ଜାଣନ୍ତୁ ଫେବୃଆରୀ ୧ରୁ କେଉଁ କେଉଁ ସ୍ଥାନରେ ଖୋଲିବ ସ୍କୁଲ, କ'ଣ ରହିଛି ଗାଇଡଲାଇନ୍?

ନୂଆଦିଲ୍ଲୀ: ଦେଶରେ କୋରୋନା ସଂକ୍ରମଣର ମାତ୍ରା କମିବା ମଧ୍ୟରେ ଅଧିକାଂଶ ରାଜ୍ୟ ବିଦ୍ୟାଳୟ ଖୋଲିବା (School Reopen) କୁ ଘୋଷଣା କରିଛନ୍ତି । ଅନେକ ରାଜ୍ୟ ଦଶମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ବିଦ୍ୟାଳୟ ଖୋଲି ସାରିଛନ୍ତି । ସେପଟେ ବର୍ତ୍ତମାନ ପ୍ରଥମରୁ ଆରମ୍ଭ କରି ବଳକା ଶ୍ରେଣୀର ଛାତ୍ରଛାତ୍ରୀମାନଙ୍କ ପାଇଁ ଫେବୃଆରୀରୁ ବିଦ୍ୟାଳୟ ଖୋଲିବାକୁ ପ୍ରସ୍ତୁତ କରାଯାଉଛି । କୋରୋନା ମହାମାରୀ (Coronavirus Crisis) ହେତୁ ଦଶ ମାସରୁ ଅଧିକ ସମୟ ବନ୍ଦ ରହିବା ପରେ ଫେବୃଆରୀ ୧ରୁ ଅନେକ ରାଜ୍ୟ ବିଦ୍ୟାଳୟ ଖୋଲିବାକୁ ଯାଉଛନ୍ତି । ଦେଶରେ କୋରୋନୋ ଭାଇରସ ସଂକ୍ରମଣ ମାମଲା କ୍ରମାଗତ ଭାବେ ହ୍ରାସକୁ ଦୃଷ୍ଟିରେ ରଖି ସ୍କୁଲ ଖୋଲିବାକୁ ନିଷ୍ପତ୍ତି ନିଆଯାଇଛି ।

ଅଧିକ ପଢ଼ନ୍ତୁ:-ଖାଇବା ଦେବାରେ ବିଳମ୍ବ କରିବାରୁ ମା'କୁ ହତ୍ୟା କଲା ପୁଅ, ଘର ଅଗଣାରେ ଜାଳିଲା ମୃତଦେହ

ଏହା ଧ୍ୟାନ ଦେବା ଉଚିତ ଯେ ଅନେକ ରାଜ୍ୟ ଜାନୁଆରୀ ମାସରେ ସ୍ୱେଚ୍ଛାକୃତ ଭାବରେ ଦଶମ ଓ ଦ୍ୱାଦଶ ଶ୍ରେଣୀ ପାଇଁ ପୁନଃ କ୍ଲାସ ଆରମ୍ଭ କରିଥିଲେ । ବର୍ତ୍ତମାନ ଏହି ସବୁ ରାଜ୍ୟ ଫେବୃଆରୀ ୧ରୁ ବିଦ୍ୟାଳୟ ଖୋଲିବାକୁ ନିଷ୍ପତ୍ତି ନେଇଛନ୍ତି...

ମହାରାଷ୍ଟ୍ରର ପୁଣେ ଓ ଥାନେ ଜିଲ୍ଲାରେ ସ୍କୁଲ ଖୋଲିବ

ମହାରାଷ୍ଟ୍ରର ଥାନେ ଓ ପୁଣେ ଜିଲ୍ଲା ଯଥାକ୍ରମେ ଜାନୁୟାରୀ ୨୭ ଏବଂ ଫେବୃଆରୀ ୧ରୁ ବିଦ୍ୟାଳୟ ଖୋଲିବାକୁ ନିଷ୍ପତ୍ତି ନେଇଛନ୍ତି । ଉଭୟ ଜିଲ୍ଲାର ମ୍ୟୁନିସିପାଲିଟି କର୍ପୋରେସନ୍ କଡା ନିର୍ଦ୍ଦେଶନାମା ଜାରି କରିଛନ୍ତି । ପୁଣେ ମ୍ୟୁନିସିପାଲିଟି କର୍ପୋରେସନ୍ (PMC) ଫେବୃଆରୀ ୧ରୁ ପଞ୍ଚମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିବାକୁ ଅନୁମତି ଦେଇଥିବାବେଳେ ଥାନେରେ ଜାନୁୟାରୀ ୨୭ରୁ ପଞ୍ଚମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ବିଦ୍ୟାଳୟ ଖୋଲାଯାଇଛି ।

ଅଧିକ ପଢ଼ନ୍ତୁ:-ଚିରାଗ ପାସୱାନଙ୍କ ଏନଡିଏରୁ ମୋହ ଭଙ୍ଗ, ଏବେ ଆଉ ପିଏମ ମୋଦିଙ୍କ ପ୍ରଶଂସକ ନୁହଁନ୍ତି ସେ!

ସର୍ତ୍ତମୂଳକ ମଞ୍ଜୁରୀ ସହିତ ପଞ୍ଜାବରେ ଖୋଲାଯିବ ବିଦ୍ୟାଳୟ

ପଞ୍ଜାବ ସ୍କୁଲ ଶିକ୍ଷା ମନ୍ତ୍ରୀ ବିଜୟ ଇନ୍ଦର ସିଙ୍ଗଲା ସୂଚନା ଦେଇଛନ୍ତି ଯେ ରାଜ୍ୟ ସରକାରଙ୍କ ସର୍ତ୍ତମୂଳକ ଅନୁମୋଦନ ପରେ ଫେବୃଆରୀ ୧ରୁ ସମସ୍ତ ସରକାରୀ, ସହାୟକ ତଥା ବେସରକାରୀ ବିଦ୍ୟାଳୟଗୁଡ଼ିକ ପ୍ରଥମ ଓ ଦ୍ୱିତୀୟ ଶ୍ରେଣୀ ଏବଂ ପ୍ରି-ପ୍ରାଥମିକ ଶ୍ରେଣୀ   ଖୋଲିବାକୁ ପ୍ରସ୍ତୁତ ଅଛନ୍ତି । ଜାନୁୟାରୀ ୫ରୁ ଦ୍ୱାଦଶ ଶ୍ରେଣୀର ଛାତ୍ରମାନେ ବିଦ୍ୟାଳୟକୁ ଯିବା ଆରମ୍ଭ କରିଥିଲେ ।

ଆନ୍ଧ୍ରପ୍ରଦେଶରେ ଖୋଲିବ ସ୍କୁଲ

ଫେବୃଆରୀ ୧ରୁ ଆନ୍ଧ୍ରପ୍ରଦେଶ ସରକାର ପ୍ରଥମରୁ ୫ମ ଶ୍ରେଣୀ ଖୋଲିବାକୁ ଅନୁମତି ଦେଇଛନ୍ତି । ପ୍ରାଥମିକ ଶ୍ରେଣୀଗୁଡ଼ିକ ପାଇଁ ବିଦ୍ୟାଳୟଗୁଡ଼ିକ ଦିନସାରା କାର୍ଯ୍ୟ କରିବେ । ଏହି ପରିପ୍ରେକ୍ଷୀରେ ରାଜ୍ୟ ଶିକ୍ଷା ବିଭାଗ ନିର୍ଦ୍ଦେଶାବଳୀ ଜାରି କରିଛି । ତେବେ ଏହା ଧ୍ୟାନ ରଖିବାକୁ ହେବ ଯେ ଛାତ୍ରମାନେ କେବଳ ପିତାମାତା କିମ୍ବା ଅଭିଭାବକଙ୍କ ଲିଖିତ ସମ୍ମତି ସହିତ କ୍ଲାସରେ ଯୋଗଦେବେ । ନିର୍ଦ୍ଦେଶାବଳୀ ଅନୁଯାୟୀ, ପ୍ରତ୍ୟେକ ବିଭାଗରେ କେବଳ ୨୦ ଜଣ ଛାତ୍ର ରହିବା ଉଚିତ୍ । ଷଷ୍ଠରୁ ଦ୍ୱାଦଶ ଶ୍ରେଣୀ ପାଇଁ ବିଦ୍ୟାଳୟ ଏବଂ ରାଜ୍ୟର କଲେଜଗୁଡ଼ିକ ଗତ ବର୍ଷ ନଭେମ୍ବରରେ ପୁନଃ ଖୋଲାଯାଇଥିଲା।

ଅଧିକ ପଢ଼ନ୍ତୁ:-ବିଧାନ ପରିଷଦରେ ପର୍ଣ୍ଣ ଦେଖୁଥିଲେ କଂଗ୍ରେସ MLC! ଇସ୍ତଫା ଦାବି କଲା ବିଜେପି

ହରିୟାଣାରେ ଖୋଲିବ ସ୍କୁଲ

ହରିୟାଣା ସ୍କୁଲ ଶିକ୍ଷା ବିଭାଗ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ ଫେବୃଆରୀ ୧ରୁ ରାଜ୍ୟ ଷଷ୍ଠରୁ ଅଷ୍ଟମ ଶ୍ରେଣୀ ପାଇଁ ସ୍କୁଲ ପୁନଃ ଖୋଲିବ । ଷଷ୍ଠରୁ ଅଷ୍ଟମ ଶ୍ରେଣୀ ପାଇଁ ବିଦ୍ୟାଳୟ ସମୟ ସକାଳ ୧୦ରୁ ଦିନ ୧.୩୦ ମିନିଟ ମଧ୍ୟରେ ରହିବ ।  ଛାତ୍ରଛାତ୍ରୀଙ୍କ ମଧ୍ୟରେ କୌଣସି କୋରୋନା ପରି ଲକ୍ଷଣ ନଥିବା ପ୍ରମାଣ କରିବାକୁ କୌଣସି ସ୍ୱାସ୍ଥ୍ୟ କେନ୍ଦ୍ର କିମ୍ବା ଡାକ୍ତରଙ୍କଠାରୁ ଏକ ପ୍ରମାଣପତ୍ର ଆଣିବାକୁ ପଡିବ । ସେମାନେ ବିଦ୍ୟାଳୟକୁ ଆସିବା ପୂର୍ବରୁ ସେମାନଙ୍କ ପିତାମାତାଙ୍କଠାରୁ ଲିଖିତ ସମ୍ମତି ମଧ୍ୟ ଆଣିବା ଆବଶ୍ୟକ । ଯେଉଁ ଛାତ୍ରଛାତ୍ରୀମାନେ ଗତ ୧୦ ମାସ ପରି ଅନଲାଇନ୍ ମୋଡ୍ ମାଧ୍ୟମରେ ଅଧ୍ୟୟନ ଜାରି ରଖିବାକୁ ଚାହୁଁଛନ୍ତି, ସେମାନେ ପୂର୍ବ ପରି ଏହି ସୁବିଧା ପାଇପାରିବେ ।

ଅଧିକ ପଢ଼ନ୍ତୁ:-ରେଲୱେ ପୁଣି ଦେଲା ଗୁଡ୍ ନ୍ୟୁଜ୍!

ଗୁଜୁରାଟରେ ମଧ୍ୟ ଆରମ୍ଭ ହେବ ଅଫଲାଇନ୍ କ୍ଲାସ୍

ଗୁଜୁରାଟରେ ନବମ ଓ ଏକାଦଶ ଶ୍ରେଣୀର ଅଫଲାଇନ୍ କ୍ଲାସ୍ ଫେବୃଆରୀ ୧ରୁ ପୁନଃ ଆରମ୍ଭ ହେବାକୁ ଯାଉଛି । ଏହାପୂର୍ବରୁ ରାଜ୍ୟ ଜାନୁଆରୀ ୧୧ରେ ଦଶମ ଏବଂ ଦ୍ୱାଦଶ ଶ୍ରେଣୀ ପାଇଁ ବିଦ୍ୟାଳୟ ଖୋଲିଥିଲା ।