ସାଙ୍ଘାତିକ ହୋଇପାରେ `WFH`, ଜାଣନ୍ତୁ ଘରୁ କାମ କରିବାର ସାଇଡ୍ ଇଫେକ୍ଟ

ନୂଆଦିଲ୍ଲୀ: କୋରୋନା ଯୋଗୁଁ ଆମ ଜୀବନ ସଂପୂର୍ଣ୍ଣ ବଦଳି ଯାଇଛି। ଆମ ଜୀବନଶୈଳୀରେ ମଧ୍ୟ ଅନେକ ପରିବର୍ତ୍ତନ ଆସିଛି। କୋରୋନା ହେତୁ ଅଧିକାଂଶ ଲୋକ ଘରୁ କାମ କରିବାକୁ ପସନ୍ଦ କରୁଛନ୍ତି। ଅଧିକାଂଶ କମ୍ପାନୀ ନିରାପତ୍ତା ପାଇଁ ୱାର୍କ ଫର୍ମ ହୋମ୍ (WFH) ମଧ୍ୟ ଦେଉଛନ୍ତି। ଯଦିଓ ଏହା ଏକ ବହୁତ ଭଲ ବିକଳ୍ପ, କିନ୍ତୁ WFH ସେଟଅପର ଅନେକ ସୁବିଧା ଏବଂ ଅସୁବିଧା ଅଛି। ଏହାର ଅନେକ କୁପ୍ରଭାବ ମଧ୍ୟ ଦେଖାଯାଇଛି।

ଜର୍ଣ୍ଣାଲ୍ ଅଫ୍ ଆପ୍ଲାଏଡ୍ ସାଇକୋଲୋଜିରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ, ଭିଡିଓ କନଫରେନ୍ସ ବ୍ୟବହାରରେ ଉଲ୍ଲେଖନୀୟ ବୃଦ୍ଧି ଘଟିଛି। ଯାହା ଆମର ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଉପରେ ଏକ ବଡ ପ୍ରଭାବ ପକାଇଛି। WFH ହେତୁ ଲୋକମାନେ ଅଧିକ କ୍ଲାନ୍ତ ଏବଂ ଚାପଗ୍ରସ୍ତ ହେଉଛନ୍ତି। ଭିଡିଓ ଏବଂ ଅଡିଓ ମିଟିଂ, ଅଫିସ୍ କାର୍ଯ୍ୟ ଶେଷ କରିବା ପାଇଁ କ୍ରମାଗତ ଭାବରେ ଅନଲାଇନ୍ ରହିବାର ଆବଶ୍ୟକତା, ସମସ୍ତଙ୍କ ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ।

ଅଫିସରେ କାମ କରିବା ଏକ ଭିନ୍ନ ଅନୁଭୂତି ଦେଇଥାଏ। କର୍ମକ୍ଷେତ୍ର ଏକ ଭିନ୍ନ ଉର୍ଜା ଏବଂ ପ୍ରେରଣା ଦେଇଥାଏ, ଯାହା ଉତ୍ପାଦକତା ବୃଦ୍ଧି କରିଥାଏ। ଅନ୍ୟପଟେ ଘରୁ କାମ କରିବା ସାଂଘାତିକ ହୋଇପାରେ। ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ମଧ୍ୟରେ ପାର୍ଥକ୍ୟ ଅଦୃଶ୍ୟ ହୋଇଯାଇଛି। ଅଫିସ୍ କାର୍ଯ୍ୟ ସମାପ୍ତ କରିବା ପରେ କିମ୍ବା ସାଙ୍ଗମାନଙ୍କୁ ଭେଟିବା ପରେ ଘରକୁ ଫେରିବାବେଳେ ଆମେ ଅଫିସର ଚାପକୁ ଭୁଲିଯାଉ। କିନ୍ତୁ ସଂକ୍ରମଣର ଭୟ ଯୋଗୁଁ ଏବେ ଲୋକମାନେ ନିଜ ଘରୁ ବାହାରକୁ ଆସିପାରୁ ନାହାନ୍ତି।

ଘରୁ କାମ କରିବା ପାଇଁ ଅନେକ ଲୋକଙ୍କର ଆରାମଦାୟକ ଜୋନ୍ ନାହିଁ। ଏକ ସ୍ଥାନ ଯେଉଁଠାରେ ସେ ଗୋପନୀୟତା ସହିତ ଏକ ଅଲଗା କୋଠରୀରେ କାମ କରିପାରିବେ। ଅଫିସ୍ କାମ ସହିତ ଘର କାମ କରିବା ଟେନସନ ଏବଂ ଅସ୍ଥିରତା ବଢାଇଥାଏ। ଯଦି ଆମେ ଘରୁ କାମ କରୁ, ଖାଦ୍ୟ ଗ୍ରହଣ କରିବାର କୌଣସି ସମୟ ନଥାଏ। ଏହା ଓଜନ ମଧ୍ୟ ବଢାଇଥାଏ। ଘରୁ କାମ କରିବା ନିଶ୍ଚିତ ଭାବରେ ଆରାମଦାୟକ, କିନ୍ତୁ ଏହାର ଅନେକ 
ସାଇଡ ଇଫେକ୍ଟ ଅଛି।