Kartik Purnima 2024: କାର୍ତ୍ତିକ ପୂର୍ଣ୍ଣିମାରେ ପଡୁଛି ତିନି ଶୁଭଯୋଗ, ଫିଟିବ ଏହିସବୁ ରାଶିଙ୍କ ଭାଗ୍ୟ, ବଢିବ ବ୍ୟାଙ୍କ୍ ବାଲାନ୍ସ!
Kartik Purnima 2024: ପ୍ରତ୍ୟକ ବର୍ଷ କାର୍ତ୍ତିକ ମାସ ଶୁକ୍ଲ ପକ୍ଷର ପୂର୍ଣ୍ଣିମାକୁ କାର୍ତ୍ତିକ ପୂର୍ଣ୍ଣିମା ଭାବେ ପାଳନ କରାଯାଏ। ଚଳିତ ମାସ ୧୫ ତାରିଖ (ଶୁକ୍ରବାର) ରେ କାର୍ତ୍ତିକ ପୂର୍ଣ୍ଣିମା ପାଳନ କରାଯିବ। ହିନ୍ଦୁ ଧର୍ମଶାସ୍ତ୍ରରେ ଏ-ହି ଦିନର ମହତ୍ତ୍ବ ବେଶ୍ ଅଧିକ ରହିଛି। ତେବେ, ଦିର୍ଘ ୩୦ ବର୍ଷ ପରେ ଏହି ଦିନ ଦେବ ଦୀପାବଳିର ଶୁଭଯୋଗ ,ବୁଦ୍ଧାଦିତ୍ୟ ରାଜଯୋଗ ସହ ଶଶ ରାଜଯୋଗ ସୃଷ୍ଟି ହେଉଛି। ତିନି ଯୋଗର ଶୁଭ ପ୍ରଭାବ କିଛି ରାଶିଙ୍କ ପାଇଁ ବରଦାନ ପାଲଟିବ। ତେବେ, ଆସନ୍ତୁ ଜାଣିବା କାର୍ତ୍ତିକ ପୂର୍ଣ୍ଣିମା ଦିନ ଠାରୁ କେଉଁ ରାଶିର ଭାଗ୍ୟ ଚମକିବାକୁ ଯାଇଛି...
ମେଷ: କାର୍ତ୍ତିକ ପୂର୍ଣ୍ଣିମାରେ ତିନି ଶୁଭଯୋଗ ଏହି ରାଶିର ବ୍ୟକ୍ତିଙ୍କୁ ଧନବାନ୍ କରିବ। ପ୍ରତ୍ୟକ କାର୍ଯ୍ୟରେ ଆସୁଥିବା ବାଧାବିଘ୍ନ ଦୂର ହୋଇଯିବ। ଆର୍ଥିକ ସ୍ଥିତି ପୂର୍ବ ଅପେକ୍ଷା ଭଲ ହେବ। କର୍ମକ୍ଷେତ୍ରରେ କୌଣସି ପ୍ରକାର ଖୁସି ଖବର ମିଳିବ। ପଦୋନ୍ନତି ହେବା ସହ ଦରମା ବଢିବ। ବ୍ୟାଙ୍କ୍ ବାଲାନ୍ସ ବୃଦ୍ଧି ପାଇବ। ବ୍ୟବସାୟୀମାନେ ନୂତନ ବ୍ୟବସାୟ ଆରମ୍ଭ କରିବେ। ବାଣିଜ୍ୟ ବ୍ୟବସାୟରେ ଅଧିକ ଲାଭ ମିଳିବ। ପରିବାରରେ ହସ-ଖୁସିର ମାହୋଲ୍ ଦେଖିବାକୁ ମିଳିବ। ପ୍ରେମ ସମ୍ପର୍କ ଅଧିକ ମଜବୁତ୍ ହେବ। ସାଥୀଙ୍କ ସହ ଦୂରଯାତ୍ରା କରିବେ। ସ୍ବାସ୍ଥ୍ୟରେ ଉନ୍ନତି ହେବ।
କର୍କଟ: କାର୍ତ୍ତିକ ପୂର୍ଣ୍ଣିମାରୁ ଚମକିବ ଏହିସବୁ ରାଶିଙ୍କ ଭାଗ୍ୟ। ଏହି ଅବଧି ମଧ୍ୟରେ ଦିର୍ଘ ଦିନର ଆଶା ପୂରଣ ହେବ। ଯେଉଁମାନେ ଚାକିରି ବଦଳାଇବାକୁ ଚେଷ୍ଟା କରୁଛନ୍ତି। ସେମାନଙ୍କ ଆଶା ପୂରଣ ହେବ। କର୍ମକ୍ଷେତ୍ରରେ ବଡ଼ ଦାୟିତ୍ବ ମିଳିବ। ବ୍ୟବସାୟୀମାନେ ଆଶା କରୁଥିବା ଦିଗରୁ ଅର୍ଥପ୍ରାପ୍ତି କରିବେ। ବିଦେଶରେ ବ୍ୟବସାୟ ଆରମ୍ଭ କରିବା ପାଇଁ ସମୟ ଶୁଭ ରହିବ। ଘରେ ଶାନ୍ତିର ବାତାବରଣ ରହିବ। ଛାତ୍ରଛାତ୍ରୀମାନେ କଠିନ ପରିଶ୍ରମର ଫଳ ପାଇବେ। ପ୍ରେମୀମାନଙ୍କ ଲାଗି ସମୟ ଶୁଭ ରହିବ। ଅବିବାହିତମାନଙ୍କ ପାଇଁ ଘରକୁ ବିବାହ ପ୍ରସ୍ତାବ ଆସିବ।
ଧନୁ: କାର୍ତ୍ତିକ ପୂର୍ଣ୍ଣିମାରେ ପଡୁଥିବା ୩ ଶୁଭଯୋଗ ଏହି ରାଶି ପାଇଁ ବେଶ୍ ଫଳଦାୟୀ ରହିବ। ଉଭୟ ବ୍ୟବସାୟୀ ଓ ଚାକିରିଆ ଲାଭବାନ୍ ହେବେ। ଯେଉଁମାନେ ରିୟଲି-ଇଷ୍ଟେଟ୍-କ୍ଷେତ୍ରରେ ଜଡିତ ସେମାନେ ନୂଆ ପ୍ରୋଜେକ୍ଟ ପାଇବେ। ଯେଉଁଥିରୁ ପ୍ରଚୁର ଲାଭ ପାଇବେ। ଧାର-କରଜ କରି ଥିବା ବ୍ୟବସାୟୀ ଋଣ ପରିଶୋଧ କରିବେ ସଫଳ ହେବେ। ରାଜନୈତିକ, ଶିକ୍ଷା, କଳା ଓ ସାମ୍ବାଦିକତା କ୍ଷେତ୍ରରେ କାର୍ଯ୍ୟକରୁଥିବା ଲୋକଙ୍କ ପାଇଁ ସମୟ ଅନୁକୂଳ ରହିବ। ପଦୋନ୍ନତି ହେବା ସହ ଆୟ ବଢିବ। ସ୍ବାସ୍ଥ୍ୟ ଜନିତ ପୀଡା ଦେଖାଦେବ। ତେଣୁ ସ୍ବାସ୍ଥ୍ୟର ଯତ୍ନ ନିଅନ୍ତୁ,ନଚେତ୍ ମେଡିକାଲ୍ ଖର୍ଚ୍ଚ ବୃଦ୍ଧି ପାଇବ। ଦାମ୍ପତ୍ୟ ଜୀବନ ସୁଖମୟ ହେବ।
ମକର: କାର୍ତ୍ତିକ ପୂର୍ଣ୍ଣିମାରୁ ଏହି ରାଶିର ଶୁଭ ଦିନ ଆରମ୍ଭ ହେବାକୁ ଯାଉଛି। ଦିର୍ଘ ଦିନର ଆଶା ପୂରଣ ହେବେ। ଏହି ଅବଧି ମଧ୍ୟରେ ନୂତନ ଜମି କିମ୍ବା ଘର କିଣିବେ। କର୍ମକ୍ଷେତ୍ରରେ କର୍ମଚାରୀମାନେ ବରିଷ୍ଠ ଅଧିକାରୀଙ୍କ ଠାରୁ ସମ୍ମାନୀତ ହେବା ସହ କାର୍ଯ୍ୟ ଭାର କମ୍ ରହିବ। ବ୍ୟବସାୟୀମାନେ ଲାଭବାନ୍ ହେବେ। ଯେଉଁ ଛାତ୍ରଛାତ୍ରୀମାନେ କମ୍ପିଟେଟିଭ୍ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି, ସେମାନେ ଭଲ ରେଜଲ୍ଟ କରିବେ। କଳାକାଳରମାନେ କୌଣସି ସଭା ସମିତିରେ ସମ୍ମାନୀତ ହେବା ସହ ଭଲ ଫିଲ୍ମ କିମ୍ବା ସିରିଏଲ୍ ଅଫର ପାଇବେ। ସମାଜରେ ମାନ-ସମ୍ମାନ ବୃଦ୍ଧି ପାଇବ।
କୁମ୍ଭ: କାର୍ତ୍ତିକ ପୂର୍ଣ୍ଣିମା ଠାରୁ ଉଦୟ ହେବ ଏହି ରାଶିର ଭାଗ୍ୟ। ଦିର୍ଘ ଦିନ ଧରି କୋର୍ଟ କଚେରୀରେ ଚାଲିଥିବା ମାମଲାର ରାୟ ଆପଣଙ୍କ ସପକ୍ଷରେ ଯିବ। ସେୟାର ମାର୍କେଟ୍ ଓ ପୁରୁଣା ବିନିଯୋଗରୁ ଲାଭ ପାଇବେ। ଏହି ସମୟରେ ପୁଞ୍ଜି ବିନିଯୋଗ କଲେ, ଭଲ ରିଟର୍ଣ୍ଣ ପାଇବେ। ଧାର୍ମିକ କାର୍ଯ୍ୟକଳାପ ପ୍ରତି ମନ ବଳିବ। ଦିର୍ଘ ଦିନ ହେବ ଚାକିରି ଖୋଜୁଥିବା ଲୋକଙ୍କୁ ଚାକିରି ମିଳିବ। ପରିବାର ଲୋକେ ସମସ୍ତ କାର୍ଯ୍ୟରେ ସହଯୋଗ କରିବେ। ବିଦେଶ ଯିବାର ଯୋଗ ରହିଛି। ଋତୁ ପରିବର୍ତ୍ତନ ହେତୁ, ସ୍ବାସ୍ଥ୍ୟ ଜନିତ ସମସ୍ୟା ଦେଖାଦେବ।
(Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)