ମୋଦି ଓ କେଜ୍ରିୱାଲ କଂଗ୍ରେସକୁ କାହିଁକି କରନ୍ତି ଆକ୍ରମଣ? ଗଣିତ ବୁଝାଇଲେ ଦଳର ଏହି ବରିଷ୍ଠ ନେତା

Ashok Gehlot: ସିଏମ୍ ଗେହଲୋଟ୍ କହିଛନ୍ତି ଯେ, ଗାନ୍ଧୀ ଓ ଅଣ-ଗାନ୍ଧୀ କଥା ନୁହେଁ । ଏହା ହେଉଛି ସଂଗଠନର କାମ । କେହି ପ୍ରଧାନମନ୍ତ୍ରୀ ହେବାକୁ ଯାଉନାହାଁନ୍ତି । ଏହି ପରିବାରରୁ ୩୨ ବର୍ଷ ହେବ କେହିଁ ପ୍ରଧାନମନ୍ତ୍ରୀ ହୋଇଛନ୍ତି ନା କେହିଁ ମୁଖ୍ୟମନ୍ତ୍ରୀ ହୋଇଛନ୍ତି କି କେନ୍ଦ୍ର ମନ୍ତ୍ରୀ ।

ନୂଆଦିଲ୍ଲୀ: Ashok Gehlot: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରିବନ୍ଦ୍ର କେଜ୍ରିୱାଲଙ୍କ ଉପରେ ବର୍ଷିଛନ୍ତି । ସେ କହିଛନ୍ତି ଯେ, ମୋଦି ଓ କେଜ୍ରିୱାଲ ଗାନ୍ଧୀ ପରିବାରକୁ ଭୟ କରୁଛନ୍ତି । ସେଥିପାଇଁ ସେମାନେ ଆକ୍ରମଣ କରନ୍ତି । କାରଣ କଂଗ୍ରେସ ଓ ଦେଶର ଡିଏନ୍ଏ ଗୋଟିଏ । ଉଭୟ ମିଛ କହି ଲୋକଙ୍କୁ ବିଭ୍ରାନ୍ତ କରୁଛନ୍ତି । ରାଜଧାନୀ ଜୟପୁରରେ ଗଣମାଧ୍ୟମ ସହ କଥାବାର୍ତ୍ତା କରି ସିଏମ୍ ଗେହଲୋଟ୍ କହିଛନ୍ତି ଯେ, ରାହୁଲ ଗାନ୍ଧୀ କଂଗ୍ରେସ ଅଧ୍ୟକ୍ଷ ପଦ ଗ୍ରହଣ କରିବା ଉଚିତ୍ । ଜନସାଧାରଣଙ୍କ ଭାବନା ପ୍ରତି ଧ୍ୟାନ ଦେବା ଆବଶ୍ୟକ । AICC ବୈଠକରେ ୨୫୦ ଲୋକ ବସିଥିଲେ । ସମସ୍ତଙ୍କ ସହ ଆଲୋଚନା କରାଯାଇଥିଲା । ସମସ୍ତ ରାଜ୍ୟର ପ୍ରଦେଶାଧ୍ୟକ୍ଷ ଥିଲେ । ସମସ୍ତଙ୍କ ସହିତ ୱାନ୍ ଟୁ ୱାନ୍ ହୋଇଥିଲା । ସମସ୍ତେ କହିଛନ୍ତି ଯେ, ରାହୁଲ ଗାନ୍ଧୀ ଅଧ୍ୟକ୍ଷ ହେବା ଉଚିତ୍ । ରାହୁଲ ଗାନ୍ଧୀଙ୍କ ସପକ୍ଷରେ ଏକପାଖିଆ ମତ ରହିଛି । ମୁ ବୁଝେ । ତାଙ୍କୁ ଏହି ପଦ ଗ୍ରହଣ କରିବା ଆବଶ୍ୟକ । ସେପ୍ଟେମ୍ବର ୪ରେ ଦିଲ୍ଲୀରେ ଦରଦାମ୍ ବୃଦ୍ଧି ଉପରେ କଂଗ୍ରେସର ହୋଲ୍ଲା ବୋଲ ରାଲିର ପ୍ରସ୍ତୁତିକୁ ନେଇ ଜୟପୁରରେ ରାଜସ୍ଥାନ ପ୍ରଦେଶ କଂଗ୍ରେସ କମିଟି ବୈଠକ ପରେ ସିଏମ ଗେହଲୋଟ ଗଣମାଧ୍ୟମ ସହ କଥାବାର୍ତ୍ତା କରିଥିଲେ ।

ସିଏମ୍ ଗେହଲୋଟ୍ କହିଛନ୍ତି ଯେ, ଗାନ୍ଧୀ ଓ ଅଣ-ଗାନ୍ଧୀ କଥା ନୁହେଁ । ଏହା ହେଉଛି ସଂଗଠନର କାମ । କେହି ପ୍ରଧାନମନ୍ତ୍ରୀ ହେବାକୁ ଯାଉନାହାଁନ୍ତି । ଏହି ପରିବାରରୁ ୩୨ ବର୍ଷ ହେବ କେହିଁ ପ୍ରଧାନମନ୍ତ୍ରୀ ହୋଇଛନ୍ତି ନା କେହିଁ ମୁଖ୍ୟମନ୍ତ୍ରୀ ହୋଇଛନ୍ତି କି କେନ୍ଦ୍ର ମନ୍ତ୍ରୀ । ତେବେ ମୋଦି କାହିଁକି ଏହି ପରିବାରକୁ ଭୟ କରୁଛନ୍ତି? କେଜ୍ରିୱାଲଙ୍କୁ କାହିଁକି କହିବାକୁ ପଡ଼ୁଛି ଯେ ୭୫ ବର୍ଷ ମଧ୍ୟରେ ଦେଶ ଭିତରେ କିଛି ଘଟି ହୋଇନାହିଁ । ତେବେ ସମସ୍ତେ କଂଗ୍ରେସ ଉପରେ କାହିଁକି ଆକ୍ରମଣ କରୁଛନ୍ତି? କାରଣ କଂଗ୍ରେସ ଦଳର ଡିଏନ୍ଏ ଓ ଦେଶର ଡିଏନ୍ଏ ସମାନ । ସ୍ୱାଧୀନତା ପୂର୍ବରୁ ଓ ସ୍ୱାଧୀନତା ପରେ ମଧ୍ୟ କଂଗ୍ରେସ ଦଳ ସମସ୍ତ ଧର୍ମ, ଜାତି ଏବଂ ସମସ୍ତ ବର୍ଗ ସହିତ ଚାଲିଥାଏ । ମୋଦି ଓ କେଜ୍ରିୱାଲ ଏହିପରି କଥା କହି ଲୋକଙ୍କୁ ବିଭ୍ରାନ୍ତ କରୁଛନ୍ତି । ୭୫ ବର୍ଷ ମଧ୍ୟରେ କଂଗ୍ରେସ ଗଣତନ୍ତ୍ରକୁ ଜୀବନ୍ତ ରଖିଛି । ସେଥିପାଇଁ ମୋଦି ପ୍ରଧାନମନ୍ତ୍ରୀ ହୋଇପାରିଛନ୍ତି ଓ କେଜ୍ରିୱାଲ ସିଏମ ।

ଏହା ବି ପଢ଼ନ୍ତୁ:-ବିଜେପି ଓ ଏକନାଥ ସିନ୍ଦେ ଗୋଷ୍ଠୀରେ ଫାଟ, ପୁଣି ଭାଙ୍ଗିବ ସରକାର!

ଏହା ବି ପଢ଼ନ୍ତୁ:-ଆଫଗାନିସ୍ତାନରେ ପୁଣି ଦେଖାଦେବ ସଙ୍କଟ! ଜାତିସଂଘର ସୁରକ୍ଷା ପରିଷଦକୁ ଧମକ ଦେଲା ତାଲିବାନ, ଜାଣନ୍ତୁ କ'ଣ ରହିଛି କାରଣ

ଏହା ବି ପଢ଼ନ୍ତୁ:-'ପିଏମ ମୋଦିଙ୍କ ପାଇଁ ୨୦୨୪ର ଖେଳ ହେବନାହିଁ ସହଜ', ଅଶୋକ ଗେହଲୋଟ୍ କହିଲେ ସବୁଠୁ ବଡ଼ ଚ୍ୟାଲେଞ୍ଜ ବିଷୟରେ...

ସିଏମ୍ ଗେହଲୋଟ୍ କହିଛନ୍ତି ଯେ, ଦରଦାମ୍ ବୃଦ୍ଧି ଓ ବେକାରୀ ସହ ଡାଲି, ଅଟା ଉପରେ ଯେଉଁଭଳି ଭାବେ ଜିଏସଟି ଲାଗୁ ହୋଇଛି, ଏହାର ବନ୍ଦ ରିଆକ୍ସନ ଦେଶ ମଧ୍ୟରେ ରହିଛି । ଉପରୁ ମିଛ କହୁଛନ୍ତି । ଜିଏସଟି ହଟାଇବା ପାଇଁ କେନ୍ଦ୍ର ଅର୍ଥମନ୍ତ୍ରୀଙ୍କୁ ଦୁଇଟି ଚିଠି ଲେଖାଯାଇଛି । ଯାହା ଦ୍ୱାରା ମୁଦ୍ରାସ୍ଫୀତି ହ୍ରାସ ପାଇବ । ଦରଦାମ୍ ବୃଦ୍ଧି ବିରୋଧରେ ବିରୋଧ କରିବା ପରେ ମୋଦି ସରକାର ପ୍ରତିରକ୍ଷା ମୋଡକୁ ଆସିଛନ୍ତି । ପ୍ରଧାନମନ୍ତ୍ରୀ ମୋଦି କହୁଛନ୍ତି ଯେ, କଳା ଯାଦୁ କରାଯାଉଛି । ଯିଏ କଳା ପୋଷାକ ପିନ୍ଧି ଏହି ଆନ୍ଦୋଳନ କରିଥିଲେ । ମୋଦି ଜୀ ଚିନ୍ତିତ ହୋଇଯାଇଛନ୍ତି । ସେଦିନ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ମୋଦି ଡିଫେନ୍ସ ମୋଡକୁ ଆସିଯାଇଥିଲେ । ଦେଶରେ ପରିସ୍ଥିତି ଗୁରୁତର ରହିଛି । ମୁଦ୍ରାସ୍ଫୀତି ସୀମା ଅତିକ୍ରମ କରିଛି । ଗରିବ ଲୋକ ଗରିବ ହୋଇଯାଉଛି । ଧନୀ ବ୍ୟକ୍ତି ଧନୀ ହେବାରେ ଲାଗିଛି । ମୁଦ୍ରାସ୍ଫୀତି ନେଇ ପ୍ରଧାନମନ୍ତ୍ରୀ ମୋଦି ଚିନ୍ତିତ ନୁହଁନ୍ତି । ତାଙ୍କୁ ତ କେବଳ କଂଗ୍ରେସ ମୁକ୍ତ ଭାରତକୁ ନେଇ ଚିନ୍ତା ।