ଭାରତରେ କାହିଁକି ବିରୋଧ ପ୍ରଦର୍ଶନ କରୁଛନ୍ତି ଆଫଗାନ ସେନାର ଯବାନ? ଖାଦ୍ୟ ପାଇଁ ବିକ୍ରି କଲେ ନିଜ...

ନୂଆଦିଲ୍ଲୀ: କାବୁଲରେ ସରକାର ଭାଙ୍ଗିବା ପରେ ଭାରତରେ ଫସି ରହିଥିବା ପ୍ରାୟ ଶହେ ଆଫଗାନିସ୍ତାନ ସେନା ଅଧିକାରୀ (Afghan Army Officers) ଗୁରୁବାର ନୂଆଦିଲ୍ଲୀରେ ଆଫଗାନିସ୍ତାନ ଦୂତାବାସ (Afghanistan Embassy) ବାହାରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏହି ବିକ୍ଷୋଭକାରୀଙ୍କ ମଧ୍ୟରେ ସେନା, ସ୍ୱତନ୍ତ୍ର ବାହିନୀ ଏବଂ ଗୁଇନ୍ଦା ବିଭାଗର ଅଧିକାରୀମାନେ ସାମିଲ ହୋଇଛନ୍ତି । ବର୍ତ୍ତମାନ ଆଫଗାନିସ୍ତାନ (Afghanistan) ରେ ତାଲିବାନ (Taliban) ଶାସନ ଚାଲିଛି ।  ଗତ ବର୍ଷ ଅଗଷ୍ଟରେ ତାଲିବାନ ଆଫଗାନିସ୍ତାନ ଉପରେ ନିୟନ୍ତ୍ରଣ ସ୍ଥାପନ କରିଥିଲା । ସେବେଠାରୁ ବହୁ ସଂଖ୍ୟକ ଆଫଗାନିସ୍ତାନ ନାଗରିକ ଅନ୍ୟ ଦେଶରେ ଆଶ୍ରୟ ନେଇଛନ୍ତି ।

ଆଫଗାନିସ୍ତାନ ସେନାର ଯବାନମାନେ (Afghan Army Personnel) ଅନ୍ୟ ଦେଶରେ ପୁନର୍ବାସରେ ଦୂତାବାସର ହସ୍ତକ୍ଷେପ ଲୋଡିଛନ୍ତି । ସେମାନେ ଏପରି ଏଥିପାଇଁ କରୁଛନ୍ତି କାରଣ ଆଫଗାନିସ୍ତାନକୁ ଫେରିବା ଛଡ଼ା ସେମାନଙ୍କ ପାଖରେ ଆଉ ବିକଳ୍ପ ନାହିଁ । ଗତ ବର୍ଷ ନ୍ୟାସନାଲ ଡିଫେନ୍ସ ଏକାଡେମୀରେ ତାଲିମ ପାଇଁ ଭାରତ ଆସିଥିବା ଲେଫ୍ଟିନେଣ୍ଟ ହମିଦ କହିଛନ୍ତି ଯେ ଭାରତରେ ରହୁଥିବା ୨୦୦ରୁ ଅଧିକ ଆଫଗାନିସ୍ତାନ ସେନା ଅଧିକାରୀଙ୍କ ଭବିଷ୍ୟତ ବିଷୟରେ କୌଣସି ସ୍ପଷ୍ଟତା ନାହିଁ ।

ସେ କହିଛନ୍ତି ଯେ, "ଆଫଗାନିସ୍ତାନ ସେନା ଅଧିକାରୀମାନେ ତାଲିମ କିମ୍ବା ଚିକିତ୍ସା ପାଇଁ ଭାରତ ଆସିଛନ୍ତି । ଆଫଗାନିସ୍ତାନରେ ସରକାରଙ୍କ ପତନ ପରେ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଥିବା ଆହତ କିମ୍ବା ଅସୁସ୍ଥ ଅଧିକାରୀଙ୍କୁ ଆର୍ଥିକ ସହାୟତା ବାଧାପ୍ରାପ୍ତ ହୋଇଛି ।" ସେ କହିଛନ୍ତି ଯେ ଭଡ଼ା ଦେବା ଓ ଖାଦ୍ୟ ପାଇଁ ବ୍ୟବସ୍ଥା କରିବା ପାଇଁ କିଛି ଅଧିକାରୀଙ୍କୁ ମୋବାଇଲ୍ ଫୋନ୍ ବିକ୍ରି କରିବାକୁ ପଡିଛି । ସେମାନଙ୍କ ଭବିଷ୍ୟତକୁ ନେଇ ଅନିଶ୍ଚିତତା ଯୋଗୁଁ ଆଫଗାନିସ୍ତାନରେ ସେମାନଙ୍କ ପରିବାର ମଧ୍ୟ ଯନ୍ତ୍ରଣା ଭୋଗୁଛନ୍ତି ।

ଅନ୍ୟ ଜଣେ ଅଧିକାରୀ ମେଜର ମହମ୍ମଦ କହିଛନ୍ତି ଯେ, ସେ ଜାତିସଂଘକୁ ଅନୁରୋଧ କରିଛି ଯଦି ତାଙ୍କୁ ଆଫଗାନିସ୍ତାନକୁ ଫେରିବାକୁ ବାଧ୍ୟ କରାଯାଏ ତେବେ ଏଥିରେ ହସ୍ତକ୍ଷେପ କରନ୍ତୁ ଏବଂ ତାଙ୍କୁ ମୃତ୍ୟୁରୁ ରକ୍ଷା କରନ୍ତୁ । ସେ କହିଛନ୍ତି ଯେ, "ଆମେ ପଛକୁ ଯାଇ ପାରିବୁ ନାହିଁ । ତାଲିବାନ ପାଖରେ ବାୟୋମେଟ୍ରିକ୍ ବିବରଣୀ ଆମର ସମସ୍ତ ସୂଚନା ଅଛି । ଆମେ ଆଫଗାନିସ୍ତାନ ଦୂତାବାସ ସହିତ ଅନେକ ଥର ଯୋଗାଯୋଗ କରିବାକୁ ଚେଷ୍ଟା କରିଛୁ କିନ୍ତୁ ପ୍ରତ୍ୟେକ ଥର ସେମାନେ ଆମକୁ ପରବର୍ତ୍ତୀ ତାରିଖ ଦିଅନ୍ତି କିନ୍ତୁ ସମସ୍ୟାର ସମାଧାନ କରନ୍ତି ନାହିଁ ।"

ଏହା ବି ପଢ଼ନ୍ତୁ:-କୋରୋନା ମାମଲାରେ ଆସିଲା ଗୁଡ୍ ନ୍ୟୁଜ୍

ଏହା ବି ପଢ଼ନ୍ତୁ:-ଅଭିନେତ୍ରୀ ଶ୍ୱେତା ତିୱାରୀଙ୍କ ବିରୋଧରେ FIR ରୁଜୁ, ଭଗବାନଙ୍କୁ ନେଇ ଦେଇଥିଲେ ଆପତ୍ତିଜନକ ବୟାନ

ଏହା ବି ପଢ଼ନ୍ତୁ:-ବିଜେପି ପାଇଁ ମୁଣ୍ଡ ବିନ୍ଧାର କାରଣ ପାଲଟିଲା ଏହି ସିଟ୍; ଗୋଟିଏ ଆସନ, ଦାବିଦାର ୩, ଦଳ କାହାକୁ ଦେବ ଟିକେଟ?

ବିକ୍ଷୋଭକାରୀମାନେ ଦାବି କରିଛନ୍ତି ଯେ, ୧୫ ଜଣ ଲୋକ ଟଙ୍କା ଅଭାବରୁ ଦକ୍ଷିଣ ଦିଲ୍ଲୀର ଦୁଇଟି ଛୋଟ କୋଠରୀରେ ରହିବାକୁ ବାଧ୍ୟ ହେଉଛନ୍ତି । ଅନ୍ୟ ଜଣେ ଅଧିକାରୀ ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି ଯେ ସେ ଗତ ଏକ ବର୍ଷ ଧରି ତାଙ୍କ ପିଲାମାନଙ୍କୁ ଦେଖିନାହାଁନ୍ତି । ସେ କହିଛନ୍ତି, "ମୁଁ ଜାଣେ ନାହିଁ ମୁଁ ପୁନର୍ବାର ମୋ ପରିବାରକୁ ଭେଟିବାକୁ ସମର୍ଥ ହେବି କି ନାହିଁ । ମୋ ପରିବାର ମୋ ଯୋଗୁଁ ଯନ୍ତ୍ରଣା ଭୋଗୁଛନ୍ତି । କେହି ଆମ କଥା ଶୁଣୁ ନାହାଁନ୍ତି । ଆମ ଭଳି ଲୋକଙ୍କ ଅଭିଯୋଗ ଆମେରିକା, ମିଳିତ ଜାତିସଂଘ ଏବଂ ଅନ୍ୟ ବୈଶ୍ୱିକ ମଞ୍ଜକୁ ଶୁଣିବା ଉଚିତ, ଯେଉଁମାନଙ୍କ ପାଖରେ କୌଣସି ଭବିଷ୍ୟତ ନାହିଁ ।" ଅଗଷ୍ଟ ୧୫ରେ ତାଲିବାନ କାବୁଲକୁ ଦଖଲ କରିବା ପରେ ଆଫଗାନିସ୍ତାନ ସରକାରର ପତନ ହୋଇଥିଲା ।