Rashmika Mandanna : ରଶ୍ମିକାଙ୍କ ସହ ଠୁମକା ଲଗାଇଲେ ଗଣେଶ

Rashmika Mandanna : ଫିଲ୍ମ ‘ଗୁଡବାଏ’(Goodbye)ରେ ରଶ୍ମିକା ମନ୍ଦନା ଏବଂ ଅମିତାଭ ବଚ୍ଚନଙ୍କୁ ଏକାଠି ଦେଖିବାକୁ ମିଳିବ। ବିଗ୍ ବି ଙ୍କ ସହ ପ୍ରଥମ ଥର ନିଜର ଆସିବେ ସାଉଥ୍ ଅଭିନେତ୍ରୀ ରଶ୍ମିକା । ସାଉଥ ଫିଲ୍ମରୁ ଲୋକଙ୍କ ହୃଦୟରେ ସ୍ଥାନ ସୃଷ୍ଟି କରିଥିବା ରଶ୍ମିକାଙ୍କର ଜବରଦସ୍ତ ଫ୍ୟାନ୍ ଫଲୋଇଙ୍ଗ୍ ଅଛନ୍ତି । ନିକଟରେ ସେ ନିଜ ଇନଷ୍ଟାରେ ଗୁଡବାଏ ଫିଲ୍ମ ମେକିଂ ସମୟର ଏକ ଭିଡିଓ ସେୟାର କରିଛନ୍ତି। ଭିଡିଓରେ ଦେଖିବାକୁ ମିଳିଛି ଯେ,ରଶ୍ମିକା ଗୁଡବାଏ ଫିଲ୍ମର କ୍ରିଉ ମେମ୍ବରଙ୍କ ସହ ମନଭରି ଡ୍ୟାନ୍ସ କରୁଛନ୍ତି। 

ତେବେ, ଏ ଗ୍ରୃପ ଡ୍ୟାନ୍ସରେ କୋରିଓଗ୍ରାଫର ଗଣେଶ ଆଚାର୍ଯ୍ୟ ମଧ୍ୟ ରଶ୍ମିକାଙ୍କ ସହ ଗୀତରେ ନାଚୁଥିବା ଦେଖିବାକୁ ମିଳିଛି । ରଶ୍ମିକା ଏକ ବ୍ଲାକ କର୍ଲର ଟି ସାର୍ଟ ପିନ୍ଧିଥିବା ବେଳେ ଏକ ବ୍ଲାକ ହର୍ଟ ପ୍ୟାଣ୍ଟ ପିନ୍ଧି ଥିବା ମଧ୍ୟ ଦେଖିବାକୁ ମିଳିଛି। କ୍ରିଉ ମେମ୍ବରଙ୍କ ସହ ରଶ୍ମିକାଙ୍କ ଏ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ତେବେ, ଏ ଭିଡିଓରେ ଫ୍ୟାନ୍ସଙ୍କ କମେଣ୍ଟ ଓ ଲାଇକ୍ ମଧ୍ୟ ଆସିଛି । ରଶ୍ମିକା ମନ୍ଦନାଙ୍କୁ ଶେଷଥର ପାଇଁ ସୀତାରମଣ (Sita Ramam) ରେ ଦେଖିବାକୁ ମିଳିଥିଲା। ବର୍ତ୍ତମାନ ରଶ୍ମିତାଙ୍କୁ ହାତରେ ଫିଲ୍ମ ଗୁଡବାଏ ବ୍ୟତିତ  ଏକାଧିକ ପ୍ରୋଜେକ୍ଟ ରହିଛି ।  ସେ ମିଶନ୍ ମଞ୍ଚୁ, ପୁଷ୍ପା ୨ ଓ ଆନିମଲ ଫିଲ୍ମରେ ନଜର ଆସିବେ। 

ଏହାବି ପଢନ୍ତୁ : Pathan Dubbing : ପଠାନ୍ ଫିଲ୍ମକୁ ନେଇ ଏମିତି କିଛି କହିଲେ ଦୀପିକା

ମିଶନ ମଞ୍ଚୁରେ ସେ ସିଦ୍ଦାର୍ଥ ମଲହୋତ୍ରାଙ୍କ ସହ ଲିଡ ରୋଲରେ ନଜର ଆସିବାକୁ ଥିବା ବେଳେ ପୁଷ୍ପା ୨ରେ ଅଲୁ ଅର୍ଜୁନଙ୍କ ବିପକ୍ଷରେ ନାୟିକା ସାଜିବେ । ସେହିପରି ଫିଲ୍ମ ଆନିମଲରେ ମଧ୍ୟ ରଣବୀର କପୁରଙ୍କ ସହ ସ୍କ୍ରିନ୍ ସେୟାର କରିବେ ରଶ୍ମିକା । ଗୁଡବାଏ ଫିଲ୍ମଟି ଆସନ୍ତା ମାସରେ ରିଲିଜ୍ ହେବାକୁ ସ୍ଥିର ହୋଇଥିବା ବେଳେ ଫିଲ୍ମର ଗୀତ ଗୁଡିକ ମଧ୍ୟ ଦମଦାର ହୋଇଛି। ଗୁଡବାଏ ଫିଲ୍ମର ଲିଡ ରୋଲରେ ନଜର ଆସିବେ ବିଗ୍ ବି ଅମିତାଭ ବଚ୍ଚନ,ରଶ୍ମିକା ମନ୍ଦନା, ନୀନା ଗୁପ୍ତା,ସୁନୀଲ ଗ୍ରୋଭର ଓ ସିଭିନ୍ ନାରଙ୍ଗ । ଗଡବାଏ ମୁଭିଟି ଆସନ୍ତା ମାସ ୭ତାରିଖରେ ପରଦାକୁ ଆସିବ। 

ରଶ୍ମିକାଙ୍କ ଅଭିନୀତ ଫିଲ୍ମ (Pushpa) ପୁଷ୍ପା ଦ ରାଇଜ୍ ବକ୍ସ ଅଫିସରେ ଜବରଦସ୍ତ ହିଟ୍ କରିଥିଲା । ଫିଲ୍ମର ମୁଖ୍ୟ ଭୂମିକାରେ ରହିଥିଲେ ଅଲୁ ଅର୍ଜୁନ (Allu Arjun) ଓ ଅଭିନେତ୍ରୀ ରଶ୍ମିକା ମନ୍ଦନା । ତେବେ ଏ ଫିଲ୍ମର ଦ୍ବିତୀୟ ଭାଗ (Pushpa: The Rule -Part 2) ର ସୁଟିଂ ମଧ୍ୟ ଆରମ୍ଭ ହୋଇଛି। ଲୋକମାନେ ମଧ୍ୟ ଏହାକୁ ଉତ୍ସାହର ସହିତ ଅପେକ୍ଷା କରିଛନ୍ତି। ତେବେ, ଚଳିତ ବର୍ଷ ଡିସେମ୍ବରରେ ଫିଲ୍ମ ପୁଷ୍ପା ପାର୍ଟ ୨ (Pushpa: The Rule - Part 2) ରିଲିଜ୍ ହେବ ବୋଲି ଚର୍ଚ୍ଚା ହେଉଛି। ତେବେ,  ପୁଷ୍ପା ପାର୍ଟ ଟୁ ମଧ୍ୟ ବକ୍ସ ଅଫିସରେ ହିଟ କରିବ ବୋଲି ଆଶା ରଖିଛନ୍ତି  ଫିଲ୍ମର ଷ୍ଟାର କାଷ୍ଟ ।