ଏହି ୬ଟି କାରଣରୁ ଏଥର ହାରିପାରନ୍ତି ମମତା ବାନାର୍ଜୀ

West Bengal Assembly Polls 2021: ଙ୍ଗଳାରେ ନିର୍ବାଚନ (West Bengal Assembly Polls 2021) କୁ ଆଉ ମାତ୍ର କିଛି ମାସ ବାକି ଅଛି । ତଥାପି ଏଠାରେ ସ୍ଥିତି ସ୍ପଷ୍ଟ ହୋଇନାହିଁ ଯେ ମମତା ବାନାର୍ଜୀ (Mamata Banerjee) ତୃତୀୟ ଥର ପାଇଁ ରାଜ୍ୟ ମୁଖ୍ୟମନ୍ତ୍ରୀ ହେବେ ନା ଏଥର ପୁଣିଥରେ କ୍ଷମତା ପରିବର୍ତ୍ତନ ହେବ ।

ନୂଆଦିଲ୍ଲୀ: West Bengal Assembly Polls 2021: ଆଉ କିଛି ମାସ ପରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ( ଅନୁଷ୍ଠିତ ହେବାର ଅଛି । ଏହି ନିର୍ବାଚନରେ ​​ବିଜେପି (BJP) ଓ ତୃଣମୂଳ କଂଗ୍ରେସ (TMC) ମଧ୍ୟରେ ଜୋରଦାର ଟକ୍କର ହେବାକୁ ଯାଉଛି ବୋଲି ମନେ କରାଯାଉଛି । ସେପଟେ ଅନେକ ଟିଏମସି ନେତା (TMC Leader) ବିଜେପିର ହାତ ଧରୁଛନ୍ତି । ଏହା ଟିଏମସିର ବିଜୟ ଉପରେ ପ୍ରଭାବ ପକାଇବ ନା ମମତା ବାନାର୍ଜୀ (Mamata Banerjee) ନିଜ ଦମରେ ନିର୍ବାଚନକୁ ଜିତିବାରେ ସଫଳ ହେବେ? ତାହା ସମୟ ହିଁ କହିବ । ଅନ୍ୟପକ୍ଷରେ ବିଜେପି ନିଜର ଶୀର୍ଷ ନେତୃତ୍ୱଙ୍କୁ ମୈଦାନରେ ଓହ୍ଲାଇ ବଙ୍ଗଳା ନିର୍ବାଚନକୁ ରୋମାଞ୍ଚକର କରିଦେଇଛି ।

ଅଧିକ ପଢ଼ନ୍ତୁ:-୫୦ ଲକ୍ଷ କର୍ମଚାରୀ ଓ ୬୧ ଲକ୍ଷ ପେନସନଭୋଗୀଙ୍କ ବଢ଼ିବ ମହଙ୍ଗା ଭତ୍ତା! ଜାଣନ୍ତୁ କେବେ ମିଳିବ ଲାଭ

ବଙ୍ଗଳାରେ ନିର୍ବାଚନ (West Bengal Assembly Polls 2021) କୁ ଆଉ ମାତ୍ର କିଛି ମାସ ବାକି ଅଛି । ତଥାପି ଏଠାରେ ସ୍ଥିତି ସ୍ପଷ୍ଟ ହୋଇନାହିଁ ଯେ ମମତା ବାନାର୍ଜୀ (Mamata Banerjee) ତୃତୀୟ ଥର ପାଇଁ ରାଜ୍ୟ ମୁଖ୍ୟମନ୍ତ୍ରୀ ହେବେ ନା ଏଥର ପୁଣିଥରେ କ୍ଷମତା ପରିବର୍ତ୍ତନ ହେବ । ସ୍ଥିତିର ଏହି ଅସ୍ପଷ୍ଟତା ପାଇଁ ଦୁଇଟି ମୁଖ୍ୟ କାରଣ ଅଛି-

ପ୍ରଥମତଃ ୨୦୧୯ ଲୋକସଭା ନିର୍ବାଚନରେ ​​ବିଜେପି ପାଇଁ ଜନ-ସମର୍ଥନରେ ହଠାତ୍ ଓ ଅହେତୁକ ବୃଦ୍ଧି ଆସିଛି । ୨୦୧୪ରେ ବିଜେପିର ଭୋଟ ସେୟାର ୧୭ ପ୍ରତିଶତ ଥିବା ବେଳେ ୨୦୧୯ରେ ଏହା ବୃଦ୍ଧି ପାଇଁ ୪୦ ପ୍ରତିଶତରେ ପହଞ୍ଚିଛି । ସେପଟେ ୨୦୧୯ ଲୋକସଭା ନିର୍ବାଚନରେ ତୃଣମୂଳ କଂଗ୍ରେସ ୪୩ ପ୍ରତିଶତ ଭୋଟ ପାଇଥିଲା ଅର୍ଥାତ୍ କେବଳ ୩ ପ୍ରତିଶତ ଅଧିକ ଭୋଟ ମିଳିଥିଲା ।

ଅଧିକ ପଢ଼ନ୍ତୁ:-ସର୍ଭେ: ବିରୋଧୀ ଦଳର କେଉଁ ନେତା ଭବିଷ୍ୟତରେ ପିଏମ ମୋଦିଙ୍କୁ ଦେଇପାରନ୍ତି ଟକ୍କର? ଜାଣନ୍ତୁ...

ଦ୍ୱିତୀୟତଃ ନିକଟ ଅତୀତରେ ଟିଏମସିରୁ କିଛି ବଡ ଓ ଛୋଟ ନେତାଙ୍କ ବିଜେପି ଶିବିରକୁ ପଳାୟନ । ଯଦି ଲୋକସଭା ନିର୍ବାଚନ ପରି ବଙ୍ଗଳାର ଭୋଟରମାନେ ବିଧାନସଭା ନିର୍ବାଚନରେ ​​ଭୋଟ୍ ଦିଅନ୍ତି ଏବଂ ଯଦି ଏହି ଦଳ ବଦଳି ଥିବା ନେତାମାନେ ଟିଏମସିର ମାତ୍ର ୧.୫ ପ୍ରତିଶତ ଭୋଟ୍ ନେବାକୁ ସକ୍ଷମ ହୁଅନ୍ତି, ତେବେ ଲଢ଼େଇ ସମାନ ହେବ (୪୧.୫ ବନାମ ୪୧.୫) । ଯଦି ସେମାନେ ବିଜେପି ଆଡକୁ ଅଧିକ ଭୋଟ୍ ନେବାରେ ସଫଳ ହୁଅନ୍ତି ତେବେ ବିଜେପି ଟିଏମସିଠାରୁ ଆଗକୁ ଯାଇ ସରକାର ଗଠନ କରିବ ।

ଅଧିକ ପଢ଼ନ୍ତୁ:-ସର୍ଭେ: ଦେଶର ବେଷ୍ଟ ସିଏମ କ୍ଷେତ୍ରରେ ନବୀନଙ୍କ ବାଜିମାତ୍, ଜାଣନ୍ତୁ ସବୁଠାରୁ ଖରାପ ମୁଖ୍ୟମନ୍ତ୍ରୀ କିଏ?

ଯଦି ଆମେ ଏହି ଦୁଇଟି ବିନ୍ଦୁ ଆଧାରରେ କୌଣସି ସିଦ୍ଧାନ୍ତରେ ପହଞ୍ଚୁ, ତା’ହେଲେ ଆସନ୍ତା ନିର୍ବାଚନରେ ​​ବିଜେପିର ବିଜୟ ଅତ୍ୟନ୍ତ ସହଜ ମନେହୁଏ । କାରଣ ପାଞ୍ଚ ବର୍ଷ ଶାସନର ଆଣ୍ଟି-ଇନକମ୍ୱନସୀ ପରେ ଶାସକ ଦଳର ଜନ ସମର୍ଥନରେ ୫ ପ୍ରତିଶତ ଯାଏ ହ୍ରାସ ଆସିପାରେ ।  କିନ୍ତୁ ବଙ୍ଗଳା ଏତେ ଭିନ୍ନ ଏବଂ ଏଠାରେ ରାଜନୀତି ଏତେ ବିଚିତ୍ର ଯେ ଗତ କିଛି ବର୍ଷ ଧରି ନିର୍ବାଚନ ବିଶେଷଜ୍ଞଙ୍କ ଭବିଷ୍ୟବାଣୀ ମଧ୍ୟ କାମରେ ଆସୁନାହିଁ । ତେଣୁ ଆମେ ଏଠାରେ କୌଣସି ଭବିଷ୍ୟବାଣୀ କରିବାପାରିବା ନାହିଁ । ସରଳ ଭାବରେ, ଆମେ କେତେକ କାରଣ ବିଷୟରେ ଆଲୋଚନା କରିବୁ ଯାହା ବିଜେପି ଜିତିପାରେ ଏବଂ କିଛି କାରଣ ମଧ୍ୟ ରହିଛି ଯାହା ଟିଏମସିକୁ ତୃତୀୟ ଥର ପାଇଁ ବିଜୟୀ କରିପାରେ । ଆସନ୍ତୁ ଜାଣିବା ସେହି ୬ଟି କାରଣ ଯାହା ଏଥର ରାଜ୍ୟରେ କ୍ଷମତା ପରିବର୍ତ୍ତନ କରିପାରେ ।

୧. ବଙ୍ଗଳାରେ ଦ୍ୱି-ଧ୍ରୁବୀୟ ରାଜନୀତି

ସବୁଠାରୁ ବଡ କାରଣ ହେଉଛି ରାଜ୍ୟ ରାଜନୀତିକୁ ବହୁକୋଣୀୟରୁ ଦ୍ୱି-ଧ୍ରୁବୀୟରେ  ପରିବର୍ତ୍ତନ କରିବା । ଯଦି ଟିଏମସିର ବିରୋଧୀ ଭୋଟ୍ ବିଜେପି, କଂଗ୍ରେସ ଏବଂ ବାମପନ୍ଥୀଙ୍କ ମଧ୍ୟରେ ବିଭାଜିତ ହୁଏ ତେବେ ତୃଣମୂଳ କଂଗ୍ରେସକୁ ଜିତିବା ଅତ୍ୟନ୍ତ ସହଜ ହୋଇଯିବ । କିନ୍ତୁ ଯେପରି ଆମେ ୨୦୧୯ରେ ଦେଖିଥିଲୁ, ରାଜ୍ୟର ମତଦାତାମାନେ ବର୍ତ୍ତମାନ ଦୁଇଟି ଭାଗରେ ବିଭାଜିତ ହୋଇଥିଲେ । ତାହା ହେଉଛି ମମତା-ସମର୍ଥକ ଓ ମମତା ବିରୋଧୀ ।

ମମତା ବିରୋଧୀ ମତଦାତାମାନେ ଯେଉଁମାନେ ପୂର୍ବରୁ କଂଗ୍ରେସ କିମ୍ବା ବାମପନ୍ଥୀଙ୍କୁ ଭୋଟ୍ ଦେଇଥିଲେ ସେମାନେ ମଧ୍ୟ ୨୦୧୯ରେ ଟିଏମସିକୁ ପରାସ୍ତ କରିବାକୁ ବିଜେପିକୁ ଭୋଟ୍ ଦେଇଥିଲେ । ଫଳସ୍ୱରୂପ, ବିଜେପିର ଭୋଟ୍ ଅଂଶ ୧୭ ପ୍ରତିଶତରୁ ୪୦ ପ୍ରତିଶତକୁ ବୃଦ୍ଧି ପାଇଛି । ଏଥିରୁ ସ୍ପଷ୍ଟ ଥିଲା ଯେ ଏହି ଅତିରିକ୍ତ ଭୋଟ୍ ବାମ ଓ କଂଗ୍ରେସରୁ ବିଜେପିକୁ ଆସିଛି । କାରଣ ସେମାନଙ୍କର ଭୋଟ୍ ଅଂଶ ୩୯ ପ୍ରତିଶତରୁ ଖସି ୧୨ ପ୍ରତିଶତକୁ ପହଞ୍ଚିଥିଲା ।

ଯଦିଓ କଂଗ୍ରେସ ଓ ବାମପନ୍ଥୀମାନେ ଏଥର ଏକାଠି ନିର୍ବାଚନ ଲଢୁଛନ୍ତି । ତଥାପି ଏହି କଥାର ସମ୍ଭାବନା କମ ରହିଛି ଯେ ଏହି ଭୋଟ୍ ପୁଣି ସେମାନଙ୍କ ପୁରୁଣା ଦଳକୁ ଫେରିବ । ଏହାର କାରଣ ହେଉଛି ଯେ ବର୍ତ୍ତମାନର ସ୍ଥିତିରେ ତୃଣମୂଳ କଂଗ୍ରେସକୁ ପରାସ୍ତ କରିବାର କ୍ଷମତା କଂଗ୍ରେସ ଏବଂ ବାମପନ୍ଥୀଙ୍କ ପାଖରେ ନାହିଁ । ଯଦି କେହି ମମତାଙ୍କୁ କ୍ଷମତାରୁ ହଟାଇବାକୁ ଚାହାଁନ୍ତି, ତେବେ ବିଜେପି ସପକ୍ଷରେ ଭୋଟ୍ ଦେବା ଛଡା ସେମାନଙ୍କ ପାଖରେ କୌଣସି ବିକଳ୍ପ ନାହିଁ ।

୨. ମମତାଙ୍କ ମୁସଲମାନ ପ୍ରତିଛବି 

ଏହି କଥା ସମସ୍ତେ ଜାଣନ୍ତି ଯେ ରାଜ୍ୟର ମୁସଲମାନମାନେ ଟିଏମସି ସହିତ ଅଛନ୍ତି । ମୁସଲମାନମାନଙ୍କ ସମର୍ଥନ ବଦଳରେ ମମତା ସରକାର ମଧ୍ୟ ସେମାନଙ୍କ ପାଇଁ କିଛି ଛୋଟ ଛୋଟ କାମ କରିଛନ୍ତି । କିନ୍ତୁ ଏହି କାର୍ଯ୍ୟଗୁଡ଼ିକୁ ତୃଷ୍ଟିକରଣର ନାଁ ଦେଇ ବିଜେପି ସାଧାରଣ ଜନତାଙ୍କ ମଧ୍ୟରେ ଏକ ଧାରଣା ସୃଷ୍ଟି କରିବାରେ ସଫଳ ହୋଇଛି ଯେ ମମତା ମୁସଲମାନମାନଙ୍କୁ ଅଧିକ ପସନ୍ଦ କରନ୍ତି । 

ଅଧିକ ପଢ଼ନ୍ତୁ:-ନିଜ ସରକାରକୁ ହିଁ ଟାର୍ଗେଟ କଲେ କଂଗ୍ରେସ ବିଧାୟକ, କହିଲେ-ରାଜ୍ୟରେ ଦୁର୍ନୀତିର ଗୁଡ଼ି ବହୁତ ଉଚ୍ଚରେ ଉଡୁଛି

୩. ସ୍ଥାନୀୟ ନେତାଙ୍କ ଦୁର୍ନୀତି 

ରାଜ୍ୟରେ ମମତାଙ୍କ ଉପରେ ଆକ୍ରୋଶ ବୃଦ୍ଧି ହେବାର ଅନ୍ୟତମ କାରଣ ହେଉଛି ସ୍ଥାନୀୟ ଟିଏମସି ନେତାଙ୍କ ମଧ୍ୟରେ ବ୍ୟାପକ ଦୁର୍ନୀତି ଏବଂ ଦାଦାଗିରି । ପ୍ରତ୍ୟେକ ସରକାରୀ ଯୋଜନା ଆବଣ୍ଟନରେ ସ୍ଥାନୀୟ ନେତାଙ୍କ ଅଂଶ ହୋଇଥାଏ । କେବଳ ଏତିକି ନୁହେଁ, ଯଦି କେହି ସ୍ଥାନୀୟ ଅଞ୍ଚଳରେ ଏକ ଘର ନିର୍ମାଣ କରନ୍ତି, ତା’ହେଲେ କୌଣସି ପ୍ରୋ-ଟିଏମସି ଦୋକାନରୁ ସାମଗ୍ରୀ ଆଣିବା ପାଇଁ ତାଙ୍କ ଉପରେ ଚାପ ରହିଥାଏ ।

୪. ନିର୍ବାଚନ ପୂର୍ବରୁ ଦଳ ବଦଳ

ଯେଉଁମାନେ ଆଜି ତୃଣମୂଳ କଂଗ୍ରେସରେ ଅଛନ୍ତି, ସେମାନେ କୌଣସି ଆଦର୍ଶଗତ ଭିତ୍ତିରେ ଦଳ ସହ ନାହାଁନ୍ତି । ଯେପରି ବାମପନ୍ଥୀ ଦଳ କ୍ଷେତ୍ରରେ ଥିଲା ବା ବଙ୍ଗଳା ବାହାରେ ବିଜେପି ମାମଲାରେ ଅଛି । ତେଣୁ ମମତା କିମ୍ବା ଦଳ ପ୍ରତି ସେମାନଙ୍କର ବିଶ୍ୱସ୍ତତା କେବଳ ସେପର୍ଯ୍ୟନ୍ତ ରହିଛି ଯେପର୍ଯ୍ୟନ୍ତ ସେମାନଙ୍କୁ ପଦ ଓ ଟଙ୍କା ମିଳିବା ଜାରି ରହିବ । ଏପରି ପରିସ୍ଥିତିରେ ଯେଉଁମାନଙ୍କର ପଦ କିମ୍ବା କ୍ଷମତା କିଛି ସମୟ ପାଇଁ ହ୍ରାସ ପାଇଛି କିମ୍ବା ଯେଉଁମାନଙ୍କ ଟିକେଟ ପାଇବା ସମ୍ଭାବନା କମ୍, ସେମାନେ ଟିଏମସି ଛାଡି ବିଜେପିରେ ଯୋଗ ଦେଇଛନ୍ତି କିମ୍ବା ଆଗାମୀ ଦିନରେ ଯାଇପାରନ୍ତି । ନିର୍ବାଚନର କିଛି ମାସ ପୂର୍ବରୁ ମନ୍ତ୍ରୀ ସ୍ତରୀୟ ନେତାମାନେ ଦଳ ଛାଡି ବିଜେପିରେ ଯୋଗଦେବା ଟିଏମସିଙ୍କୁ ଶକ୍ତ ଧକ୍କା ଦେଇଛି ।

୫. ଅଣ-ବଙ୍ଗୀୟ ଭୋଟର ଟ୍ରେଣ୍ଡ

ବଙ୍ଗଳାରେ ଅଣ-ବଙ୍ଗୀୟ ଭୋଟରଙ୍କ ଟ୍ରେଣ୍ଡ ଆରମ୍ଭରୁ ଜାତୀୟ ରାଜନୀତିରୁ ପ୍ରଭାବିତ ହୋଇଆସୁଛି । ଏହାର ଏକ ବଡ଼ ଅଂଶ ସାଧାରଣତଃ ଜାତୀୟ ଦଳ ସପକ୍ଷରେ ଭୋଟ୍ କରିଆସୁଛି । ଏଥର ନିର୍ବାଚନରେ ବିଜେପି ଜାତୀୟ ଦଳର ପ୍ରତିନିଧିତ୍ୱ କରୁଥିବାରୁ ଅଣ-ବଙ୍ଗୀୟ ଭୋଟରମାନେ ଏଥର ବିଜେପି ସପକ୍ଷରେ ଭୋଟ୍ ଦେବାର ସମ୍ଭାବନା ରହିଛି । 

୬. ମମତାଙ୍କ ପୁତୁରା ପ୍ରେମ 

ବଙ୍ଗଳାରେ ମମତା ବାନାର୍ଜୀଙ୍କ ଭାବମୂର୍ତ୍ତି ଗରିବଙ୍କ ପାଇଁ କାମ କରୁଥିବା ଜଣେ ନେତା ଭାବରେ ଜଣାଶୁଣା । କେତେକ କ୍ଷେତ୍ରରେ ସେ ବାମ ଅପେକ୍ଷା ଅଧିକ ବାମପନ୍ଥୀ ହୋଇଯାଆନ୍ତି । ଏହି କାରଣରୁ ସେ ବର୍ତ୍ତମାନ ପର୍ଯ୍ୟନ୍ତ ଟିଏମସିର ଏକଛତ୍ର ଓ ରାଜ୍ୟର ଲୋକପ୍ରିୟ ନେତା ରହିଆସିଛନ୍ତି । କିନ୍ତୁ ଗତ କିଛି ବର୍ଷ ହେବ ସେ ତାଙ୍କ ପୁତୁରା ଅଭିଷେକ ବାନାର୍ଜୀଙ୍କୁ ଦେଇଥିବା କ୍ଷମତା ଓ ସ୍ଥିତି ଦଳରେ ଅସନ୍ତୋଷ ସୃଷ୍ଟି କରିଛି । କାରଣ ଅଭିଷେକ ବହୁତ କନିଷ୍ଠ ଏବଂ ବଡ ନେତାମାନଙ୍କୁ ଭବିଷ୍ୟତରେ  ତାଙ୍କ ଅଧୀନରେ କାମ କରିବାକୁ ହେବ । ସେହି ଅସନ୍ତୋଷର ଫଳାଫଳ ଶୁଭେନ୍ଦୁ ଅଧିକାରୀଙ୍କ ଭଳି ନେତାଙ୍କ ଦଳ ଛାଡିବା । ଏହି ଅସନ୍ତୋଷ ଦଳରେ ଉପରୁ ତଳ ପର୍ଯ୍ୟନ୍ତ ଅନେକ ସ୍ତରରେ ବିଭାଜନ ସୃଷ୍ଟି କରୁଛି ଏବଂ ଭୋଟ ଦିନ ଏହାର ବଡ କ୍ଷତି ସହିବାକୁ ପଡିପାରେ ।