Sunny Deol: ସନି ଦେଓଲଙ୍କ ନାଁରେ ସଙ୍ଗୀନ ଅଭିଯୋଗ, ଜାଣନ୍ତୁ କ`ଣ ରହିଛି ପୂରା ମାମଲା?

Sunny Deol: ବଲିଉଡ଼ ଅଭିନେତା ସନି ଦେଓଲ। ଦମଦାର ଅଭିନୟ ପାଇଁ ସେ ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛନ୍ତି। ତେବେ, ଏହାରି ଭିତରେ ସନି ଦେଓଲଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ସନିଙ୍କ ନାଁରେ (Film producer Sorav Gupta) ଫିଲ୍ମ ନିର୍ମାତା ସୌରଭ ଗୁପ୍ତା ସଙ୍ଗୀନ୍ ଅଭିଯୋଗ ଆଣିଛନ୍ତି। 

ସେ ଅଭିଯୋଗରେ କହିଛନ୍ତି ଯେ,  ୨୦୧୬ ମସିହାରେ ଏକ ଫିଲ୍ମ କରିବା ପାଇଁ ସନ୍ନି ଦେଓଲ ତାଙ୍କଠାରୁ ଆଗୁଆ ଟଙ୍କା ନେଇଥିଲେ। ଏହା ସହିତ ସେ ଖୁବ୍ ଶୀଘ୍ର ତାଙ୍କ ଫିଲ୍ମର ସୁଟିଂ କରିବେ ବୋଲି ପ୍ରତିଶ୍ରୁତି ଦେଇଥିଲେ । କିନ୍ତୁ ୮ ବର୍ଷ ପରେ ମଧ୍ୟ ସନି ତାଙ୍କ ପ୍ରତିଶ୍ରୁତି ପୂରଣ କଲେନି  କି ଟଙ୍କା ଫେରସ୍ତ କରି ନ ଥିଲେ। ସେ  ଆହୁରି କହିଛନ୍ତି ଯେ, ସନି ଜଣେ ଠକ ପ୍ରକୃତିର ଲୋକ,  ୨୦୧୬  ମସିହାରେ ଏକ ଫିଲ୍ମ କରିବା ପାଇଁ ଏକ ଏକ ପ୍ରୋଜେକ୍ଟରେ ସାଇନ୍ କରିଥିଲେ। ଏହି ଚୁକ୍ତି ଅନୁଯାୟୀ ସେ ଏକ ଫିଲ୍ମରେ କାମ କରିବାକୁ ଆଗ୍ରୀମ ୪ କୋଟି ଟଙ୍କା ମାଗିଥିଲେ। କିନ୍ତୁ ୧ କୋଟି ଟଙ୍କା ମୁଁ ତାଙ୍କୁ ଦେଇଥିଲି। କିନ୍ତୁ ମୋ ଫିଲ୍ମରେ କାମ ଆରମ୍ଭ କରିବା ପୂର୍ବରୁ ସେ ୨୦୧୭ ମସିହାରେ ପୋଷ୍ଟର ବାଏଜ୍ ରେ ସୁଟିଂ ପାଇଁ ଚାଲି ଯାଇଥିଲେ। ପରେ  ସେ ମୋତେ ଅଧିକ ଟଙ୍କା ମାଗିଥିଲେ । ବର୍ତ୍ତମାନ ସୁଧା ସେ ମୋ ଠାରୁ ୨.୫୫ ଟଙ୍କା ନେଇ ଆଉ ଧରାଛୁଆଁ ଦେଉ ନାହାଁନ୍ତି। 

ସୌରଭ ଆହୁରି ମଧ୍ୟ କହିଛନ୍ତି ଯେ , ସନି ତାଙ୍କ କମ୍ପାନୀ ସହିତ ୨୦୨୩ ମସିହାରେ ଏକ ନକଲି ଚୁକ୍ତି କରିଥିଲେ। ସେ କହିଛନ୍ତି, 'ଯେତେବେଳେ ଆମେ ଚୁକ୍ତିନାମା ପଢିଲୁ । ସେତେବେଳେ ଜାଣିବାକୁ ପାଇଲେ ଯେ, ସେମାନେ ନିଜେ ପୃଷ୍ଠା ପରିବର୍ତ୍ତନ କରିଛନ୍ତି, ଯେଉଁଠାରେ ଫି ପରିମାଣ ୪ କୋଟି ଥିଲା, ଫି ୮ କୋଟି ଟଙ୍କାକୁ ବୃଦ୍ଧି କରାଯାଇଥିଲା। କେବଳ ଏତିକି ନୁହେଁ, ଏହାସହ ଲାଭ ୨ କୋଟି ଟଙ୍କାକୁ ବୃଦ୍ଧି କରାଯାଇଥିଲା। ଏନେଇ ସୌରଭ ଥାନାରେ ସନିଙ୍କ ବିରୋଧରେ ଏକ ଅଭିଯୋଗ କରିଛନ୍ତି।