ମାର୍ଚ୍ଚ ୬-୭ରେ ଏହି ରୁଟରେ ଅନେକ ଟ୍ରେନ୍ ଆଂଶିକ ରୂପେ ବାତିଲ୍ କରିବାକୁ ନିଷ୍ପତ୍ତି ନେଲା ରେଲୱେ! ଜାଣନ୍ତୁ ଏହା ପଛର କାରଣ

ନୂଆଦିଲ୍ଲୀ: କୃଷି ଆଇନ  (Farm Laws) ପ୍ରତ୍ୟାହାର ଦାବିରେ ସାରା ଦେଶର ଚାଷୀଙ୍କ ଆନ୍ଦୋଳନ (Farmers Protest) ଜାରି ରହିଛି । ଏଭଳି ପରିସ୍ଥିତିରେ ରେଳ ସେବା ମଧ୍ୟ ପ୍ରଭାବିତ ହେଉଛି । ସୁରକ୍ଷା ଦୃଷ୍ଟିରୁ ପ୍ରଶାସନକୁ ଏହି ଟ୍ରେନଗୁଡ଼ିକୁ ଆଂଶିକ କିମ୍ବା ସମ୍ପୂର୍ଣ୍ଣ ବାତିଲ କରିବାକୁ ପଡୁଛି । ଟ୍ରେନର ନିର୍ଦ୍ଧାରିତ ସମୟ ନିର୍ଘଣ୍ଟରେ ମଧ୍ୟ ପରିବର୍ତ୍ତନ କରିବାକୁ ପଡୁଛି ।

ଅଧିକ ପଢ଼ନ୍ତୁ:-ଯଦି ଆପଣଙ୍କର ଅଛି LIC ପଲିସି ତ ଅତି ଶୀଘ୍ର କରି ନିଅନ୍ତୁ ଏହି କାମ, ନଚେତ୍ ହେବ ଲକ୍ଷ ଲକ୍ଷ ଟଙ୍କାର କ୍ଷତି

ଏହି ସମୟରେ ଉତ୍ତର ପଶ୍ଚିମ ରେଳବାଇ (North Western Railway) ପକ୍ଷରୁ ସୂଚନା ଦିଆଯାଇଛି ଯେ ଚାଷୀ ଆନ୍ଦୋଳନ କାରଣରୁ ସପ୍ତାହରେ ୨ ଦିନ ଚାଲୁଥିବା ଅଜମେର-ଅମୃତସର-ଅଜମେର ସାପ୍ତାହିକ ସ୍ୱତନ୍ତ୍ର ଟ୍ରେନକୁ ମାର୍ଚ୍ଚ ୬ ଓ ୭ରେ ଆଂଶିକ ରୂପେ ବାତିଲ୍ କରାଯାଇଛି । ଏଭଳି ପରିସ୍ଥିତିରେ ରେଳ ଯାତ୍ରୀମାନେ ଯାତ୍ରା ପୂର୍ବରୁ ବିଭିନ୍ନ ମାଧ୍ୟମରେ ଟ୍ରେନ ଚଳାଚଳ ବିଷୟରେ ସଠିକ୍ ସୂଚନା ପ୍ରାପ୍ତ କରିବା ଆବଶ୍ୟକ ।

ଅଧିକ ପଢ଼ନ୍ତୁ:-ପୁଣି ଫେରିବ କି ଲକଡାଉନ? ଡରାଉଛି କୋରୋନାର ଡେଲି ରିପୋର୍ଟ

ଉତ୍ତର ପଶ୍ଚିମ ରେଳବାଇର ମୁଖପାତ୍ର ଅନୁଯାୟୀ, ଅଜମର-ଅମୃତସର-ଅଜମେର ସାପ୍ତାହିକ ସ୍ୱତନ୍ତ୍ର ଟ୍ରେନ୍ (Ajmer Amritsar Ajmer weekly special train) ଆଂଶିକ ରୂପେ ବାତିଲ କରାଯାଉଛି । କୃଷକ ଆନ୍ଦୋଳନ ଯୋଗୁଁ ଏହି ଟ୍ରେନ୍ ମାର୍ଚ୍ଚ ୬ ଓ ୭ରେ ନିର୍ଦ୍ଧାରିତ ମାର୍ଗରେ ପରିଚାଳିତ ହେବ ନାହିଁ ।

ଅଧିକ ପଢ଼ନ୍ତୁ:-ମହଙ୍ଗା ଭତ୍ତା ଦେବାକୁ ପ୍ରସ୍ତୁତ ମୋଦି ସରକାର! କିନ୍ତୁ...

ମୁଖପାତ୍ରଙ୍କ ଅନୁଯାୟୀ, ମାର୍ଚ୍ଚ ୬ରେ ଜଲନ୍ଦର ସିଟି-ଅମୃତସର ଷ୍ଟେସନରୁ ଚାଲୁଥିବା 09611 ଅଜମେର-ଅମୃତସର ଦ୍ୱି-ସାପ୍ତାହିକ ଟ୍ରେନ ଆଂଶିକ ବାତିଲ ହେବ । ଏହା ବ୍ୟତୀତ ମାର୍ଚ୍ଚ ୭ରେ ପ୍ରାରମ୍ଭିକ ଷ୍ଟେସନରୁ ଚାଲୁଥିବା 09614 ଅମୃତସର-ଅଜମେର ଦ୍ୱି-ସାପ୍ତାହିକ ସ୍ୱତନ୍ତ୍ର ଟ୍ରେନ୍ ଅମୃତସର-ଜଲନ୍ଦର ସିଟି ଷ୍ଟେସନ ମଧ୍ୟରେ ଆଂଶିକ ରୂପେ ବାତିଲ ହୋଇ ରହିବ ।