ହୋଲି ପାର୍ଟିରେ ଏମିତି କ`ଣ କଲେ ଭିକି ଜୈନ? ପତି ଉପରେ ରାଗିଗଲେ ଅଙ୍କିତା

ନୂଆଦିଲ୍ଲୀ: ଟେଲି ଦମ୍ପତିମାନଙ୍କ ମଧ୍ୟରୁ ଅଙ୍କିତା ଲୋଖଣ୍ଡେ ଏବଂ ଭିକି ଜୈନ ଖୁବ ଲୋକପ୍ରିୟ। ଚଳିତବର୍ଷର ହୋଲି ଉଭୟଙ୍କ ପାଇଁ ସ୍ପେସିଆଲ ଥିଲା। ବିବାହ ପରେ ଏହି ଦମ୍ପତି ଏକତ୍ର ପ୍ରଥମ ହୋଲି ପାଳନ କରିଥିଲେ। କିନ୍ତୁ ହୋଲି ପାର୍ଟିରେ ଭିକି ଏମିତି କଣ କରିଦେଲେ ଯେ, ଅଙ୍କିତାଙ୍କ ମୁହଁ ରାଗରେ ନାଲି ପଡିଗଲା?

ଅଙ୍କିତା (Ankita Lokhande) ଏବଂ ଭିକି (Vicky Jain) ସେମାନଙ୍କର ଘନିଷ୍ଠ ବନ୍ଧୁମାନଙ୍କ ପାଇଁ ଏକ ହୋଲି ପାର୍ଟି ଆୟୋଜନ କରିଥିଲେ। ଏଥିରେ ଏକତା କପୁର, ଦିବ୍ୟଙ୍କା ତ୍ରିପାଠୀ, କରଣ କୁନ୍ଦ୍ରା, ତେଜସ୍ୱୀ ପ୍ରକାଶ, ଅନୀତା ହାସନନ୍ଦିନୀ, ଆରତୀ ସିଂ ଏବଂ ମୋନାଲିସା ପରି ତାରକାମାନେ ଯୋଗ ଦେଇଥିଲେ। ବର୍ତ୍ତମାନ ଏହି ପାର୍ଟିର ଏକ ଭିଡିଓ ସାମ୍ନାକୁ ଆସିଛି ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ପାର୍ଟିରେ ଏମିତି କଣ ଘଟଲି ଯେ, ଅଙ୍କିତାଙ୍କୁ ତାଙ୍କ ଆଂଗ୍ରିୀ ଲୁକ୍ ଦେଖାଇବାକୁ ପଡିଲା। 

ହୋଲି ପାର୍ଟିରେ ସମସ୍ତ ସେଲିବ୍ରେଟିମାନେ ପରସ୍ପରକୁ ହୋଲି ଲଗାଇ ମଜା ମସ୍ତି କରୁଥିଲେ। ପାର୍ଟିରେ ଅନେକ ଅଚିହ୍ନା ମୁହଁ ମଧ୍ୟ ଥିଲେ। ଭାଇରାଲ ଭିଡିଓରେ ଦେଖିବାକୁ ମିଳୁଛି ଯେ, ଭିକି ସାଙ୍ଗମାନଙ୍କ ସହ ମଜା କରୁଛନ୍ତି, ସେତେବେଳେ ଅଙ୍କିତା ତାଙ୍କ ଉପରେ କ୍ରୋଧିତ ରାଗି ଯାଉଛନ୍ତି। ସେ ଭିକି ଜୈନଙ୍କ ନିକଟକୁ ଆସି କୌଣସି କଥାକୁ ନେଇ ଯୁକ୍ତିତର୍କ କରୁଛନ୍ତି। ଆଉ ଏହି ସମୟରେ ଅଙ୍କିତାଙ୍କ କାନ୍ଧରେ ହାତ ରଖି ଭିକି ତାଙ୍କୁ ଶାନ୍ତ କରିବାକୁ ଚେଷ୍ଟା କରୁଥିବା ନଜର ଆସୁଛନ୍ତି। 

ଏହି ଭିଡିଓକୁ ଅଙ୍କିତା ଲୋଖଣ୍ଡେଙ୍କ ଇନଷ୍ଟାଗ୍ରାମ ଫ୍ୟାନ ପେଜରେ ସେୟାର କରାଯାଇଛି। ଯେଉଥିରେ ଅଙ୍କିତାଙ୍କୁ ଆଂଗ୍ରୀ ମ୍ୟାନ ବୋଲି କହିବାସହ କବୀର ସିଂହ ଫେଲ୍ ମାରିଥିବା ଦାବି କରାଯାଉଛି। ଭିଡିଓ ଦେଖି ଅନେକ ୟୁଜର୍ସ କମେଣ୍ଟରେ ପଚାରିଛନ୍ତି ଯେ, ସେ କାହିଁକି ରାଗିଛନ୍ତି? ଜଣେ ୟୁଜର ଲେଖିଛନ୍ତି, ଗରିବ ଭିକି ଚାଲିଯାଇଛନ୍ତି, କିଛି ବଡ ଭୁଲ କରିଥିବା ଜଣାପଡିଛି। ସେହି ସମୟରେ, କିଛି ଲୋକ ପଚାରିଥିଲେ ଯେ ଉଭୟଙ୍କ ମଧ୍ୟରେ ସବୁକିଛି ଠିକ ଅଛି ତ?