଘ୍ର ସମସ୍ତ ସରକାରୀ ବିଭାଗରେ ପଦବୀ ପୂରଣ କରିବାକୁ ନିଷ୍ପତ୍ତି ନେଇଛନ୍ତି । ଅର୍ଥାତ୍ ଖୁବ୍ ଶୀଘ୍ର ରାଜ୍ୟରେ ସରକାରୀ ଚାକିରି ପାଇଁ ନିଯୁକ୍ତି କରାଯାଇପାରେ ।

ଅଧିକ ପଢ଼ନ୍ତୁ:-ଭାଗ୍ୟ ୨୦୨୧: ଜାଣନ୍ତୁ ଦୁନିଆ, ଭାରତ, ଓଡ଼ିଶା ଓ ଆପଣଙ୍କ ପାଇଁ କେମିତି ରହିବ ନୂଆ ବର୍ଷ

ତେଲେଙ୍ଗାନା ମୁଖ୍ୟମନ୍ତ୍ରୀ ଏହି ନିଷ୍ପତ୍ତିଗୁଡ଼ିକୁ ସରକାରୀ କର୍ମଚାରୀଙ୍କ ପାଇଁ ନୂଆ ବର୍ଷର ଉପହାର ବୋଲି କହିଛନ୍ତି । ଏହି ବୟାନରେ କୁହାଯାଇଛି ଯେ ମୁଖ୍ୟମନ୍ତ୍ରୀ ମୁଖ୍ୟ ସଚିବ ସୋମେଶ କୁମାରଙ୍କ ନେତୃତ୍ୱରେ ଏକ ସରକାରୀ କମିଟି ନିଯୁକ୍ତ କରିଛନ୍ତି । ଏଥିରେ ମୁଖ୍ୟ ଶାସନ ସଚିବ (ଅର୍ଥ) ରାମକୃଷ୍ଣ ରାଓ ଏବଂ ଜଳ ସମ୍ପଦ ବିକାଶ ମୁଖ୍ୟ ସଚିବ ରଜତ କୁମାର ସଦସ୍ୟ ଅଛନ୍ତି । ଏହି ନିଷ୍ପତ୍ତିଗୁଡିକ କାର୍ଯ୍ୟକାରୀ କରିବାର ମୋଡାଲିଟି ଉପରେ ଏହି କମିଟି କାର୍ଯ୍ୟ କରିବ ।

ଅଧିକ ପଢ଼ନ୍ତୁ:-LPG ସିଲିଣ୍ଡର ଓ ରାସନ କାର୍ଡକୁ ନେଇ ଏହି ଗୁରୁତ୍ୱପୂର୍ଣ୍ଣ ସୂଚନା ଦେଲେ ସରକାର

ଜାନୁଆରୀ ପ୍ରଥମ ସପ୍ତାହରେ କମିଟି ପେ ରିଭିଜନ୍ କମିଶନ (PRC) ରିପୋର୍ଟ ଅଧ୍ୟୟନ କରିବ । ଦ୍ୱିତୀୟ ସପ୍ତାହରେ କମିଟି ୟୁନିଅନର କର୍ମଚାରୀଙ୍କ ପ୍ରତିନିଧୀଙ୍କୁ ଭେଟିବ । ଏହି ବୃଦ୍ଧିରେ ସମସ୍ତ ସରକାରୀ କର୍ମଚାରୀ, ସବସିଡିଯୁକ୍ତ କର୍ମଚାରୀ, ଚାକିରୀ କରୁଥିବା କର୍ମଚାରୀ, ଦୈନିକ ମଜୁରୀ କର୍ମଚାରୀ, ପୂର୍ଣ୍ଣକାଳୀନ କାଜୁଆଲ୍ କର୍ମଚାରୀ, ପାର୍ଟ ଟାଇମ୍ କାଜୁଆଲ୍ କର୍ମଚାରୀ ଏବଂ ପେନସନଭୋଗୀ ଉପକୃତ ହେବା ଉଚିତ ବୋଲି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।