Dilip Kumar Birth Anniversary: କାହା ଭୟରେ ନିଜ ନାଁ ବଦଳାଇ ଥିଲେ ଦିଲୀପ କୁମାର ?

Dilip Kumar Birth Anniversary: ଭେଟେରାନ ଅଭିନେତା ଦିଲୀପ କୁମାର । ତାଙ୍କୁ କିଏ ବା ନ ଜାଣେ, ଜଣେ ସମାଜସେବୀ ଏବଂ ବହୁ ପ୍ରତିଭାବାନ ବ୍ୟକ୍ତି ଥିଲେ ସେ। 
 ପେଶୱାରରୁ ଆସିଥିବା ମହମ୍ମଦ ୟୁସୁଫ ଖାନଙ୍କୁ(Mohammed Yusuf Khan) ସେତେବେଳେ କେହି ଜାଣି ନଥିବେ, କିନ୍ତୁ ମହମ୍ମଦଙ୍କ ଠାରୁ ଦିଲୀପ କୁମାର ହେବା ପର୍ଯ୍ୟନ୍ତ ଯାତ୍ରା ଅତ୍ୟନ୍ତ ପ୍ରେରଣାଦାୟୀ ଥିଲା। ଏପରି ବଲିଉଡରେ ଏକ ସମୟ ଥିଲା ଯେ, ଯେତେବେଳେ କଳାକାରଙ୍କୁ ଉଚିତ ସମ୍ମାନ ମିଳୁ ନ ଥିଲା। ସେତେବେଳେ ସେ ତାଙ୍କ ପିତାଙ୍କ ଭୟରେ ନିଜ ନାଁ ମହମ୍ମଦ ୟୁସୁଫ ଖାନରୁ ପରିବର୍ତ୍ତନ କରି ଦିଲୀପ କୁମାର ରଖିଥିଲେ । ତେବେ, ଆଜି ତାଙ୍କ ଜନ୍ମବାର୍ଷିକୀ ଅବସରରେ ଆସନ୍ତୁ ଜାଣିବା ତାଙ୍କ ଜୀବନର କିଛି ରୋଚକ କାହଣୀ ବିଷୟରେ।  

ପିତାଙ୍କୁ ଖୁବ୍ ଭୟ କରୁଥିଲେ ଦିଲୀପ : 
ପିଲାବେଳୁ ଦିଲୀପ ଅଭିନୟ କରିବାର ନିଶା ତାଙ୍କ ମନରେ ଥିଲା । କିନ୍ତୁ ତାଙ୍କ ପିତା ତାଙ୍କୁ ଅଭିନୟ ଜଗତରେ ପାଦ ରଖିବାକୁ ମନା କରୁଥିଲେ।  ଏପରିକି ବହୁ ବାର ଦିଲୀପଙ୍କୁ ବିରୋଧ ମଧ୍ୟ କରୁଥିଲେ। ଲାଲା ବୈଶେଶ୍ବର ଦିଲୀପଙ୍କ ପିତାଙ୍କ ଭଲ ବନ୍ଧୁ ଥିଲେ। ଲାଲଙ୍କ ସହଯୋଗରେ ରାଜ କପୁର ମଧ୍ୟ ଅଭିନୟ ଜଗତରେ ପାଦ ରଖିଥିଲେ। କିନ୍ତୁ ପୁଅର ଏଭଳି ହରକତ ଦେଖି ଅଧିକ ସମୟ ଚିନ୍ତାରେ ରହୁଥିଲେ ଦିଲୀପଙ୍କ ପିତା । ଏନେଇ ସେ ତାଙ୍କ ବନ୍ଧୁଙ୍କ ନିକଟରେ ପୁଅର ଅଭିନୟ ନିଶା ବିଷୟରେ କହୁଥିଲେ। ଏପରି ପରିସ୍ଥିତିରେ, ସେ ସର୍ବଦା ଲାଲାଙ୍କ ନିକଟରେ ଅଭିଯୋଗ କରୁଥିଲେ ଯେ, ପୁଅର ଏପରି ଅଭିନୟ ନିଶା ପାଇଁ ସେ କ’ଣ କରିବେ ।  ଯାହାକୁ ନେଇ ସେ ବିବ୍ରତ ମଧ୍ୟ ଥିଲେ। କାରଣ ତାଙ୍କ ପିତାଙ୍କୁ ଜଣାଥିଲା ଯେ, ଅଭିନୟରେ କ୍ୟାରିୟର ନାହିଁ। 

ଏହାବି ପଢନ୍ତୁ : Sushant Singh Rajput: କାହିଁକି ବିକ୍ରି ହେଉନି ସୁଶାନ୍ତ ସିଂ ରାଜପୁତଙ୍କ ବାଦ୍ରା ଫ୍ଲାଟ୍, କାରଣ ଜାଣିଲେ ଆପଣବି ହୋଇଯିବ ଆଶ୍ଚର୍ଯ୍ୟ

ନାଁ କମେଇବା ପାଇଁ ଏହି କାମ କରିଥିଲେ ଦିଲୀପ : 

ଯେତେବେଳେ ମହମ୍ମଦ ୟୁସୁଫ ଫିଲ୍ମରେ ଏଣ୍ଟ୍ରି କରିଥିଲେ, ସେତେବେଳେ ଭୟ ଥିଲା ଯେ ତାଙ୍କର ଜାତିକୁ ନେଇ କେହି ତାଙ୍କୁ ଗାଳି ଦେବ । ସେହି ସମୟରେ, ଯେତେବେଳେ ମହମ୍ମଦ ୟୁସୁଫ ଖାନଙ୍କ ନାମ ବଦଳାଇବାକୁ ଆଲୋଚନା କରାଯାଉଥିଲା , ସେତେବେଳେ ୟୁସୁଫ ଖାନ, ଭାସୁଦେବ କିମ୍ବା ଦିଲୀପ କୁମାର ନାଁ ରଖିବା ପାଇଁ ତିନୋଟି ନାମ ପରାମର୍ଶ ଦିଆଯାଇଥିଲା। ଏଭଳି ପରିସ୍ଥିତିରେ ମହମ୍ମଦ ୟୁସୁଫ ହସି ହସି କହିଥିଲେ ଯେ ୟୁସୁଫ ଖାନଙ୍କୁ ରଖ ନାହିଁ, ଯାହା ତୁମ ହୃଦୟରେ ଆସେ ତାହା ରଖ । ଏହା ପରେ ଦୁଇ ତିନ ମାସ ପରେ ମହମ୍ମଦ ୟୁସୁଫ ଏକ ବିଜ୍ଞାପନରୁ ଜାଣିବାକୁ ପାଇଲେ ଯେ ତାଙ୍କ ନାମ ଦିଲୀପ କୁମାରଙ୍କ ନାମରେ ପରିବର୍ତ୍ତନ କରାଯାଇଛି। ତା’ପରେ ଟ୍ରାଜେଡି କିଙ୍ଗ ନାମରେ ଜଣାଶୁଣା ଏହି ଅଭିନେତା ବଲିଉଡକୁ ଗୋଟିଏ ପରେ ଗୋଟିଏ ହିଟ୍ ଚଳଚ୍ଚିତ୍ର ଦେଇଥିଲେ  । ଆଜି ତାଙ୍କର ୧୦୦ ତମ ଜନ୍ମ ବାର୍ଷିକୀ ପାଳନ କରାଯାଉଛି । ଭେଟେରାନ ଅଭିନେତା ଦିଲୀପ କୁମାର ୯୮ ବର୍ଷ ବୟସରେ ଜୁଲାଇ ୭, ୨୦୨୧ରେ ମୁମ୍ବାଇର ଖାର ହିନ୍ଦୁଜା ହସ୍ପିଟାଲରେ ତାଙ୍କର ଦେହାନ୍ତ ହୋଇଥିଲା।  'ଆନ୍', 'ଦେବଦାସ', 'ରାମ ଅର ଶ୍ୟାମ' ଏବଂ 'ଶକ୍ତି'  ପରି  ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ହୃଦୟ ଜିତିଥିଲେ ଦିଲୀପ । ତାଙ୍କ ଅଭିନୟ ଯାଦୁ ଆଜିବି ଜୀବନ୍ତ ହୋଇ ରହିଛି । ଏବଂ ତାଙ୍କୁ 'ଅଭିନୟର ବେତାଜ୍ ବାଦଶାହ' (ଅଭିନୟର ରାଜା)  ବୋଲି କୁହାଯାଏ ।