Driving License: ଘରେ ବସି ମୋବାଇଲରେ ଏପରି ବନାଇପାରିବେ ଡ୍ରାଇଭିଂ ଲାଇସେନ୍ସ, ଟେଷ୍ଟ ପାଇଁ ଯିବା ଦରକାର ନାହିଁ RTO
How To Apply DL From Mobile: ଡ୍ରାଇଭିଂ ଲାଇସେନ୍ସ ପାଇବା ପାଇଁ ବର୍ତ୍ତମାନ RTO ଭିଜିଟ୍ କରିବାର କୌଣସି ଆବଶ୍ୟକତା ନାହିଁ । ଆପଣ ମୋବାଇଲ୍ ଫୋନ୍ ସାହାଯ୍ୟରେ ଡ୍ରାଇଭିଂ ଲାଇସେନ୍ସ (Driving License) ଆବେଦନ କରିପାରିବେ । ଏଠାରେ ଆମେ କିଛି ସହଜ ଷ୍ଟେପ୍ କହୁଛୁ, ଯାହା ମାଧ୍ୟମରେ ଆପଣ ଘରେ ବସି ଡ୍ରାଇଭିଂ ଲାଇସେନ୍ସ ପାଇ ପାରିବେ ।
How To Apply Driving License From Mobile: ଆପଣ ଯଦି ଏକ କାର୍ କିମ୍ବା ବାଇକ୍ ଚଲାଉଥାନ୍ତି ଓ ୧୮ ବର୍ଷ ବୟସ ସତ୍ତ୍ୱେ ଆପଣଙ୍କ ପାଖେ ଡ୍ରାଇଭିଂ ଲାଇସେନ୍ସ (Driving License) ନ ଥାଏ, ତେବେ ଆପଣଙ୍କର ୧୦୦୦ ଟଙ୍କା ମୂଲ୍ୟର ଏକ ଟ୍ରାଫିକ୍ ଚାଲାଣ କଟାଯାଇପାରେ । ଗାଡି ଚଳାଇବା ପାଇଁ ଆପଣଙ୍କର ଡ୍ରାଇଭିଂ ଲାଇସେନ୍ସ ଥିବା ଜରୁରୀ, କାରଣ ବିନା ଲାଇସେନ୍ସରେ ଗାଡି ଚଲାଇବା ଆପଣଙ୍କ ପାଇଁ ଓ ରାସ୍ତାରେ ଯାଉଥିବା ଲୋକଙ୍କ ପାଇଁ ଅତ୍ୟନ୍ତ ବିପଦଜ୍ଜନକ ହୋଇପାରେ ।
ବର୍ତ୍ତମାନ ଡ୍ରାଇଭିଂ ଲାଇସେନ୍ସ ପାଇବା ପାଇଁ ଆପଣଙ୍କୁ RTO ଅଫିସକୁ ଯିବାର ଆବଶ୍ୟକତା ନାହିଁ । ବର୍ତ୍ତମାନ ଆପଣ କେବଳ ମୋବାଇଲ୍ ଫୋନ୍ ସାହାଯ୍ୟରେ ଘରେ ବସି ଆବେଦନ କରିପାରିବେ । ଏଥିସହ କୌଣସି ପ୍ରକାରର ଟେଷ୍ଟ ଦେବା ପାଇଁ ଆପଣଙ୍କୁ RTO ଅଫିସକୁ ଯିବାକୁ ପଡିବ ନାହିଁ । ଏଠାରେ ଆମେ ଆପଣଙ୍କୁ କିଛି ସହଜ ଷ୍ଟେପ୍ କହିବୁ, ଯାହାକୁ ଆପଣ ଫଲୋ କରି ନିଜର ଡ୍ରାଇଭିଂ ଲାଇସେନ୍ସ ପାଇଁ ଆବେଦନ କରିପାରିବେ ।
ପ୍ରଥମେ ଆପଣଙ୍କୁ ପରିବହନ ମନ୍ତ୍ରଣାଳୟର ଅଫିସିଆଲ୍ ୱେବସାଇଟ୍ https://sarathi.parivahan.gov.in କୁ ଯିବାକୁ ପଡିବ । ଏଠାରେ ପ୍ରଥମେ ଆପଣଙ୍କୁ ନିଜ ରାଜ୍ୟର ନାମ ଚୟନ କରିବାକୁ ପଡିବ । ଏହା ପରେ, ଆପଣଙ୍କୁ ଲର୍ଣ୍ଣିଙ୍ଗ ଲାଇସେନ୍ସ ପାଇଁ ଆବେଦନ କରିବାର ବିକଳ୍ପ ଉପରେ କ୍ଲିକ୍ କରିବାକୁ ପଡିବ । ଏହା ପରେ ଆଧାର ମାଧ୍ୟମରେ ଆବେଦନ କରିବାର ବିକଳ୍ପକୁ ଚୟନ କରନ୍ତୁ ଓ ଏହା ସମେତ ଘରୁ ଟେଷ୍ଟ ଦେବେ କି RTO କୁ ଯାଇ ଟେଷ୍ଟ ଦେବେ ତାହା ମଧ୍ୟ ଚୟନ କରନ୍ତୁ ।
ଏହା ପରେ ଆପଣଙ୍କର ଆଧାର କାର୍ଡ ସୂଚନା ଓ ମୋବାଇଲ୍ ନମ୍ବର ଏଣ୍ଟ୍ରି କରନ୍ତୁ ଓ ଜେନେରେଟ୍ OTP ଉପରେ କ୍ଲିକ୍ କରନ୍ତୁ । ଏହା ପରେ ଆପଣଙ୍କ ନମ୍ବରରେ ପ୍ରାପ୍ତ OTP ଏଣ୍ଟ୍ରି କରନ୍ତୁ । ସର୍ତ୍ତାବଳୀ ଓ ସର୍ତ୍ତଗୁଡିକ ଏକ୍ସସେପ୍ଟ କରିବାକୁ ଲେଖାଥିବା ବକ୍ସରେ କ୍ଲିକ୍ କରନ୍ତୁ ଓ ତାପରେ ଅଥଣ୍ଟିକେସନ୍ ବଟନ୍ ଉପରେ କ୍ଲିକ୍ କରନ୍ତୁ । ତା’ପରେ ଲାଇସେନ୍ସ ଫି ପାଇଁ ପେମେଣ୍ଟ ମୋଡ୍ ଚୟନ କରନ୍ତୁ ।
ଏହା ପରେ ୧୦ ମିନିଟର ପରୀକ୍ଷା ସହିତ ଆଗକୁ ବଢିବା ପାଇଁ ସରକାରଙ୍କ ବାଧ୍ୟତାମୂଳକ ୧୦ ମିନିଟର ଡ୍ରାଇଭିଂ ନିର୍ଦ୍ଦେଶ ଭିଡିଓ ଦେଖନ୍ତୁ । ଭିଡିଓ ଶେଷରେ, ଆପଣ ମୋବାଇଲ୍ ନମ୍ବରରେ ଏକ OTP ଓ ପାସୱାର୍ଡ ପାଇବେ ।
ଏହା ପରେ ଦିଆଯାଇଥିବା ଫର୍ମ ପୂରଣ କରନ୍ତୁ ଓ ଟେଷ୍ଟ ପାଇଁ ଆଗକୁ ବଢ଼ନ୍ତୁ । ଆପଣଙ୍କ ଡିଭାଇସର ଆଗ କ୍ୟାମେରା ଟର୍ନ୍ ଅନ୍ କରନ୍ତୁ, ତାପରେ ମୁହଁରେ ଫିକ୍ସ କରନ୍ତୁ । ଏହା ପରେ ପରୀକ୍ଷା ସମାପ୍ତ କରନ୍ତୁ । ପରୀକ୍ଷା ପାସ୍ କରିବା ପାଇଁ, ଆପଣଙ୍କୁ ୧୦ ଟି ପ୍ରଶ୍ନ ମଧ୍ୟରୁ ଅତି କମରେ ୬ଟିରେ ସଠିକ୍ ଉତ୍ତର ଦେବାକୁ ପଡିବ ।
ଯଦି ଆପଣ ଟେଷ୍ଟରେ ଫେଲ୍ ହୁଅନ୍ତି, ତେବେ ପୁନର୍ବାର ପରୀକ୍ଷା ଦେବା ପାଇଁ ଆପଣଙ୍କୁ ୫୦ ଟଙ୍କା ଦେବାକୁ ପଡିବ । ଯଦି ଆପଣ ପରୀକ୍ଷା କ୍ଳିଅର କରନ୍ତି ତେବେ ଆପଣ PDF ଫର୍ମରେ ସଙ୍ଗେ ସଙ୍ଗେ ଲର୍ଣ୍ଣିଙ୍ଗ ଲାଇସେନ୍ସ ପାଇପାରିବେ ।
ଏହା ବି ପଢ଼ନ୍ତୁ: Shakuntala Railways: ବ୍ରିଟିଶଙ୍କ ଅଧୀନରେ ଏବେ ବି ଅଛି ଦେଶର ଏହି ରେଳ ଲାଇନ... ପ୍ରତିବର୍ଷ ଦେବାକୁ ପଡେ କୋଟି କୋଟି ଟଙ୍କାର ରୟାଲଟି!