EPFO ଦେବାକୁ ଯାଉଛି ଏକ ଖୁସି ଖବର! ଶୀଘ୍ର ଆସିବ ନୂତନ ପେନସନ ସ୍କିମ୍, ଜାଣନ୍ତୁ କିଏ ହେବେ ଉପକୃତ?

ନୂଆଦିଲ୍ଲୀ: EPFO ଏକ ନୂତନ ପେନସନ୍ ସ୍କିମ ଆଣିବାକୁ ଚିନ୍ତା କରୁଛି । ରବିବାର ଦିନ EPFO ​​ଏହି ବିଷୟରେ ସୂଚନା ଦେଇଛି । କହି ରଖୁଛୁ ଯେ ସଂଗଠିତ କ୍ଷେତ୍ରରେ ୧୫,୦୦୦ ରୁ ଅଧିକ ବେତନ ପାଉଥିବା ଲୋକଙ୍କ ପାଇଁ ଏହି ପେନସନ୍ ସ୍କିମ୍ ଆଣିବା ପାଇଁ ଏକ ଯୋଜନା ପ୍ରସ୍ତୁତ କରାଯାଉଛି । ଏହା ବ୍ୟତୀତ କର୍ମଚାରୀଙ୍କ ପେନ୍‌ସନ୍‌ ସ୍କିମ୍‌-୧୫୫ (EPS-95) ଅଧୀନରେ ବାଧ୍ୟତାମୂଳକ ଭାବେ ଅନ୍ତର୍ଭୁକ୍ତ ହୋଇନଥିବା କର୍ମଚାରୀଙ୍କ ପାଇଁ ଏକ ନୂତନ ପେନସନ୍ ସ୍କିମ୍ ଆଣିବାକୁ ମଧ୍ୟ ବିଚାର କରାଯାଉଛି ।

କାହାକୁ ମିଳିବ ଏହାର ଲାଭ?
ବର୍ତ୍ତମାନ, ସଂଗଠିତ କ୍ଷେତ୍ରର ସେହି କର୍ମଚାରୀ ଏହାର ଲାଭ ପାଇପାରିବେ ଯାହାର ବେସିକ ସାଲାରି ୧୫,୦୦୦ ଟଙ୍କାରୁ ଅଧିକ, ସେମାନେ EPS-୯୫ ଅଧୀନରେ ଅନ୍ତର୍ଭୁକ୍ତ । ଏକ ଉତ୍ସ PTI କୁ କହିଛି, ଇପିଏଫଓ ସଦସ୍ୟମାନଙ୍କ ମଧ୍ୟରେ ଅଧିକ ଅବଦାନ ଉପରେ ଅଧିକ ପେନ୍‌ସନ୍‌ ଦାବି କରାଯାଇଛି । ଏହିପରି ଏକ ନୂତନ ପେନସନ୍‌ ସ୍କିମ୍ ସକ୍ରିୟ ଭାବରେ ବିଚାର କରାଯାଉଛି । 

EPFO ର CBT ବୈଠକରେ ନିଆଯାଇପାରେ ନିଷ୍ପତ୍ତି 
ସୂଚନାନୁସାରେ, ମାର୍ଚ୍ଚ ୧୧ ଏବଂ ୧୨ ରେ ଗୁଆହାଟୀରେ ଇପିଏଫ୍ଓର ସର୍ବୋଚ୍ଚ ନିଷ୍ପତ୍ତି ନେଉଥିବା କେନ୍ଦ୍ରୀୟ ଟ୍ରଷ୍ଟି ବୋର୍ଡ (ସିବିଟି) ର ବୈଠକରେ ଏହି ନୂତନ ପେନସନ୍‌ ସ୍କିମ ଉପରେ ପ୍ରସ୍ତାବ ଆସିପାରେ । ବୈଠକରେ ନଭେମ୍ବର, ୨୦୨୧ ରେ ସିବିଟି ଦ୍ୱାରା ଗଠିତ ପେନସନ୍‌ ସମ୍ବନ୍ଧୀୟ ଏକ ଉପ-କମିଟି ମଧ୍ୟ ଏହାର ରିପୋର୍ଟ ଦାଖଲ କରିବ ।

ମାସିକ ପେନସନ୍ ଯୋଗ୍ୟ ମୌଳିକ ଦରମାକୁ ୧୫,୦୦୦ ଟଙ୍କା ପର୍ଯ୍ୟନ୍ତ ସୀମିତ ରଖିବା ପାଇଁ EPFO ​​୨୦୧୪ ରେ ଏହି ଯୋଜନାରେ ସଂଶୋଧନ କରିଥିଲା ​​। ସର୍ଭିସରେ ଯୋଗଦେବା ସମୟରେ ୧୫,୦୦୦ ଟଙ୍କା ସୀମା ପ୍ରଯୁଜ୍ୟ । ସଂଗଠିତ କ୍ଷେତ୍ରରେ ମଜୁରୀ ସଂଶୋଧନ ଏବଂ ମୂଲ୍ୟ ବୃଦ୍ଧି ଯୋଗୁଁ ୧ ସେପ୍ଟେମ୍ବର ୨୦୧୪ ଠାରୁ ଏହା ୬,୫୦୦ ରୁ ଉପର ପର୍ଯ୍ୟନ୍ତ ସଂଶୋଧିତ ହୋଇଥିଲା । ପରେ ମାସିକ ମୌଳିକ ବେତନ ସୀମାକୁ ୨୫,୦୦୦ ଟଙ୍କାକୁ ବୃଦ୍ଧି କରିବାକୁ ଦାବି କରାଯାଇଥିଲା ଏବଂ ଏହା ଉପରେ ଆଲୋଚନା କରାଯାଇଥିଲା, କିନ୍ତୁ ପ୍ରସ୍ତାବ ଅନୁମୋଦନ ହୋଇପାରି ନଥିଲା ।

୫୦ ଲକ୍ଷରୁ ଅଧିକ କର୍ମଚାରୀ EPS-୯୫ ଅଧୀନରେ ଆସିପାରନ୍ତି 
ଶିଳ୍ପ ଆକଳନ ଅନୁଯାୟୀ, ସଂଗଠିତ କ୍ଷେତ୍ରର ୫୦ ଲକ୍ଷ ଅଧିକ କର୍ମଚାରୀ ପେନ୍‌ସନ୍‌ ଯୋଗ୍ୟ ବେତନ ବୃଦ୍ଧି କରି EPS-୯୫ ଆଭିମୁଖ୍ୟରେ ଆସିପାରନ୍ତି ।