ଭାଙ୍ଗିଯିବ ନୀତିଶ ସରକାର!

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପରେ ବିଜେପି ଓ ଜନତା ଦଳ ୟୁନାଇଟେଡ (JDU)  ମଧ୍ୟରେ ସବୁକିଛି ଠିକ୍ ଚାଲୁନାହିଁ । ବିଗତ ଦିନରେ ଅରୁଣାଚଳ ପ୍ରଦେଶରେ ଜେଡିୟୁର ୬ ବିଧାୟକ ବିଜେପି (BJP) ରେ ସାମିଲ ହୋଇଥିଲେ । ଏହାପରେ ଦୁଅ ଦଳ ମଧ୍ୟରେ ସମ୍ପର୍କ ଆହୁରି ଖରାପ ହେବାରେ ଲାଗିଛି । ଶନିବାର ଜେଡିୟୁର ରାଜ୍ୟ କାର୍ଯ୍ୟକାରିଣୀ ବୈଠକରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର (Nitish Kumar) ଏକ ବଡ଼ ଖୁଲାସା କରିଛନ୍ତି । ୨ ଦିନିଆ ରାଜ୍ୟ କାର୍ଯ୍ୟକାରିଣୀର ପ୍ରଥମ ଦିନ ବୈଠକକୁ ସମ୍ବୋଧିତ କରି ନୀତିଶ କୁମାର କହିଛନ୍ତି ଯେ ନିର୍ବାଚନ ସମୟରେ ସେ ଜାଣି ପାରି ନଥିଲେ ଯେ ତାଙ୍କ ବନ୍ଧୁ କିଏ ଏବଂ ଶତ୍ରୁ କିଏ ?

ଅଧିକ ପଢ଼ନ୍ତୁ:-'ଛଅ ମାସ ମଧ୍ୟରେ ବିହାରରେ ଭାଙ୍ଗିଯିବ ଏନଡିଏ ସରକାର, ତେଜସ୍ୱୀ ହେବେ ମୁଖ୍ୟମନ୍ତ୍ରୀ'

ରାଜନୈତିକ ଗଳିରେ କଳ୍ପନାଜଳ୍ପନା ରହିଛି ଯେ ନୀତିଶ କୁମାରଙ୍କ ଏହି ବୟାନ ସହଯୋଗୀ ବିଜେପି (BJP) କୁ ନେଇ ଦିଆଯାଇଛି । କାରଣ ବୈଠକରେ ନିର୍ବାଚନ ​​ହାରିଥିବା ଅନେକ ଜେଡିୟୁ ପ୍ରାର୍ଥୀ କହିଛନ୍ତି ଯେ ସେମାନଙ୍କର ପରାଜୟ ଲୋକ ଜନଶକ୍ତି ପାର୍ଟି (LJP) ଯୋଗୁଁ ହୋଇନାହିଁ, ବରଂ ବିଜେପି କାରଣରୁ ହୋଇଛି ।

ଅଧିକ ପଢ଼ନ୍ତୁ:-ରାଜସ୍ଥାନରେ ବିଜେପି ଦି'ଫାଳ!

ସୂଚନାନୁସାରେ, ନିର୍ବାଚନରେ ​​ପରାଜୟ ପାଇଁ ବିଜେପିର ଭୂମିକା ଉପରେ ପ୍ରଶ୍ନ ଉଠାଇଥିବା ଜେଡିୟୁ ନେତାମାନେ ହେଲେ ଚନ୍ଦ୍ରିକା ରାୟ, ବୋଗୋ ସିଂ, ଜୟ କୁମାର ସିଂ, ଲଲନ୍ ପାସୱାନ୍, ଅରୁଣ ମାଞ୍ଝୀ ଏବଂ ଅସମାଂ ପରବୀନ । ଏହି ନେତାମାନେ ସ୍ପଷ୍ଟ ଭାବେ କହିଛନ୍ତି ଯେ ନିର୍ବାଚନରେ ​​ସେମାନଙ୍କର ପରାଜୟ ଏଲଜେପି (LJP) ପାଇଁ ନୁହେଁ ବରଂ ବିଜେପି ପାଇଁ ହୋଇଛି ।

ଅଧିକ ପଢ଼ନ୍ତୁ:-ରେଲୱେ ଦେଲା ଗୁଡ୍ ନ୍ୟୁଜ୍!

ମତିହାରୀ ଆସନରୁ ବିଧାନସଭା ନିର୍ବାଚନରେ ​​ହାରିଥିବା ଜେଡିୟୁ ପ୍ରାର୍ଥୀ ବୋଗୋ ସିଂ କହିଛନ୍ତି ଯେ ସମଗ୍ର ନିର୍ବାଚନରେ ଗୋଟିଏ ନାରା ଲାଗୁଥିଲା, ​​ଏଲଜେପି-ବିଜେପି ଭାଇ-ଭାଇ । ଏହାକୁ ଅସ୍ୱୀକାର କରାଯାଇପାରିବ ନାହିଁ ଯେ ଜେଡିୟୁକୁ ଏହାର ପରିଣାମ ଭୋଗିବାକୁ ପଡିଛି । ଯାହା ସତ୍ୟ ତାହା ଉଠାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସେ ଆହୁରି ମଧ୍ୟ କହିଛନ୍ତି ଯେ ଜେଡିୟୁକୁ ପରାସ୍ତ କରିବାରେ ଏଲଜେପି ଅପେକ୍ଷା ବିଜେପି ଅଧିକ ଦାୟୀ । ଏଲଜେପିର କୌଣସି ଅସ୍ତିତ୍ୱ ନାହିଁ । ଏହା ସଂପୂର୍ଣ୍ଣ ଯୋଜନା ଅନ୍ତର୍ଗତ କାମ କରାଯାଇଛି । ବିଜେପି ଭୋଟରମାନେ ମୋତେ ଭୋଟ୍ ଦେଇ ନାହାଁନ୍ତି ।

ସୂଚନାଯୋଗ୍ୟ ଯେ, ବିଗତ କିଛି ଦନ ଧରି ଜେଡିୟୁର ନେତାମାନେ ବିଜେପି ଉପରେ ବର୍ଷୁଥିବା ବେଳେ ନୀତିଶ କୁମାର ଓ ଦଳର ରାଷ୍ଟ୍ରୀୟ ଅଧ୍ୟକ୍ଷ ଆରସିପି ସିଂ ଚୁପଚାପ୍ ଶୁଣୁଥିଲେ । ନୀତିଶ କୁମାର କହିଛନ୍ତି ଯେ ବିହାର ନିର୍ବାଚନର ୫ ମାସ ପୂର୍ବରୁ ଏନଡିଏରେ ସମସ୍ତ ବିଷୟ ଉପରେ ଆଲୋଚନା ହେବା ଉଚିତ ଥିଲା, କିନ୍ତୁ ତାହା ହୋଇପାରିଲା ନାହିଁ ।

ଅଧିକ ପଢ଼ନ୍ତୁ:-ଦେଶରେ ତାଣ୍ଡବ କରୁଛି ବାର୍ଡ ଫ୍ଲୁ, କେନ୍ଦ୍ର ସରକାର ଜାରି କଲା ଆଡଭାଇଜାରି

ନୀତିଶ କୁମାର କହିଛନ୍ତି ଯେ, ବିହାରରେ ଜେଡିୟୁର ୪୫ ଲକ୍ଷ ସଦସ୍ୟ ଅଛନ୍ତି, କିନ୍ତୁ ଏହା ସତ୍ତ୍ୱେ ନିର୍ବାଚନ ସମୟରେ ଦଳର ଆଲୋଚନା ମୂଳ ସ୍ତରରେ ପହଞ୍ଚିପାରି ନାହିଁ । ଯେଉଁ କାରଣରୁ ଦଳର ପ୍ରଦର୍ଶନ ଭଲ ନଥିଲା । ଗତ କିଛି ବର୍ଷ ମଧ୍ୟରେ ସେ ବିହାର ପାଇଁ ଯାହା କରିଛନ୍ତି ତାହା ଜନସାଧାରଣଙ୍କ ନିକଟରେ ପହଞ୍ଚି ପାରି ନ ଥିବାରୁ ନୀତିଶ ମଧ୍ୟ ନିରାଶା ପ୍ରକାଶ କରିଛନ୍ତି ।