ମୁମ୍ବାଇ: ବଲିଉଡ଼ ଅଭିନେତ୍ରୀ ରିୟା ଚକ୍ରବର୍ତ୍ତି (Rhea Chakraborty) ଜେଲରୁ ଫେରିବା ପରେ ଧୀରେ ଧୀରେ ସ୍ୱାଭାବିକ ହେଉଛନ୍ତି । ଗତବର୍ଷ ଅଭିନେତା ସୁଶାନ୍ତ ସିଂହ ରାଜପୁତଙ୍କ (Sushant Singh Rajput) ମୃତ୍ୟୁ ପରେ ବିବାଦରେ ଫଶି ଯାଇଥିଲେ ରିୟା । ରିୟା (Rhea Chakraborty) ଓ ତାଙ୍କ ପରିବାର ଉପରେ ଏକାଧିକ ଅଭିଯୋଗ ହୋଇଥିଲା । ସୁଶାନ୍ତଙ୍କ (Sushant Singh Rajput) ମୃତ୍ୟୁ ପାଇଁ ରିୟାଙ୍କୁ ଦୋଷୀ ବୋଲି ଦାବି କରାଯାଉଥିଲା । ଏପରିକି ନିଶା କାରବାର ଅଭିଯୋଗରେ ରିୟା ଓ ତାଙ୍କ ଭାଇ ସୌଭିକ ଚକ୍ରବର୍ତ୍ତି ଗିରଫ ମଧ୍ୟ ହୋଇଥିଲେ । 


COMMERCIAL BREAK
SCROLL TO CONTINUE READING


ଅଧିକ ପଢନ୍ତୁ: ପେନସନଭୋଗୀଙ୍କ ଟେନସନ୍ Zero


ତେବେ କିଛି ଦିନ ପୂର୍ବରୁ ଉଭୟ ରିୟା (Rhea Chakraborty) ଓ ସୌଭିକ (Souvik Chakraborty) ଜେଲରୁ ମୁକୁଳିଛନ୍ତି । ଜେଲରୁ ବାହାରିବା ପରେ ଉଭୟ ଭାଇ ଓ ଭଉଣୀ ସ୍ୱାଭାବିକ ଜୀବନ ଅତିବାହିତ କରିବାକୁ ପ୍ରୟାସ କରୁଥିବା ଦେଖିବାକୁ ମିଳିଛି । ନିକଟରେ ରିୟା ଓ ତାଙ୍କ ଭାଇ ସୌଭିକ ଚକ୍ରବର୍ତ୍ତି ଜିମରୁ ଫେରୁଥିବା ଦେଖିବାକୁ ମିଳିଛି । ଏହି ସମୟରେ ରିୟା ପିଙ୍କ ରଙ୍ଗର ଏକ ଟପ ଓ କଳା ରଙ୍ଗର ଲେଗିନ ପିନ୍ଧିଥିବା ଦେଖିବାକୁ ମିଳିଥିଲା । ସେହିପରି ତାଙ୍କ ଭାଇ ସୌଭିକ କଳା ରଙ୍ଗର ଟିସାର୍ଟ ଓ ହାପ ପ୍ୟାଣ୍ଟରେ ନଜର ଆସିଥିଲେ । 


ଅଧିକ ପଢନ୍ତୁ: କଙ୍ଗନାଙ୍କୁ ହତ୍ୟା କରିବାକୁ ଚାହୁଁଛନ୍ତି ଦିଲଜିତ୍!


ସୋସିଆଲ ମିଡିଆରେ ରିୟା ଏବଂ ଶୋଭିକଙ୍କ କିଛି ଚିତ୍ର ଏବଂ ଭିଡିଓ ଭାଇରାଲ ହେଉଛି। ମୁଁ ଆପଣଙ୍କୁ କହିବି ଯେ ରିୟା ଜିମ୍ ଛାଡି ଯାଉଥିଲେ, ଯେଉଁଠାରେ ସେ ପୂର୍ବରୁ ସୁଶାନ୍ତଙ୍କ ସହ ଅନେକ ଥର ନଜର ଆସିଥିଲେ। ଏଠାରେ କହି ରଖୁଛୁ ଯେ, ସୁଶାନ୍ତ ଏବଂ ରିୟା ଦୀର୍ଘ ଦିନ ଧରି ଲିଭ ଇନ ରିଲେସନସିପରେ ରହିଥିଲେ । ତଥାପି ଉଭୟଙ୍କ ସମ୍ପର୍କକୁ ନେଇ କେବେ ମୁହଁ ଖୋଲିନଥିଲେ । ତେବେ ସୁଶାନ୍ତଙ୍କ ମୃତ୍ୟୁର ଏକ ମାସ ପରେ ରିୟା ସୋସିଆଲ ମିଡ଼ିଆରେ ନିଜ ସମ୍ପର୍କକୁ ନେଇ ମତ ରଖିଥିଲେ । 


ଅଧିକ ପଢନ୍ତୁ: ଜୀବନ ନେଲା ଦୁଇ ବୁନ୍ଦା!


ଶୁଣିବାକୁ ମିଳେ କି ଗତବର୍ଷ ନଭେମ୍ବର ମାସରେ ଉଭୟ ପରସ୍ପରକୁ ବିବାହ କରିଥାନ୍ତେ । କେବଳ ଏତିକି ନୁହେଁ, ଉଭୟେ ଏକ ନୂଆ ଘର ମଧ୍ୟ ଖୋଜୁଥିବା ସେହି ସମୟରେ ଚର୍ଚ୍ଚା ହେଉଥିଲା । କିନ୍ତୁ ଏହା ପୂର୍ବରୁ ଗତବର୍ଷ ଜୁନ ୧୪ରେ ସୁଶାନ୍ତଙ୍କ ମୃତ୍ୟୁ ହୋଇଯାଇଥିଲା। ସେତେବେଳେ କେହି ଏହାକୁ ହତ୍ୟା ବୋଲି ମଧ୍ୟ ଦାବି କରିଥିଲେ ।