ରେକର୍ଡ କଲା ଅନ୍ତରା-ଉଦିତଙ୍କ ନୂଆ ଗୀତ

ନୂଆଦିଲ୍ଲୀ: ଓଡ଼ିଆ ଗୀତକୁ ଦର୍ଶକ ଖୁବ୍ ପସନ୍ଦ କରନ୍ତି। ସେମାନେ ନୂଆ ନୂଆ ଗୀତ ଶୁଣିବାକୁ ମଧ୍ୟ ଅପେକ୍ଷା କରିଥାନ୍ତି ଏଥିରେ କୌଣସି ସନ୍ଦେହ ନାହିଁ। ଯାହାର ପ୍ରମାଣ 'ହରିଣୀ ଆଖି'ରେ ଦେଖିବାକୁ ମିଳିଛି। ରବିବାର ଅର୍ମାନ୍ ମ୍ୟୁଜିକରେ ମୁକ୍ତିଲାଭ କରିଥିବା ଗୀତ 'ହରିଣୀ ଆଖି' ଓଡ଼ିଆ ସଙ୍ଗୀତ ଜଗତରେ ରେକର୍ଡ ସୃଷ୍ଟି କରିଛି।

ରବିବାର ଅର୍ମାନ୍ ମ୍ୟୁଜିକରେ 'ହରିଣୀ ଆଖି'ର ଭିଡିଓ ମୁକ୍ତିଲାଭ କରିଛି। ଭିଡିଓ ମ୍ୟୁଜିକ ରିଲିଜ୍ ହେବାର ମାତ୍ର ୧୬ ଘଣ୍ଟା ମଧ୍ୟରେ ଏହା ମିଲିୟନ୍ ଭିୟୁଜ୍ ପାର୍ କରିଛି। ବର୍ତ୍ତମାନ ସୁଦ୍ଧା ୟୁଟ୍ୟୁବରେ ଭିଡିଓକୁ ୧.୬ ମିଲିୟନ ଥର ଦେଖାହୋଇଛି। 'ହରିଣୀ ଆଖି' ଗୀତଟିର ଗୀତିକାର ହେଉଛନ୍ତି ତପୁ ନାୟକ ଏବଂ ଏଥିରେ ଦର୍ଶକଙ୍କ ପ୍ରିୟ ଗାୟକ ଉଦିତ ନାରାୟଣ ଓ ଗାୟିକା ଅନ୍ତରା ଚକ୍ରବର୍ତ୍ତୀ କଣ୍ଠଦାନ କରିଛନ୍ତି। 

'ହରିଣୀ ଆଖି'ରେ ରୁପା ଏବଂ ପିଣ୍ଟୁ ଅଭିନୟ କରିଛନ୍ତି। ଜାପାନୀ ଭାଇଙ୍କ ସଙ୍ଗୀତ ଦର୍ଶକଙ୍କ ମନକୁ ବେଶ୍ ପ୍ରଭାବିତ କରିଥିବା ବେଳେ ଗୀତଟିକୁ ବିବେକ୍ କୁମାର ନିର୍ଦ୍ଦେଶନା ଦେଇଛନ୍ତି। ମିଲନ୍ ଷ୍ଟୁଡିଓରେ ଗୀତଟି ପ୍ରସ୍ତୁତ ହୋଇଥିବାବେଳେ ଗୀତର ସଫଳତା ଦେଖି ପୁରା ଟିମ୍ ଏବେ ଢେର୍ ଖୁସିଥିବା ଦେଖିବାକୁ ମିଳିଛି। ଆଗକୁ ଆହୁରି ଏମିତି ମିଠାମିଠା ଗୀତ ଦର୍ଶକଙ୍କୁ ଭେଟି ଦେବାକୁ ଟିମ୍ ଲକ୍ଷ ରଖିଛି।