କଟକ:  ଆଜି ରାଜ୍ୟରେ ପ୍ରକାଶ ପାଇଛି ଚଳିତବର୍ଷର ମାଟ୍ରିକ ପରୀକ୍ଷା ଫଳ । ଏନେଇ ବୋର୍ଡ କାର୍ଯ୍ୟାଳୟ ପକ୍ଷରୁ ସୂଚନା ଜାରି କରାଯାଇଛି । ମାଟ୍ରିକ ବାର୍ଷିକ ପରୀକ୍ଷା ସହିତ, ରାଜ୍ଯ ମୁକ୍ତ ବିଦ୍ୟାଳୟ ଓ ମଧ୍ୟମା ପରୀକ୍ଷା ଫଳ ମଧ୍ୟ ପ୍ରକାଶ ପାଇଛି । ଚଳିତ ବର୍ଷ ପାସ୍ ହାର ୯୭.୮୯ ପ୍ରତିଶତ ରହିଥିବା ବେଳେ ସେପଟେ ୱେବସାଇଟରେ ମଧ୍ୟ ରେଜଲ୍ଟ ପ୍ରକାଶ ଉପଲବ୍ଧ ହୋଇଛି ।


COMMERCIAL BREAK
SCROLL TO CONTINUE READING

ଛାତ୍ରଛାତ୍ରୀ ମାନେ www.bseodisha.ac.in ଓ www.bseodisha.nic.in କୁ ଯାଇ ରେଜଲ୍ଟ ଦେଖିପାରିବେ । ସେହିପରି SMS ମାଧ୍ୟମରେ ପରୀକ୍ଷଆ ଫଳ ଦେଖିବାକୁ ଚାହିଁଲେ, ପ୍ରଥମେ  OR01 <roll number> ଲେଖି  5676750 ନମ୍ବରରେ ମେସେଜ କରିପାରିବେ । କୋରୋନା ମହାମାରୀକୁ ଦୃଷ୍ଟିରେ ରଖି ଚଳିତବର୍ଷ ମାଟ୍ରିକ ପରୀକ୍ଷା ବାତିଲ ହୋଇଥଲା । ପରୀକ୍ଷାରେ ଖରାପ କରିଥିବା ପିଲା ମାନେ ପୁଣି ପରୀକ୍ଷା ଦେଇପାରିବେ । ଏନେଇ ଜୁଲାଇ ୫ରୁ ଫର୍ମ ଫିଲଅପ୍ ଆରମ୍ଭ କରାଯିବ ।


Also Read: Lock ହେବା ପରେ ପୁଣି Restore ହେଲା କେନ୍ଦ୍ର IT ମନ୍ତ୍ରୀଙ୍କ Twitter Handle


ରାଜ୍ୟରେ  ୫ ଲକ୍ଷ ୬୨ ହଜାର ୧୦ ଜଣ ପରୀକ୍ଷାର୍ଥୀ ପାସ୍ ହୋଇଥିବା ବେଳେ ,୭ ହଜାର ୭୦୩ ଜଣ ପରୀକ୍ଷାର୍ଥୀ ଫେଲ୍ ହେଇଛନ୍ତି ।


  • A1 ଗ୍ରେଡ୍ – ୨୬୫୬ ଜଣ  

  • A2 ଗ୍ରେଡ୍ – ୨୨,୧୩୧ ଜଣ

  • B1 ଗ୍ରେଡ୍ – ୯୨,୨୯୯ ଜଣ

  • B2 ଗ୍ରେଡ୍ – ୯୪ ହଜାରରୁ ଅଧିକ 


୫,୯୪୫ ସ୍କୁଲରେ ପାସହାର ଶତପ୍ରତିଶତ  ରହିଛି । ୭ ହଜାର ୭୦୩ ଜଣ ପରୀକ୍ଷାରେ ଫେଲ୍ ହୋଇଛନ୍ତି । ପାସ ହୋଇଥିବା ପରୀକ୍ଷାର୍ଥୀଙ୍କ ମଧ୍ୟରୁ ୨ ଲକ୍ଷ ୮୦ ହଜାର ୩୫୨ ଛାତ୍ର ପାସ୍ କରିଥିବା ବେଳେ ୨ ଲକ୍ଷ ୮୧ ହଜାର ୬୫୮ ଜଣ ଛାତ୍ରୀ ପାସ୍ କରିଛନ୍ତି ।