ଶାହଙ୍କୁ ଏନଡିଏର ସହଯୋଗୀ ଦଳର ଧମକ, କୃଷି ଆଇନ ପ୍ରତ୍ୟାହାର କରନ୍ତୁ, ନଚେତ୍...

ନୂଆଦିଲ୍ଲୀ: ମୋଦି ସରକାର (Modi Govt) ଙ୍କ ନୂତନ କୃଷି ଆଇନ (New Farm Laws) କୁ ନେଇ ସାରା ଦେଶରେ ବିରୋଧର ସ୍ୱର ଉଠିବାରେ ଲାଗିଛି । ପଞ୍ଜାବ-ହରିୟାଣାର ଚାଷୀମାନେ ଆନ୍ଦୋଳନରେ ଓହ୍ଲାଇଛନ୍ତି । ଏହି ସମୟରେ ନ୍ୟାସନାଲ ଡେମୋକ୍ରାଟିକ୍ ପାର୍ଟି (RLP) ର ସଂଯୋଜକ ତଥା ସାଂସଦ ହନୁମାନ ବେନିୱାଲ (Hanuman Beniwal) କେନ୍ଦ୍ର ଗୃହମନ୍ତ୍ରୀ ଅମିତ ଶାହ (Amit Shah) ଙ୍କୁ ଚିଠି ଲେଖିଛନ୍ତି । ମୋଦି ସରକାରଙ୍କ ଠାରୁ ତିନୋଟି କୃଷି ଆଇନ ପ୍ରତ୍ୟାହାର କରିବାକୁ ସେ ଦାବି କରିଛନ୍ତି । ଯଦି ଆଇନ ପ୍ରତ୍ୟାହାର ନହୁଏ ତେବେ ସେ ଏନଡିଏ ଛାଡିବାକୁ ଧମକ ଦେଇଛନ୍ତି । କେନ୍ଦ୍ରରେ କ୍ଷମତାରେ ଥିବା ନ୍ୟାସନାଲ ଡେମୋକ୍ରାଟିକ୍ ଆଲାଏନ୍ସ (NDA) ର ଏକ ସହଯୋଗୀ RLP ନିକଟ ଅତୀତରେ ଲାଗୁ ହୋଇଥିବା କୃଷି ଆଇନକୁ ପ୍ରତ୍ୟାହାର କରିବାକୁ କେନ୍ଦ୍ର ସରକାରଙ୍କୁ ଦାବି କରିଛି । ଦଳ କହିଛି ଯେ ଯଦି ଏହି ପ୍ରସଙ୍ଗରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯାଏ ତେବେ ଏନଡିଏର ସହଯୋଗୀ ଦଳ ଭାବେ ସେ ରହିବା ଉପରେ ପୁନର୍ବିଚାର କରାଯିବ ।

ଅଧିକ ପଢ଼ନ୍ତୁ:-କିଏ ସେ ଯୋଗିନ୍ଦର ସିଂ ଉଗ୍ରାହାନ, ଯିଏ ଚାଷୀ ଆନ୍ଦୋଳନ ମାଧ୍ୟମରେ ମୋଦି ସରକାରଙ୍କ ହଜାଇ ଦେଇଛନ୍ତି ନିଦ!

ରାଜସ୍ଥାନର ନାଗୌର ଲୋକସଭା ଆସନରୁ ସାଂସଦ ହନୁମାନ ବେନିୱାଲ ସୋମବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ସମ୍ବୋଧିତ କରି ଟ୍ୱିଟ୍ କରିଛନ୍ତି । ଏଥିରେ ସେ ଲେଖିଛନ୍ତି ଯେ, "ଅମିତ ଶାହଜୀ ଦେଶରେ ଚାଲିଥିବା କୃଷକ ଆନ୍ଦୋଳନର ଭାବନାକୁ ଦୃଷ୍ଟିରେ ରଖି ନିକଟ ଅତୀତରେ ଲାଗୁ ହୋଇଥିବା କୃଷି ସହ ଜଡିତ ତିନିଟି ବିଲ୍ ତୁରନ୍ତ ପ୍ରତ୍ୟାହାର କରାଯାଉ ଓ ସ୍ୱାମୀନାଥନ୍ କମିଶନର ସଂପୂର୍ଣ୍ଣ ସୁପାରିଶ ଲାଗୁ କରାଯାଉ ଏବଂ ଚାଷୀଙ୍କୁ ଦିଲ୍ଲୀରେ ଶୀଘ୍ର ବାର୍ତ୍ତା ପାଇଁ ଏକ ଉପଯୁକ୍ତ ସ୍ଥାନ ଦିଆଯିବା ଉଚିତ୍ ।"

चूंकि @RLPINDIAorg एनडीए का घटक दल है परन्तु आरएलपी की ताकत किसान व जवान है इसलिए अगर इस मामले में त्वरित कार्यवाही नही की गई तो मुझे किसान हित मे एनडीए का सहयोगी दल बने रहने के विषय पर पुनर्विचार करना पड़ेगा !

— HANUMAN BENIWAL (@hanumanbeniwal) November 30, 2020

ବେନିୱାଲ ଆହୁରି ଲେଖିଛନ୍ତି, "ଯେହେତୁ RLP ଏନଡିଏର ସହଯୋଗୀ ଦଳ କିନ୍ତୁ ଆରଏଲପିର ଶକ୍ତି ହେଉଛି କୃଷକ ଏବଂ ଯବାନ, ତେଣୁ ଯଦି ଏହି ପ୍ରସଙ୍ଗରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯାଏ, ତେବେ ମୋତେ କୃଷକଙ୍କ ସ୍ୱାର୍ଥରେ ଏନଡିଏ ସହଯୋଗୀ ହେବା ପ୍ରସଙ୍ଗକୁ ପୁନର୍ବିଚାର କରିବାକୁ ପଡିବ ।"

ଅଧିକ ପଢ଼ନ୍ତୁ:-ଡିସେମ୍ବର ୧ରୁ ହେବାକୁ ଯାଉଛି ଏହି ଚାରୋଟି ବଡ଼ ପରିବର୍ତ୍ତନ, ଜାଣନ୍ତୁ କିପରି ପ୍ରଭାବିତ ହେବେ ଆପଣ

ସୂଚନାଯୋଗ୍ୟ ଯେ, ଆରଏଲପି ଏବଂ ବିଜେପି ଗତ ଲୋକସଭା ନିର୍ବାଚନରେ ​​ମିଶି ଲଢିଥିଲେ । ଯାହା ଅନ୍ତର୍ଗତ ରାଜସ୍ଥାନର ୨୫ଟି ଆସନ ମଧ୍ୟରୁ ବିଜେପି ଗୋଟିଏ ଆସନ ଆରଏଲପିକୁ ଦେଇଥିଲା । ଏହି ନାଗୌର ଆସନରୁ ବେନିୱାଲ ସାଂସଦ ଭାବରେ ନିର୍ବାଚିତ ହୋଇଥିଲେ । ବିଧାନସଭାରେ ଆରଏଲପିର ତିନିଜଣ ବିଧାୟକ ଅଛି ।