ଦିନେ ବିଜେପିକୁ କରୁଥିଲେ ସାହାଯ୍ୟ, ଏବେ ସବୁଠାରୁ ବଡ଼ ଚ୍ୟାଲେଞ୍ଜ ପାଲଟିଛନ୍ତି ଏହି କୃଷକ ନେତା!

ନୂଆଦିଲ୍ଲୀ: ଚାଷୀ ଆନ୍ଦୋଳନ (Farmers Protest) ର ନାୟକ ଭାବରେ ଉଭା ହୋଇଥିବା କୃଷକ ନେତା ରାକେଶ ଟିକାୟତ (Rakesh Tikait) ଆଜିକାଲି ଗଣମାଧ୍ୟମରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ସେ ବିଜେପି (BJP) ଓ ମୋଦି ସରକାର (Modi Govt) ଙ୍କୁ ଚେତାବନୀ ଦେଇ କହିଛନ୍ତି ଯେ କୃଷକଙ୍କ ଆତ୍ମ ସମ୍ମାନ ସହ ଖେଳନ୍ତୁ ନାହିଁ ଏବଂ କୃଷି ଆଇନ ରଦ୍ଦ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଆଜି ବିଜେପିକୁ ବିରୋଧ କରୁଥିବା ଭାରତୀୟ କୃଷକ ୟୁନିୟନର ରାଷ୍ଟ୍ରୀୟ ମହାସଚିବ ରାକେଶ ଟିକାୟତ କୌଣସି ଏକ ସମୟରେ ଗେରୁଆ ଦଳକୁ ସାହାଯ୍ୟ କରିଥିଲେ । ୨୦୧୪ ଲୋକସଭା ନିର୍ବାଚନରେ ​​ଓ ପରେ ମଧ୍ୟ ପଶ୍ଚିମ ଉତ୍ତରପ୍ରଦେଶରେ ଜାଟଙ୍କ ସମର୍ଥନ ଯୋଗାଇବାରେ ବିଜେପିକୁ ସାହାଯ୍ୟ କରିଆସୁଥିଲେ ।

ଅଧିକ ପଢ଼ନ୍ତୁ:-ଅବସରପ୍ରାପ୍ତ କର୍ମଚାରୀଙ୍କ ପାଇଁ ଆଲର୍ଟ, ଫେବୃଆରୀ ୨୮ ସୁଦ୍ଧା ଜମା କରନ୍ତୁ ଏହି ପ୍ରମାଣପତ୍ର

ଦିଲ୍ଲୀ ସୀମାରେ ଜାରି ଥିବା ଆନ୍ଦୋଳନକୁ ପଞ୍ଜାବ ଓ ହରିୟାଣାର ବୋଲି ମନେ କରାଯାଉଥିଲା । ଏହା ମଧ୍ୟ ସ୍ୱାଭାବିକ କାରଣ ଏହି ଦୁଇ ରାଜ୍ୟର ଲୋକମାନେ ସିଙ୍ଗୁ ଓ ଟିକରୀ ସୀମାରେ ଛାଉଣି କରିଥିଲେ । କିନ୍ତୁ ଯୋଗୀ ସରକାର ଗାଜିପୁର ସୀମାକୁ ଖାଲି କରିବାକୁ ଉଦ୍ୟମ କରିବା ପରେ ଭାବୁକ ହୋଇ ରାକେଶ ଟିକାୟତ ପରିସ୍ଥିତିକୁ ବଦଳାଇ ଦେଇଛନ୍ତି ।

ଗାଜିପୁର ସୀମାରେ ଯେଉଁ ଭିଡ଼ ଏକତ୍ରିତ ହୋଇଥିଲା ତଥା ପଶ୍ଚିମ ଉତ୍ତରପ୍ରଦେଶ ଠାରୁ ଆରମ୍ଭ କରି ରାଜସ୍ଥାନ, ଉତ୍ତରପ୍ରଦେଶ ଏବଂ ହରିୟାଣାର ଜିନ୍ଦ ମହାପଞ୍ଚାୟତ ପର୍ଯ୍ୟନ୍ତ ରାକେଶ ଟିକାୟତଙ୍କୁ ସମର୍ଥନ ମିଳିଛି, ଏହା ଦ୍ୱାରା ଟିକାୟତର ପ୍ରସିଦ୍ଧି ପଞ୍ଜାବର ସେହି ନେତାଙ୍କ ସାମ୍ନାରେ ବଢ଼ିଯାଇଛି, ଯେଉଁମାନେ ବର୍ତ୍ତମାନ ଯାଏ ଏହି ଆନ୍ଦୋଳନର ଶିରମଣି ଥଲେ । 

ଅଧିକ ପଢ଼ନ୍ତୁ:-ଏପରି ସ୍ଥିତି ଯଦି ରହିବ ତେବେ ବିଜେପିର ଡଙ୍ଗା ବୁଡ଼ିବାରୁ କେହି ରକ୍ଷା କରିପାରିବେ ନାହିଁ: BJP ନେତା

ନିଜ ପିତା ମହେନ୍ଦ୍ର ସିଂ ଟିକାୟତଙ୍କଠାରୁ ମିଳିଥିବା କୃଷକଙ୍କ ରାଜନୀତିକୁ ଆଗକୁ ବଢ଼ାଉଥିବା ରାକେଶ ଟିକାୟତ ନିଜେ ନିର୍ବାଚନ ଲଢ଼ି ଅତି ଶୋଚନୀୟ ଭାବେ ହାରି ସାରିଛନ୍ତି । କିନ୍ତୁ ଏହି ଆନ୍ଦୋଳନରୁ ସେ ଜଣେ ଶକ୍ତିଶାଳୀ କୃଷକ ନେତା ଭାବରେ ଉଭା ହୋଇଛନ୍ତି, ଅନ୍ୟପକ୍ଷେ ବର୍ତ୍ତମାନ ପର୍ଯ୍ୟନ୍ତ ସେ ପଶ୍ଚିମ ଉତ୍ତରପ୍ରଦେଶରେ ସୀମିତ ରହିଥିଲେ ।

ଯେଉଁ ଦିନ ଟିକାୟତ ଭାବୁକ ହୋଇପଡିଥିଲେ, ସେ କହିଥିଲେ ଯେ ତାଙ୍କ ପତ୍ନୀ ଅନ୍ୟ କାହାକୁ ଭୋଟ୍ ଦେଇଥିଲେ କିନ୍ତୁ ସେ ବିଜେପିକୁ ଭୋଟ୍ ଦେଇଥିଲେ । କିନ୍ତୁ ବିଜେପି ଏହାର ଲୋକଙ୍କୁ ଆଣି ତାଙ୍କ ସହ ଆସିଥିବା କୃଷକଙ୍କୁ ପିଟିବାକୁ ଚାହୁଁଥିଲା ଅନ୍ୟପକ୍ଷେ ସେ ଗିରଫ ହେବାକୁ ପ୍ରସ୍ତୁତ ଥିଲେ । ସେ କହିଥିଲେ ଯେ ଯୋଗୀ ସରକାରଙ୍କ ଠାରୁ ସେ ଏପରି ଆଶା କରିନଥିଲେ ଯେ ସେ ଚାଷୀଙ୍କ ପାଇଁ ଶୌଚାଳୟ, ଜଳ ଏବଂ ବିଦ୍ୟୁତ୍ ଭଳି ଅତ୍ୟାବଶ୍ୟକ ସୁବିଧା ବନ୍ଦ କରିଦେବ ।

ଅଧିକ ପଢ଼ନ୍ତୁ:-ପିଏମ ମୋଦିଙ୍କ 'ଆନ୍ଦୋଳନଜୀବୀ' ମନ୍ତବ୍ୟକୁ ନେଇ ଏହି ଅନ୍ଦାଜରେ କଟାକ୍ଷ କଲେ ରାହୁଲ

କିନ୍ତୁ ବର୍ତ୍ତମାନ ଏହି ଟିକାୟତ ବିଜେପିକୁ ଚେତାବନୀ ଦେଉଛନ୍ତି ଯେ ବର୍ତ୍ତମାନ ଆଇନ ଫେରାଇ ନେବା କଥା ହେଉଛି, ଯଦି ସରକାର ମାନନ୍ତି ନାହିଁ ତେବେ ସିଂହାସନ ଫେରାଇ ନେବା କଥା ହେବ । ଟିକାୟତଙ୍କ ସମର୍ଥନରେ କୃଷକ ଓ ଜାଟ୍ ଜାତିର ଲୋକମାନେ ଯେଉଁଭଳି ଭାବରେ ଏକାଠି ହୋଇଛନ୍ତି, ତାହା ଉତ୍ତରପ୍ରଦେଶର ବିଜେପିର ଜାଟ୍ ନେତା- ସଞ୍ଜୀବ ବାଲିୟାନ, ସତ୍ୟପାଲ ସିଂଙ୍କ ଛବିକୁ ଧୂମିଳ କରିଦେଇଛି ।

ଅଧିକ ପଢ଼ନ୍ତୁ:-ପେନସନ୍ ସମ୍ବନ୍ଧୀୟ ଏହି ନିୟମକୁ ବଦଳାଇଲେ ସରକାର, କର୍ମଚାରୀଙ୍କ ପରେ ପରିବାରକୁ ମିଳିବ ବଡ଼ ରିହାତି

ସେପଟେ କେନ୍ଦ୍ର ସରକାରଙ୍କ ସହ କୃଷକ ନେତାମାନେ ଆଲୋଚନା କରୁଥିବାବେଳେ ଟିକାୟତ ଗୃହମନ୍ତ୍ରୀ ଅମିତ ଶାହଙ୍କ ସହ ଆଲୋଚନା କରିଥିଲେ । ତା’ପରେ ଟିକାୟତଙ୍କୁ ପୃଥକ ଭାବରେ ଡାକିବାର ଅର୍ଥ କ’ଣ ବୋଲି ପ୍ରଶ୍ନ ଉଠିଥିଲା । ପଞ୍ଜାବର କୃଷକ ନେତାମାନେ ମଧ୍ୟ ଏହି ବିଷୟରେ ପ୍ରଶ୍ନ ଉଠାଇଥିଲେ ।