ମାର୍ଚ୍ଚ ପହିଲାରୁ ବୟସ୍କଙ୍କୁ ଟିକା: କେତେ ଦେବାକୁ ହେବ ଟଙ୍କା ପଢନ୍ତୁ ଏହି ୫ ଗୁରୁତ୍ତ୍ୱପୂର୍ଣ୍ଣ ସୂଚନା

ନୂଆଦିଲ୍ଲୀ: ଆସନ୍ତା ମାର୍ଚ୍ଚ ମାସ ଠାରୁ ବୟସ୍କ ବ୍ୟକ୍ତିଙ୍କୁ କୋରୋନା ଟିକା ଦିଆଯିବ । ଏଥିପାଇଁ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ନିଷ୍ପତ୍ତି ହୋଇଛି । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଏହି ନିଷ୍ପତ୍ତି ନିଆଯାଇଛି । ତେବେ ନିଷ୍ପତ୍ତି ଅନୁଯାୟୀ ୬୦ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ଟିକା ଦିଆଯିବ । ସେହିପରି ୪୫ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ଯଦି ଅନ୍ୟ କିଛି ରୋଗ ରହିଛି ତେବେ ତାଙ୍କୁ ମଧ୍ୟ ଟିକା ଦିଆଯିବ । 

ଏହି ନିଷ୍ପତ୍ତି ପରେ ସାଧାରଣ ଲୋକଙ୍କ ମନରେ ଅନେକ ପ୍ରଶ୍ନ ମଧ୍ୟ ସୃଷ୍ଟି ହୋଇଛି । ଏହି ଟିକା ଆମ ପାଇଁ ମାଗଣା ରହିବ ନା ସେଥିପାଇଁ କିଛି ଅର୍ଥ ଦେବାକୁ ହେବ । ଯାହାର ଉତ୍ତର ଆପଣମାନଙ୍କ ନିକଟରେ ଏବେ ମଧ୍ୟ ନଥିବ । ତେବେ ଆଜି ଆମେ କହିବୁ ଆପଣଙ୍କୁ ବୟସ୍କଙ୍କ ପାଇଁ ସରକାରଙ୍କ ତରଫରୁ ଟିକାକରଣ ବ୍ୟବସ୍ଥା କଣ ରହିଛି । ସରକାରୀ ସ୍ତରରେ କିଭଳି ଭାବରେ ଜନସାଧାରଣଙ୍କ ନିକଟରେ ପହଞ୍ଚିବ ଏହି ଟିକା।

ଅଧିକ ପଢନ୍ତୁ: ଏଣିକି ଲୋକସଭାରେ ଶୁଭିବ ସମ୍ବଲପୁରୀ ଭାଷା

କେଉଁମାନେ ପାଇବେ ଟିକା
ବୟସକୁ ନେଇ ପ୍ରଥମ ପ୍ରଶ୍ନ ସୃଷ୍ଟି ହୋଇଛି । କେଉଁ ବୟସର ଲୋକମାନେ ଟିକା ନେବେ ସେନେ ଅନେକଙ୍କ ମନରେ ପ୍ରଶ୍ନ ରହିଛି । ତେବେ ଏନେଇ ସରକାର ସ୍ପଷ୍ଟ ଭାବେ ସୂଚନା ଦେଇଛନ୍ତି ଯେ, ୬୦ ବର୍ଷରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଏହି ଟିକା ଦିଆଯିବ । ଯେଉଁମାନଙ୍କର ବୟସ ୬୦ରୁ ଊର୍ଦ୍ଧ୍ୱ ହୋଇଥିବ ସେମାନେ ଟିକା ନେବାରେ କୌଣସି ସମସ୍ୟା ନାହିଁ ବୋଲି ସରକାର ସୂଚନା ଦେଇଛନ୍ତି । ସେହିପରି ୪୫ ବର୍ଷରୁ ଊର୍ଦ୍ଧ୍ୱ ବ୍ୟକ୍ତି କିମ୍ବା ମହିଳାଙ୍କୁ ମଧ୍ୟ ଟିକା ପ୍ରଦାନ କରାଯିବ । ତେବେ ଏହି ବୟସ ବର୍ଗର ସମସ୍ତଙ୍କୁ ଟିକା ଦିଆଯିବନାହିଁ । ଏହି ବୟସବର୍ଗର ସେହିମାନଙ୍କୁ ଟିକା ଦିଆଯିବ ଯେଉଁମାନେ ଗୁରୁତର ରୋଗରେ ପୀଡ଼ିତ ଥିବେ। ତେବେ ଏହି ବର୍ଗର ଲୋକମାନଙ୍କ ସେମାନଙ୍କର ରୋଗ ସଂକ୍ରାନ୍ତରେ ପ୍ରମାଣ ପତ୍ର ଦେଖାଇବାକୁ ହେବ। 

ଟିକା ପାଇଁ କେତେ ଦେବାକୁ ହେବ ଟଙ୍କା
ଦେଶରେ ୨୦ ହଜାର ବେସରକାରୀ ଡାକ୍ତରଖାନାର ତାଲିକା ପ୍ରସ୍ତୁତ କରିଛନ୍ତି ସରକାର। ଏହି ସବୁ ଡାକ୍ତରଖାନାକୁ ଏହି ଭ୍ୟାକ୍ସିନେସନ ଡ୍ରାଇଭରେ ସାମିଲ କରାଯାଇଛି । ଏହି ସବୁ ଡାକ୍ତରଖାନାରେ ଟିକାକରଣ କରାଯିବ । ତେବେ ଏହି ସବୁ ଡାକ୍ତରଖାନାରେ ଟିକା ନେବାକୁ ହେଲେ ଏଥିପାଇଁ ଅର୍ଥ ପଇଠ କରିବାକୁ ହେବ । କିନ୍ତୁ ଯଦି କେହି ସରକାରୀ ଡାକ୍ତରଖାନାରେ ଟିକା ନେଉଛନ୍ତି, ତେବେ ସେମାନଙ୍କ ପାଇଁ ସମ୍ପୂର୍ଣ୍ଣ ମାଗଣା ରହିବ । ସେପଟେ କିନ୍ତୁ ଏହି ଟିକା ପାଇଁ କେତେ ଟଙ୍କା ଦେବାକୁ ହେବ ସେନେଇ ସରକାରଙ୍କ ତରଫରୁ କୌଣସି ନିର୍ଦ୍ଦିଷ୍ଟ ସ୍ପଷ୍ଟ ସୂଚନା ଦିଆଯାଇନାହିଁ । 

ଅଧିକ ପଢନ୍ତୁ: ପୁଣି ଆସିଛି ଫେବୃଆରୀ ପାଇଁ LPG ସିଲିଣ୍ଡରର ନୂଆ ଦର, ଜାଣନ୍ତୁ କ'ଣ ରହିଛି ରେଟ୍

କୋରୋନା ଟିକାର ବିକଳ୍ପ ରହିବ କି
ଟିକାକରଣ ଉପରେ ସରକାର ଆଣିଥିବା କୋଭିନ ଆପରେ ୬୦ ବର୍ଷରୁ ଅଧିକ ବୟସର ଲୋକଙ୍କର ତଥ୍ୟ ରହିବ। ସେହିପରି ୪୫ ରୁ ୬୦ ବର୍ଷ ବୟସର ଲୋକଙ୍କ ପାଖରେ ତଥ୍ୟ ରହିବ ନାହିଁ। ଏହି ଟିକା କୋଭିଶିଲ୍ଡ କିମ୍ବା କୋଭାକ୍ସିନ୍ ହେବ କି ନାହିଁ ସେ ସମ୍ବନ୍ଧରେ କୌଣସି ନିର୍ଦ୍ଦେଶନାମା ଜାରି କରାଯାଇ ନାହିଁ। ସରକାରଙ୍କ ଠାରୁ ମଧ୍ୟ ପସନ୍ଦ ବିଷୟରେ କିଛି କୁହାଯାଇ ନାହିଁ।

ଟିକା ପାଇଁ କଣ ରହିବ ଦସ୍ତାବିଜ
ଟିକା କେବଳ ୪୫ ରୁ ୬୦ ବର୍ଷ ମଧ୍ୟରେ ଥିବା ବୟସ୍କଙ୍କୁ ଦିଆଯିବ ଯେଉଁମାନଙ୍କର ଗୁରୁତର ରୋଗ ଅଛି । ଏପରି ପରିସ୍ଥିତିରେ, ଏହି ଲୋକଙ୍କୁ ଟିକାକରଣ ପୂର୍ବରୁ ସେମାନଙ୍କ ରୋଗ ସମ୍ବନ୍ଧୀୟ ଦଲିଲଗୁଡ଼ିକୁ ଦେଖାଇବାକୁ ପଡିବ। ବର୍ତ୍ତମାନ ନିର୍ଦ୍ଦିଷ୍ଟ ବୟସରୁ କମ୍ ଲୋକଙ୍କୁ ଟିକା ଦେବା ପାଇଁ ସରକାରଙ୍କୁ ଡକ୍ୟୁମେଣ୍ଟ ଦେଖାଇବା ପାଇଁ ନିର୍ଦ୍ଦେଶାବଳୀ ଜାରି କରାଯାଇ ନାହିଁ।

ଅଧିକ ପଢନ୍ତୁ: ଖୁବ୍ ଶୀଘ୍ର ସରକାରୀ କର୍ମଚାରୀ ଓ ପେନସନଭୋଗୀଙ୍କୁ ମିଳିବ ବର୍ଦ୍ଧିତ ମହଙ୍ଗା ଭତ୍ତା!

ଟିକାକରଣ ର ସାର୍ଟିଫିକେଟ କିଭଳି ପାଇବେ
ଟିକା ପାଇବା ପରେ ଡିଜିଟାଲ ସାର୍ଟିଫିକେଟ୍ କିପରି ପାଇବେ ଏହି ପ୍ରଶ୍ନ ଆପଣଙ୍କ ମନରେ ମଧ୍ୟ ରହିବ। କୋରୋନା ଟିକା ପ୍ରବର୍ତ୍ତନ ପରେ ବର୍ତ୍ତମାନ ପର୍ଯ୍ୟନ୍ତ ଟିକା ପ୍ରମାଣପତ୍ର ଦିଆଯାଇଥିଲା, କିନ୍ତୁ ତାହା ବର୍ତ୍ତମାନ ହେବ ନାହିଁ। ଟିକାକରଣ ପରେ କେନ୍ଦ୍ର ସରକାର ଏହି ପ୍ରମାଣପତ୍ର ପ୍ରକାଶ କରିବେ। ଏହା ପରେ ଆପ୍ ମାଧ୍ୟମରେ ଡାଉନଲୋଡ୍ ହୋଇପାରିବ। ଚାକିରି କିମ୍ବା ବିଦେଶ ଯିବା କ୍ଷେତ୍ରରେ ଏହି ସାର୍ଟିଫିକେଟ୍ ବହୁତ ଉପଯୋଗୀ ହେବ।