ନିଆରା ଢଙ୍ଗରେ ଜାତୀୟ ପ୍ରେସ ଦିବସ ପାଳନ କଲେ ଦୁଇ ଯୁବ ସାମ୍ବାଦିକ

କନ୍ଧମାଳ: ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଦାରିଙ୍ଗବାଡିରେ ନିଆରା ଢଙ୍ଗରେ ଜାତୀୟ ପ୍ରେସ ଦିବସ  (National Press Day) ପାଳନ ହୋଇଯାଇଛି । ଅଞ୍ଚଳର ଦୁଇ ଜଣ ଯୁବ ସାମ୍ବାଦିକ ପ୍ରିୟବ୍ରତ ସାହୁ (Priyabrata Sahu) ଓ ଅଜିତ କୁମାର ନାୟକଙ୍କ ଉଦ୍ୟମରେ ଜାତୀୟ ପ୍ରେସ ଦିବସ ମ୍ଲୁକଚେରୀ ଗ୍ରାମର ଛୋଟ ଛୋଟ ପିଲାଙ୍କ ଗହଣରେ ଜାତୀୟ ପ୍ରେସ ଦିବସ ପାଳନ ହୋଇଯାଇଛି । ଏହି ଅବସରରେ ଅତିଥି ଭାବେ ବରିଷ୍ଠ ଆଇନଜୀବୀ ଉମେଶ କର, ଶିକ୍ଷକ ସଞ୍ଜୟ ସାହୁ ପ୍ରମୁଖ ଯୋଗ ଦେଇ ସାମ୍ପ୍ରତିକ ପରିସ୍ଥିତିରେ ସମ୍ବାଦ ଓ ସାମ୍ବାଦିକତା ସମ୍ପର୍କରେ ନିଜର ଅଭିଭାଷଣ ରଖିଥିଲେ ।

ଛୋଟ ଛୋଟ ପିଲାଙ୍କୁ ଏହି ଅବସରରେ ବହି, ଖାତା, ପେନ, ପେନସିଲ ଓ ବିସ୍କୁଟ ଆଦି  ଅତିଥିଙ୍କ ଦ୍ଵାରା ପ୍ରଦାନ କରିଥିଲେ । ତେବେ ଜାତୀୟ ପ୍ରେସ ଦିବସରେ ଯୁବ ସାମ୍ବାଦିକଙ୍କ ଏଭଳି ନିଆରା ପ୍ରୟାସକୁ ଅଞ୍ଚଳବାସୀ ବେଶ ପ୍ରଶଂସା କରିଛନ୍ତି ।