ନୂଆଦିଲ୍ଲୀ: ବେତନ ପ୍ରାପ୍ତ କର୍ମଚାରୀଙ୍କ ଆଜୀବନ ରୋଜଗାର ପିଏଫ ଆକାଉଣ୍ଟରେ (PF Account) ରହିଥାଏ । କିନ୍ତୁ ଅନେକ କାରଣରୁ ଏହି ଆକାଉଣ୍ଟକୁ ମଧ୍ୟ ବନ୍ଦ କରି ଦିଆଯାଇଥାଏ । ଯାହା ପରେ ଆକାଉଣ୍ଟଧାରୀଙ୍କୁ (Account holder) ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ତେଣୁ ଆଜି ଆମେ ଆପଣଙ୍କୁ କହିବାକୁ ଯାଉଛୁ କେତେବେଳେ PF ଆକାଉଣ୍ଟ ବନ୍ଦ ହୋଇଯାଏ ।


COMMERCIAL BREAK
SCROLL TO CONTINUE READING

ଚାକିରି ବଦଳାଇବା ପରେ
ଚାକିରି ବଦଳାଇବା ସମୟରେ କର୍ମଚାରୀଙ୍କୁ ତାଙ୍କ PF ଆକାଉଣ୍ଟକୁ ପୁରୁଣା କମ୍ପାନୀରୁ ନୂଆ କମ୍ପାନୀକୁ ଟ୍ରାନ୍ସଫର (Transfer) କରିନେବା ଉଚିତ । ଯଦି କର୍ମଚାରୀ ଏହା ନକରନ୍ତି ଓ ପୁରୁଣା କମ୍ପାନୀ ବନ୍ଦ ହୋଇଯାଏ, ତେବେ PF ଆକାଉଣ୍ଟ ବନ୍ଦ ହୋଇଯାଇପାରେ । କିନ୍ତୁ ଯଦି ୩୬ ମାସ ପାଇଁ ଆକାଉଣ୍ଟରେ କୌଣସି କାରବାର ନହୁଏ ତେବେ ମଧ୍ୟ ଏହା ଘଟିଥାଏ । ଯଦି PF ଆକାଉଣ୍ଟରୁ ୩୬ ମାସ ପାଇଁ କୌଣସି କାରବାର ନଥାଏ, EPFO ​​ଏହି ଖାତାଗୁଡ଼ିକୁ 'Inoperative' ଅର୍ଥାତ ନିଷ୍କ୍ରିୟ ବର୍ଗରେ ରଖେ ।


ଅଧିକ ପଢ଼ନ୍ତୁ: କ’ଣ ଏହି ନକଲି କୋଭିଡ ଭ୍ୟାକ୍ସିନେସନ, କିପରି ଚିହ୍ନଟ କରିପାରିବେ ଏକ ନକଲି ସେଣ୍ଟର?


ବିଦେଶକୁ ଚାଲିଯିବା ପରେ
ଖାତାଧାରୀ ସ୍ଥାୟୀ ଭାବରେ ବିଦେଶରେ ବସବାସ କଲେ ମଧ୍ୟ PF ଆକାଉଣ୍ଟ ନିଷ୍କ୍ରିୟ ହୋଇଯାଏ । ଏହା ବ୍ୟତୀତ ସଦସ୍ୟଙ୍କ ମୃତ୍ୟୁ ପରେ କିମ୍ବା ଯେତେବେଳେ ସେ ପୂରା ଅବସର ପାଣ୍ଠି ପ୍ରତ୍ୟାହାର କରନ୍ତି, ଏହା କାର୍ଯ୍ୟକ୍ଷମ ନୁହେଁ ବୋଲି ବିବେଚନା କରାଯାଏ ।


ଏକ ନିଷ୍କ୍ରିୟ ଆକାଉଣ୍ଟରେ ଜମା ହୋଇଥିବା ଟଙ୍କା ସହିତ କ’ଣ ହୁଏ?


  • ନିଷ୍କ୍ରିୟ ହେବା ପରେ ମଧ୍ୟ ଆପଣ ଆକାଉଣ୍ଟରେ ଜମା ହୋଇଥିବା ଟଙ୍କା ଉପରେ ସୁଧ ମିଳିବା ଜାରି ରହିଥାଏ । ଏହି ଟଙ୍କା ମଧ୍ୟ ପ୍ରତ୍ୟାହାର କରାଯାଇପାରେ ।

  • ଏହାପୂର୍ବରୁ ଏହି ଆକାଉଣ୍ଟଗୁଡିକରେ ସୁଧ ଉପଲବ୍ଧ ନଥିଲା, କିନ୍ତୁ ୨୦୧୬ ମସିହାରେ ନିୟମରେ ସଂଶୋଧନ କରାଯାଇଥିଲା ଓ ଏହାପରେ ପୁର୍ନବାର ସୁଧ ମିଳିବା ଆରମ୍ଭ ହୋଇଥିଲା ।

  • ଆପଣ ୫୮ ବର୍ଷ ବୟସ ନହେବା ପର୍ଯ୍ୟନ୍ତ PF ଆକାଉଣ୍ଟରେ ସୁଧ ମିଳିବା ଜାରି ରହିଥାଏ ।

  • ଯଦି ସାତ ବର୍ଷ ପାଇଁ ଖାତା ସୁପ୍ତ ରହିଥାଏ ତେବେ କ୍ଲେମ ହୋଇନଥିବା ବାଲାନ୍ସ ବରିଷ୍ଠ ନାଗରିକ କଲ୍ୟାଣ ପାଣ୍ଠିକୁ (SCWF) ଟ୍ରାନ୍ସଫର କରିଦିଆ ଯାଏ ।

  • SCWF ରେ ଏହି ପରିମାଣ ୨୫ ବର୍ଷ ପର୍ଯ୍ୟନ୍ତ ରହିଥାଏ । ଏହି ସମୟ ମଧ୍ୟରେ ଆପଣ ଆପଣଙ୍କ ରାଶି କ୍ଲେମ କରିପାରିବେ । ସରକାର ମଧ୍ୟ ଏହି ପାଣ୍ଠି ଉପରେ ସୁଧ ଦେଇଥାନ୍ତି ।


ଅଧିକ ପଢ଼ନ୍ତୁ: T20 World Cup 2021: ICC ଜାରି କଲା ଟୁର୍ଣ୍ଣାମେଣ୍ଟ କାର୍ଯ୍ୟସୂଚୀ ଓ ସ୍ଥାନ, ଚେକ୍ କରନ୍ତୁ


ଖାତା କିପରି ପୁନର୍ବାର ଆକ୍ଟିଭ ହୁଏ?
ନିଷ୍କ୍ରିୟ PF ଖାତାର ପୁନରୁତ୍ଥାନ ପାଇଁ, EPFO ​​ରେ ଆବେଦନ କରିବାକୁ ପଡିଥାଏ ।