ରାଜସ୍ଥାନ ସଙ୍କଟ: ଗାନ୍ଧୀ ପରିବାରର ଦୁଇ ବିଶ୍ୱସ୍ତ, ନିର୍ବାହ କରୁଛନ୍ତି ଅଲଗା ଅଲଗା ଦାୟିତ୍ୱ, ଜଣେ ଯୋଡୁଛନ୍ତି, ଅନ୍ୟ ଜଣେ...ଜାଣନ୍ତୁ କିପରି

Rajasthan political Crisis: କଂଗ୍ରେସର ରାଜନୈତିକ ସଙ୍କଟର ସମାଧାନ ପାଇଁ ଦଳର ହାଇକମାଣ୍ଡ ନିଜର ଖାସ୍ ମଲ୍ଲିକାର୍ଜୁନ ଖଡ଼ଗେଙ୍କୁ ରାଜସ୍ଥାନକୁ ପର୍ଯ୍ୟବେକ୍ଷକ ଭାବରେ ପଠାଇଥିଲେ । ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କାହାକୁ କରିବା ଉଚିତ, ତାହା ଜାଣିବା ପାଇଁ ଖଡ଼ଗେଙ୍କୁ ବିଧାୟକଙ୍କ ସହ ଭେଟି ସେମାନଙ୍କ ମତାମତା ଜାଣିବାକୁ କୁହାଯାଇଥିଲା ।

ନୂଆଦିଲ୍ଲୀ: Rajasthan political Crisis: ରାଜସ୍ଥାନରେ ପୁଣିଥରେ କଂଗ୍ରେସ ସମ୍ମୁଖରେ ରାଜନୈତିକ ସଙ୍କଟ ଦେଖାଦେଇଛି । ଏହି ସଙ୍କଟ ବିରୋଧୀ ଦଳ କିମ୍ବା ଅନ୍ୟ କୌଣସି କାରଣରୁ ନୁହେଁ ବରଂ ଆଭ୍ୟନ୍ତରୀଣ ଗୋଷ୍ଠୀ କନ୍ଦଳ କାରଣରୁ ହୋଇଛି । ରାଜ୍ୟରେ ମୁଖ୍ୟମନ୍ତ୍ରୀ ପରିବର୍ତ୍ତନ କରାଯିବାର ଚର୍ଚ୍ଚା ଓ ପରବର୍ତ୍ତୀ ଘଟଣାକ୍ରମ ମଧ୍ୟରେ ଦୁଇଟି ଚରିତ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇପଡ଼ିଛି । ବିଶେଷ କଥା ହେଉଛି ଉଭୟ ଚରିତ୍ର ଗାନ୍ଧୀ ପରିବାର ପ୍ରତି ବିଶ୍ୱସ୍ତ ଅଟନ୍ତି । ଉଭୟଙ୍କ ବିଶ୍ୱସ୍ତତା ଉପରେ ଦଳରେ କେହି ପ୍ରଶ୍ନ ଉଠାଇପାରିବେ ନାହିଁ । ଏହା ସତ୍ତ୍ୱେ ବର୍ତ୍ତମାନର ରାଜନୈତିକ ସଙ୍କଟରେ ଉଭୟଙ୍କୁ ମୁହାଁମୁହିଁ ଦେଖାଯାଉଛି । ସେମାନଙ୍କ ମଧ୍ୟରୁ ଜଣେ ହେଉଛନ୍ତି ଦଳର ବରିଷ୍ଠ ନେତା ତଥା  ରାଜ୍ୟସଭାରେ ବିରୋଧୀ ଦଳର ନେତା ମଲ୍ଲିକାର୍ଜୁନ ଖଡ଼ଗେ (Mallikarjun Kharge) ଓ ଅନ୍ୟ ଜଣେ ହେଉଛନ୍ତି ରାଜ୍ୟର ବର୍ତ୍ତମାନର ମୁଖ୍ୟମନ୍ତ୍ରୀ ଅଶୋକ ଗେହଲୋତ (Ashok Gehlot) । ଜଣଙ୍କ କାନ୍ଧରେ ଏହି ସଙ୍କଟକୁ ଶେଷ କରିବାର ଦାୟିତ୍ୱ ଥିବାବେଳେ ଅନ୍ୟ ଜଣେ ଏହି ସମଗ୍ର ଚକ୍ରବ୍ୟୁହର ସୃଷ୍ଟିକର୍ତ୍ତା ବୋଲି ମନେ କରାଯାଉଛି ।

ଏହି ସମୟରେ ଏକ ଫଟୋ  ସାମ୍ନାକୁ ଆସିଛି । ମଲ୍ଲିକାର୍ଜୁନ ଖଡ଼ଗେ ଓ ରାଜସ୍ଥାନ ସିଏମ ଅଶୋକ ଗେହଲୋତ ଏହି ଫଟୋରେ ନଜରକୁ ଆସିଛନ୍ତି । ଏହା କେବଳ ଏକ ଫଟୋ ବୋଲି କହିବା ଠିକ୍ ହେବ ନାହିଁ, ଏଥିରେ ରାଜସ୍ଥାନର ବର୍ତ୍ତମାନର ରାଜନୈତିକ ସଙ୍କଟ ଏବଂ ଏହାର ଚରିତ୍ରମାନଙ୍କର ବିଭିନ୍ନ ଭୂମିକା ସ୍ପଷ୍ଟ ଦେଖାଯାଉଛି । ଏହା ସମସ୍ତଙ୍କ ସାମ୍ନାରେ ଅଛି ଯେ ରାଜ୍ୟରେ ବିଦ୍ରୋହର ସ୍ୱର ଉତ୍ତୋଳନ କରିଥିବା ବିଧାୟକଙ୍କୁ ନେଇ ଅଶୋକ ଗେହଲୋତଙ୍କ ନିରବତା ଅନେକ କଥା କହୁଛି । ଫଟୋରେ ମଧ୍ୟ ଗେହଲୋତ ସମ୍ପୂର୍ଣ୍ଣ ଆତ୍ମସମର୍ପଣ ଭୂମିକାରେ ନଜର ଆସିଛନ୍ତି । ସତେ ଯେପରି ମୁଁ ଏଥିରେ କ’ଣ କରିପାରିବି? ମୁଁ ତ କେବଳ ବିଧାୟକଙ୍କ କଥା ଶୁଣିପାରିବି । ଅପରପକ୍ଷେ, ମଲ୍ଲିକାର୍ଜୁନ ଖଡ଼ଗେ ତାଙ୍କ ଦାୟିତ୍ୱ ତୁଲାଉଥିବାର ନଜର ଆସିଛନ୍ତି । ତାଙ୍କର କାମ ହେଉଛି, ମୁଖ୍ୟମନ୍ତ୍ରୀ ପଦ ପାଇଁ ସେହି ନାମ ପାଇଁ ସହମତି କରାଇବା, ଯେଉଁଥିପାଇଁ ତାଙ୍କୁ ଦିଲ୍ଲୀରୁ ପଠାଯାଇଛି । ଖଡ଼ଗେଙ୍କ ଉଠା ହୋଇଥିବା ହାତରୁ ଏମିତି ଲାଗୁଛି ଯେ ଗେହଲୋତଙ୍କୁ ପରିସ୍ଥିତି ବୁଝିବାକୁ କହୁଛନ୍ତି । ଆପଣ ଦିଲ୍ଲୀ ଆସୁଛନ୍ତି ଏହା ହାଇକମାଣ୍ଡଙ୍କ ଇଚ୍ଛା । ଯଦି ସଚିନ ପାଇଲଟ୍ ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ନିର୍ବାଚିତ ହୁଅନ୍ତି, ତେବେ ଏହା ହାଇକମାଣ୍ଡଙ୍କ ଇଚ୍ଛା ହେବ ।

କଂଗ୍ରେସର ରାଜନୈତିକ ସଙ୍କଟର ସମାଧାନ ପାଇଁ ଦଳର ହାଇକମାଣ୍ଡ ନିଜର ଖାସ୍ ମଲ୍ଲିକାର୍ଜୁନ ଖଡ଼ଗେଙ୍କୁ ରାଜସ୍ଥାନକୁ ପର୍ଯ୍ୟବେକ୍ଷକ ଭାବରେ ପଠାଇଥିଲେ । ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କାହାକୁ କରିବା ଉଚିତ, ତାହା ଜାଣିବା ପାଇଁ ଖଡ଼ଗେଙ୍କୁ ବିଧାୟକଙ୍କ ସହ ଭେଟି ସେମାନଙ୍କ ମତାମତା ଜାଣିବାକୁ କୁହାଯାଇଥିଲା । ଏହି ମତକୁ ଭିତ୍ତି କରି ସେ ଦିଲ୍ଲୀ ଆସି ତାଙ୍କ ରିପୋର୍ଟ ଦାଖଲ କରିବେ । ଏହା ପରେ କଂଗ୍ରେସ ଅଧ୍ୟକ୍ଷା ନିର୍ବାଚନ ପରେ ଦଳର ହାଇକମାଣ୍ଡ ଦ୍ୱାରା ନୂତନ ସିଏମଙ୍କ ନିଷ୍ପତ୍ତି ନିଆଯାଇଥାନ୍ତା । ଯଦି ସବୁ ଠିକ୍ ଚାଲିଥାନ୍ତା, ପ୍ରକ୍ରିୟା ଏହିପରି ଶେଷ ହେବାର ଥିଲା । ଏଥି ସହିତ ମଲ୍ଲିକାର୍ଜୁନ ଖଡ଼ଗେ ଜୟପୁରରେ ପହଞ୍ଚିବା ମାତ୍ରେ କାହାଣୀ ସମ୍ପୂର୍ଣ୍ଣ ରୂପେ ବଦଳିଗଲା । ବିଧାୟକଙ୍କ ଏକ ଦଳ ବିଦ୍ରୋହର ଝଣ୍ଡା ଉତ୍ତୋଳନ କରିଥିଲେ । ଦଳର ବିଧାୟକମାନେ ସିଏମଙ୍କ ବାସଭବନରେ ହେବାକୁ ଥିବା ବୈଠକରେ ମଧ୍ୟ ପହଞ୍ଚି ନଥିଲେ । ଖାସ୍ କଥା ହେଉଛି ଏହି ବିଧାୟକମାନେ ହେଉଛନ୍ତି ଅଶୋକ ଗେହଲୋତଙ୍କ ସମର୍ଥକ ।

ଅଧିକ ପଢ଼ନ୍ତୁ:-ବର୍ତ୍ତମାନ ବିନା ଇଣ୍ଟରନେଟ ଓ ପିନରେ ପଠାଇପାରିବେ ଟଙ୍କା, ଜାଣନ୍ତୁ ସଂପୂର୍ଣ୍ଣ ପ୍ରକ୍ରିୟା

ଅଧିକ ପଢ଼ନ୍ତୁ:-ଯାତ୍ରୀଙ୍କ ପାଇଁ ଖୁସି ଖବର! ପାର୍ବଣ ଋତୁରେ ଟ୍ରେନରେ କରନ୍ତୁ ମାଗଣାରେ ଯାତ୍ରା, ରେଲୱେ ଦେଉଛି ଏହି ଖାସ୍ ସୁବିଧା

ଅଧିକ ପଢ଼ନ୍ତୁ:-ଆମେରିକା ପୁଣି ପାକିସ୍ତାନ ପାଇଁ କଲା ଏହି ବଡ଼ ଘୋଷଣା, ଭାରତକୁ ଝଟକା!

ଦଳରେ ବିଦ୍ରୋହ ଏପରି ହୋଇଥିଲା ଯେ ବିଧାୟକମାନେ ଜଣେ ପରେ ଜଣେ ପର୍ଯ୍ୟବେକ୍ଷକଙ୍କୁ ଭେଟିବାକୁ ମନା କରିଦେଇଥିଲେ । ବର୍ତ୍ତମାନ ଏଭଳି ପରିସ୍ଥିତିରେ ମଲ୍ଲିକାର୍ଜୁନ ଖଡ଼ଗେ ଓ ତାଙ୍କ ସାଥୀ ଅଜୟ ମାକନ କ’ଣ ବା କରିପାରିଥାନ୍ତେ? ମାକନ ଓ ଖଡ଼ଗେ ବିଧାୟକଙ୍କୁ ଭେଟି ନପାରି ଦିଲ୍ଲୀ ଫେରିଛନ୍ତି । ବର୍ତ୍ତମାନ ସେମାନ ନିଜର ରିପୋର୍ଟ କଂଗ୍ରେସ ଅଧ୍ୟକ୍ଷାଙ୍କ ନିକଟରେ ଦାଖଲ କରିବେ । କଂଗ୍ରେସରେ ଅନୁଶାସନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମଲ୍ଲିକାର୍ଜୁନ କହିଛନ୍ତି । ଯାହା ଘଟିଥିଲା ​​ତାହା ଭଲ ନଥିଲା । ଏହି ଘଟଣାକୁ ନେଇ ହାଇ କମାଣ୍ଡଙ୍କୁ ଅବଗତ କରାଯିବ । ସର୍ବଶେଷରେ ଦଳର ହାଇକମାଣ୍ଡଙ୍କ ନିଷ୍ପତ୍ତିକୁ ସମସ୍ତଙ୍କୁ ଗ୍ରହଣ କରିବାକୁ ପଡ଼ିବ ।