Atiq Ahmad-Asraf Ahmad Murder: ଅତିକ୍ ଅହମ୍ମଦ ଓ ଅଶରଫଙ୍କ ହତ୍ୟା ମାମଲାରେ ଗିରଫ ହୋଇଥିବା ତିନିଜଣ ଦୁର୍ଦ୍ଦାନ୍ତ ଅପରାଧୀ ଅଟନ୍ତି । ଯଦି ସୂତ୍ରକୁ ବିଶ୍ୱାସ କରାଯାଏ, ଆତ୍ମସମର୍ପଣ ପରେ ସେମାନେ ନିଜେ ପୋଲିସର ପଚରାଉଚରା ବେଳେ ତାଙ୍କର ହତ୍ୟାକରିବାର ପଛର ଥିବା ଉଦ୍ଦେଶ୍ୟ କହିଛନ୍ତି । ଏହି ତିନିଜଣ ଅପରାଧୀ କମ୍ ବୟସରେ ଅପରାଧ ଜଗତରେ ପ୍ରବେଶ କରିଥିଲେ । ହତ୍ୟା, ଡକାୟତି ଭଳି ଗୁରୁତର ଅଭିଯୋଗରେ ଜେଲକୁ ଯାଇଥିଲେ । ସେମାନେ ଜେଲରେ ନିଜ ନିଜ ବନ୍ଧୁତା ବନାଇଥିଲେ । ଅତିକ୍ ଓ ଅଶରଫଙ୍କୁ ହତ୍ୟା କରି ଏମାନେ ଡନ୍ ହେବାକୁ ଚାହୁଁଥିଲେ । ଯଦି ସୂତ୍ରକୁ ବିଶ୍ୱାସ କରାଯାଏ, ତେବେ ସେମାନେ ମଧ୍ୟ କହିଛନ୍ତି ଯେ ଛୋଟ ମାମଲାରେ ଜେଲ ଯିବା କାରଣରୁ ସେ ଖ୍ୟାତି ଅର୍ଜନ କରିପାରି ନଥିଲେ ।


COMMERCIAL BREAK
SCROLL TO CONTINUE READING

ଉଭୟ ଭାଇଙ୍କୁ ହତ୍ୟା ଅଭିଯୋଗରେ ଧରାପଡିଥିବା ହସୀରପୁରର ସନି, କସଗଞ୍ଜର ବାସିନ୍ଦା ଅରୁଣ ଓ ବୃନ୍ଦା ନିବାସୀ ଲଭଲେଶ, ପୋଲିସ ରେକର୍ଡରେ ଜଣେ ଜଣେ ଦୁର୍ଦ୍ଦାନ୍ତ ଅପରାଧୀ । ତିନିଜଣଙ୍କୁ କଲଭିନ ହସ୍ପିଟାଲରେ ରଖି ପଚରାଉଚୁରା ଆରମ୍ଭ କରଯାଇଥିଲା । ସନି ପ୍ରଥମେ କହିଥିଲେ ଯେ ସେ ପ୍ରୟାଗରାଜର ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି । ଅନ୍ୟଜଣେ ମଧ୍ୟ ନିଜକୁ ଛାତ୍ର ବୋଲି କହିଥିଲେ । ଯେତେବେଳେ ତିନିଜଣଙ୍କୁ କଠୋରତା ସହ ପଚରାଉଚରା କରାଯାଇଥିଲା, ସେତେବେଳେ ଜଣାପଡିଥିଲା ​​ଯେ ଏହି ତିନିଜଣଙ୍କର ଅପରାଧିକ ଇତିହାସ ଅଛି ।



ପୋଲିସ ସୂତ୍ରରୁ ପ୍ରକାଶ ଯେ, ସେମାନେ ପୋଲିସକୁ କହିଛନ୍ତି ଯେ ତିନିଜଣ ଛୋଟ ଛୋଟ ଅପରାଧ ପାଇଁ ଜେଲ ଯିବା କାରଣରୁ ଖ୍ୟାତି ଅର୍ଜନ କରି ପାରୁନଥିଲେ । କିଛି ବଡ କରିବାକୁ ଚିନ୍ତା କରୁଥିଲା । ଏହି ସମୟରେ ହଠାତ୍ ଜାଣିବାକୁ ପାଇଥିଲେ ଯେ ପୋଲିସ ଅତିକ୍ ଓ ଅଶରଫଙ୍କୁ ନିଜ ହେପାଜତରେ ହସ୍ପିଟାଲକୁ ଚିକିତ୍ସା ପାଇଁ ଆସୁଛନ୍ତି । ଏହାପରେ ତିନିଜଣ ଷଡଯନ୍ତ୍ର କରିଥିଲେ ଯେ ଯଦି ଅତିକ୍ ଓ ଅଶରଫଙ୍କୁ ହତ୍ୟା କରାଯାଏ, ତେବେ ରାଜ୍ୟରେ ସେମାନଙ୍କର ଏକ ବଡ ନାମ ରହିବ । ଯେଉଁମାନେ ଅତିକ୍କୁ ଭୟ କରୁଥିଲେ, ସେମାନେ ବର୍ତ୍ତମାନ ତାଙ୍କୁ ଭୟ କରିବେ । ଅପରାଧ ଦୁନିଆରେ ତାଙ୍କ ରାଜ୍ ଚାଲିବ । ଏହା ଭାବି ତିନିଜଣ ଏହି ଘଟଣାକୁ କାର୍ଯ୍ୟକାରୀ କରିବା ପାଇଁ ପ୍ରସ୍ତୁତି କରିଥିଲେ ।


ଶୁକ୍ରବାର ମଧ୍ୟ, ଅତିକ୍ ଉପରେ ଆକ୍ରମଣ କରିବା ପୂର୍ବରୁ ତିନିଜଣ ହସ୍ପିଟାଲରେ ପହଞ୍ଚିଥିଲେ ଓ ସବୁଆଡେ ବୁଲି ଦେଖିବା ସହ ପ୍ଲାନ କରିଥିଲେ । ଏହା ପରେ ଶନିବାର ଦିନ ପହଞ୍ଚି ମିଡିଆ କର୍ମୀ ହୋଇ ସହଜରେ ମାଫିଆକୁ ହତ୍ୟା କରିଥିଲେ । ତେବେ ତାଙ୍କ ବୟାନ ପରେ ମଧ୍ୟ ପୋଲିସ ତାଙ୍କ ସ୍ଥାନୀୟ ପୋଲିସ ଷ୍ଟେସନ ସହ ଯୋଗାଯୋଗ କରି ସବିଶେଷ ତଥ୍ୟ ସଂଗ୍ରହ କରୁଛି ।


ଅତିକ୍ ଅହମ୍ମଦ ଓ ଅଶରଫଙ୍କୁ ହତ୍ୟା କରିଥିବା ତିନି ଆକ୍ରମଣକାରୀଙ୍କୁ ଗିରଫ କରି ପୋଲିସ ପଚରାଉଚରା କରୁଛି । ପ୍ରାରମ୍ଭିକ ତଦନ୍ତରେ ଏହି ତିନିଜଣ କହିଛନ୍ତି ଯେ ପାକିସ୍ତାନୀ ସଂଯୋଗ ସାମ୍ନାକୁ ଆସିବା ଯୋଗୁଁ ସେମାନେ ଅତିକ୍ ଅହମ୍ମଦ ଓ ଆଶ୍ରାଫଙ୍କୁ ହତ୍ୟା କରିଥିଲେ । ଏଥିସହ ଅଭିଯୁକ୍ତମାନଙ୍କ ମଧ୍ୟରୁ ଜଣେ କହିଛନ୍ତି ଯେ ଅତିକ୍ ଜେଲରେ ତାଙ୍କ ଭାଇଙ୍କୁ ମାଡ ମାରିଥିଲେ । ପ୍ରତିଶୋଧ ପାଇଁ ତାଙ୍କୁ ହତ୍ୟା କରାଛନ୍ତି । ଏହି ତିନିଜଣଙ୍କ ଦ୍ୱାରା ଦିଆଯାଇଥିବା ବୟାନ ଓ ଠିକଣାକୁ ପୋଲିସ ଯାଞ୍ଚ କରୁଛି । ଘଟଣାସ୍ଥଳରୁ ପୋଲିସ କୌଶାମ୍ବି ଓ ପ୍ରୟାଗରାଜ ନମ୍ବରର ଦୁଇଟି ବାଇକ୍, ତିନୋଟି ପିସ୍ତଲ, କ୍ୟାମେରା ଓ ଆକ୍ରମଣକାରୀଙ୍କ ବ୍ୟାଗ ଜବତ କରିଛି ।


ଗିରଫ ଆକ୍ରମଣକାରୀ ଶନି ହମିରପୁର, ଅରୁଣ କାସଗଞ୍ଜ ଓ ତୃତୀୟ ଅଭିଯୁକ୍ତ ଲଭଲେଶ ବୃନ୍ଦା ଜିଲ୍ଲାର ବାସିନ୍ଦା ବୋଲି କୁହାଯାଉଛି । ଏହି ତିନିଜଣଙ୍କର ବୟସ ୨୦ରୁ ୨୫ ବର୍ଷ ମଧ୍ୟରେ ଥିବା କୁହାଯାଉଛି । ଏହି ତିନିଜଣ ସେଠାରେ ମିଡ଼ିଆ କର୍ମୀ ଭାବେ ପହଞ୍ଚିଥିଲେ ।


ଏହା ବି ପଢ଼ନ୍ତୁ: Atiq Ahmed Murder: ଏମାନେ ହେଉଛନ୍ତି ସେହି ହତ୍ୟାକାରୀ, ଯେଉଁମାନେ ଅତିକ୍-ଆଶରଫଙ୍କ ମୁଣ୍ଡକୁ ଗୁଳି ମାରି ହତ୍ୟା କରିଥିଲେ


ଏହା ବି ପଢ଼ନ୍ତୁ: Atiq Ahmad Shot Dead: ପୁଅର ଅନ୍ତିମ ସଂସ୍କାରରେ ବାପା ନାହିଁ, ବାପାର ସମାଧିରେ ସମୟରେ ପୁଅ ନାହିଁ; ମାଫିଆ ଅତିକର ଅନ୍ତ