Rohit Sharma: ରୋହିତ ନୁହଁ ଚାମ୍ପିଅନ୍ସ ଟ୍ରଫିରେ ଅଧିନାୟକ ଭାବେ ନଜର ଆସିପାରନ୍ତି ଏହି ଖେଳାଳି?

Rohit Sharma: ରୋହିତ ଶର୍ମା ଚାମ୍ପିଅନ୍ସ ଟ୍ରଫି ଏବଂ ଏହା ପୂର୍ବରୁ ହେବାକୁ ଥିବା ଇଂଲଣ୍ଡ ବିପକ୍ଷ ODI ସିରିଜରେ ଅଧିନାୟକ ରହିବେ ନା ଆସନ୍ତା କିଛି ଦିନ ମଧ୍ୟରେ ବିସିସିଆଇ ଏଥିରେ ପରିବର୍ତ୍ତନ କରିବ। ଏହା ବର୍ତ୍ତମାନ ସବୁଠାରୁ ବଡ ପ୍ରଶ୍ନବାଚୀ।

Rohit Sharma ODI Captain: ଭାରତୀୟ କ୍ରିକେଟ୍ ଦଳର ଅଷ୍ଟ୍ରେଲିଆ ଗସ୍ତ ଶେଷ ହେବାକୁ ଯାଉଛି। ବର୍ତ୍ତମାନ ଶେଷ ମ୍ୟାଚ୍ ଫଳାଫଳ ଯାହା ବି ହେଉ କିନ୍ତୁ ଏହା ମଝିରେ ରୋହିତ ଶର୍ମା ଖବରର କେନ୍ଦ୍ର ବିନ୍ଦୁ ପାଲଟିଛନ୍ତି। ରୋହିତକୁ ଶେଷ ଟେଷ୍ଟର ପ୍ଲେଇଂ ଇଲେଭେନରୁ ବାଦ ଦିଆଯାଇଛି। କିଛି ରିପୋର୍ଟ ଅନୁସାରେ ରୋହିତ ଶର୍ମା ନିଜେ ଏହି ମ୍ୟାଚରୁ ଓହରି ଯାଇଛନ୍ତି ତଥାପି ଏହା ମଧ୍ୟ ଟିମ୍ ଇଣ୍ଡିଆ ପାଇଁ ଏକ ଭଲ ସଙ୍କେତ ନୁହେଁ। ଏଭଳି ପରିସ୍ଥିତିରେ ସବୁଠାରୁ ବଡ ପ୍ରଶ୍ନ ହେଉଛି ରୋହିତ ଶର୍ମା ଇଂଲଣ୍ଡ ବିପକ୍ଷ ODI ସିରିଜ ଏବଂ ପରବର୍ତ୍ତୀ ଆଇସିସି ଚାମ୍ପିଅନ୍ସ ଟ୍ରଫିରେ ଅଧିନାୟକ ଦାୟିତ୍ୱରେ ନଜର ଆସିବେ କି ନାହିଁ। କିମ୍ବା ଏହି ବଡ ଟୁର୍ଣ୍ଣାମେଣ୍ଟରେ କମାଣ୍ଡ ଅନ୍ୟ କେଉଁ ଖେଳାଳିଙ୍କୁ ଦିଆଯିବ।

ଚାମ୍ପିଅନ୍ସ ଟ୍ରଫି ୨୦୨୫ ଫେବୃଆରୀ ୧୯ ରେ ଆରମ୍ଭ ହେବ ଏବଂ ଟିମ୍ ଇଣ୍ଡିଆ ଫେବ୍ରୁଆରୀରେ ବାଂଲାଦେଶ ବିପକ୍ଷରେ ନିଜର ପ୍ରଥମ ମ୍ୟାଚ୍ ଖେଳିବ। ଏହା ପରେ ଫେବ୍ରୁଆରୀ ୨୩ ରେ ଏକ କଡ଼ା ପ୍ରତିଯୋଗିତା ଅନୁଷ୍ଠିତ ହେବ। ଏହାର ଅର୍ଥ ଭାରତ ଏବଂ ପାକିସ୍ତାନ ମୁହାଁମୁହିଁ ହେବେ। ଯଦିଓ ଟୁର୍ଣ୍ଣାମେଣ୍ଟରେ ପାଇଁ ବର୍ତ୍ତମାନ ସମୟ ଅଛି ତଥାପି ସମସ୍ତ ଅଂଶଗ୍ରହଣକାରୀ ଦଳକୁ ନିଶ୍ଚିତ ଭାବରେ ପୂର୍ବରୁ ଆଇସିସି ଟୁର୍ଣ୍ଣାମେଣ୍ଟ ପାଇଁ ନିଜ ଦଳ ଘୋଷଣା କରିବାକୁ ପଡିବ। ବର୍ତ୍ତମାନ ଆସିଥିବା ସୂଚନାରୁ ଜଣା ପଡିଛି ଯେ ସମସ୍ତ ଦଳକୁ ୧୨ ଜାନୁଆରୀ ସୁଦ୍ଧା ନିଜ ନିଜର ସ୍କ୍ୱାଡ୍ ଘୋଷଣା କରିବାକୁ ପଡିବ। ଏହା ପାଇଁ ଅଧିକ ସମୟ ବାକି ନାହିଁ। ଚାମ୍ପିଅନ୍ସ ଟ୍ରଫି ପୂର୍ବରୁ ଭାରତ ଇଂଲଣ୍ଡ ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ଖେଳିବ। ଚାମ୍ପିଅନ୍ସ ଟ୍ରଫି ୨୦୨୫ ଓ ଇଂଲଣ୍ଡ ସିରିଜ ପାଇଁ ଭାରତୀୟ ଦଳ ଏକା ସାଙ୍ଗରେ ଦଳ ଘୋଷଣା କରିବ ବୋଲି କୁହାଯାଉଛି।

ଅଷ୍ଟ୍ରେଲିଆ ବିପକ୍ଷ ଶେଷ ଟେଷ୍ଟରେ ରୋହିତ ଶର୍ମା ଯେଉଁଭଳି ଭାବେ ଅଧିନାୟକ ନୁହଁନ୍ତି ସେହିପରି ଚାମ୍ପିଅନ୍ସ ଟ୍ରଫିରେ ଅଧିନାୟକ ଭାବେ ନଜର ଆସିବେ କି ନାହିଁ ଏପରି ଏକ ପ୍ରଶ୍ନ ସମସ୍ତଙ୍କୁ ଚିନ୍ତାରେ ପକାଇଛି। କହିରଖୁଛୁ ଯେ ତାଙ୍କୁ ଏପର୍ଯ୍ୟନ୍ତ ଟେଷ୍ଟ ଅଧିନାୟକ ଭାବରେ ହଟାଯାଇ ନାହିଁ ଏବଂ ବିସିସିଆଇ ପକ୍ଷରୁ ଏ ସମ୍ପର୍କରେ କୌଣସି ବୟାନ ଆସିନାହିଁ। କିନ୍ତୁ ଯାହା ଘଟୁଛି ତାହା ଚିନ୍ତାର କାରଣ। ଯଦି ରୋହିତ ଶର୍ମା ODI ଅଧିନାୟକ ରୁହନ୍ତି ତେବେ ଏହା ଭିନ୍ନ ବିଷୟ। କିନ୍ତୁ ଯଦି ତାଙ୍କୁ ଏହି ଫର୍ମାଟରୁ ବାଦ ଦିଆଯାଏ ତେବେ ପରବର୍ତ୍ତୀ ଅଧିନାୟକ କିଏ ହେବେ? ଏପରି ହେବା ପରି ମନେ ହେଉନାହିଁ କିନ୍ତୁ ହାର୍ଦ୍ଦିକ ପାଣ୍ଡ୍ୟା ତାଙ୍କୁ ODI ଅଧିନାୟକ ଭାବରେ ବଦଳାଇ ପାରନ୍ତି। ଟେଷ୍ଟ ବ୍ୟତୀତ ହାର୍ଦ୍ଦିକ ପାଣ୍ଡ୍ୟା ଅନ୍ୟ ଦୁଇଟି ଫର୍ମାଟ୍ ଖେଳନ୍ତି। ସୂର୍ଯ୍ୟକୁମାର ଯାଦବ ଟି-୨୦ ଅଧିନାୟକ କିନ୍ତୁ ସେ ଏପର୍ଯ୍ୟନ୍ତ ODI ରେ ନିଜର ସ୍ଥାନ ପକ୍କା କରିପାରି ନାହାଁନ୍ତି।

ଅଷ୍ଟ୍ରେଲିଆ ସିରିଜ୍ ପରେ ଟିମ୍ ଇଣ୍ଡିଆ ପ୍ରଥମେ ଇଂଲଣ୍ଡ ବିପକ୍ଷରେ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ ଏବଂ ପରେ ତିନୋଟି ODI ଖେଳିବ। ଯାହା ଚାମ୍ପିଅନ୍ସ ଟ୍ରଫି ପାଇଁ ପ୍ରସ୍ତୁତି ଦୃଷ୍ଟିକୋଣରୁ ଅଧିକ ଗୁରୁତ୍ୱପୂର୍ଣ୍ଣ ହେବ। ୨୦୨୪ ମସିହାରେ ଭାରତ ମୋଟ ତିନୋଟି ODI ଖେଳିଛି ଏବଂ ସେଥିରେ ହାରିଛି। ଚାମ୍ପିଅନ୍ସ ଟ୍ରଫି ଏବଂ ରୋହିତ ଶର୍ମାଙ୍କ ବିଷୟରେ ଭବିଷ୍ୟତରେ ବିସିସିଆଇ କ’ଣ ନିଷ୍ପତ୍ତି ନେଉଛି ତାହା ଦେଖିବାକୁ ବାକି ରହିଲା।