ନୂଆଦିଲ୍ଲୀ: LPG Subsidy: ଏଲପିଜି ସିଲିଣ୍ଡର (LPG Cylinder) ସବସିଡିକୁ ନେଇ ଗ୍ରାହକଙ୍କୁ ବଡ଼ ଖବର ମିଳିପାରେ । ଋଷ-ୟୁକ୍ରେନ ଯୁଦ୍ଧ (Russia-Ukraine War) ମଧ୍ୟରେ ଅଶୋଧିତ ତୈଳର ମୂଲ୍ୟ (Crude Oil Price) ବୃଦ୍ଧି ପାଇଛି । ଏହି ସମୟରେ ଚର୍ଚ୍ଚା ଜୋର ଧରିଛି ଯେ ଏଲପିଜି ସିଲିଣ୍ଡରର ମୂଲ୍ୟ (LPG Gas Cylinder Price) ୧୦୦୦ ଟଙ୍କା ପର୍ଯ୍ୟନ୍ତ ପହଞ୍ଚିବ ।


COMMERCIAL BREAK
SCROLL TO CONTINUE READING

ଚଳିତ ମାସରେ ଘରୋଇ ଏଲପିଜି ଗ୍ୟାସର ମୂଲ୍ୟ ବୃଦ୍ଧି ପାଇଛି । କିନ୍ତୁ ସରକାରଙ୍କ ଆଭ୍ୟନ୍ତରୀଣ ମୂଲ୍ୟାଙ୍କନ ସୂଚାଇ ଦେଉଛି ଯେ, ସିଲିଣ୍ଡର ପାଇଁ ଗ୍ରାହକ ୧୦୦୦ ଟଙ୍କା ପର୍ଯ୍ୟନ୍ତ ଦେବାକୁ ପ୍ରସ୍ତୁତ ଅଛନ୍ତି । ସୂଚନାନୁସାରେ, ସରକାର ଦୁଇଟି ଉପାୟରେ ଏଲପିଜି ସିଲିଣ୍ଡର ଉପରେ ନିଷ୍ପତ୍ତି ନେଇପାରନ୍ତି । ପ୍ରଥମେ ସରକାର ସବସିଡି ବିନା ସିଲିଣ୍ଡର ଯୋଗାଇବା ଉଚିତ୍ । ଦ୍ୱିତୀୟତଃ, କେତେକ ମନୋନୀତ ଗ୍ରାହକଙ୍କୁ ମଧ୍ୟ ସବସିଡିର ସୁବିଧା ଦିଆଯିବା ଉଚିତ୍ ।


ଘରୋଇ ଗ୍ୟାସ ସିଲିଣ୍ଡରରେ ସବସିଡି ଦେବା ନେଇ ସରକାର ଏପର୍ଯ୍ୟନ୍ତ କିଛି ସ୍ପଷ୍ଟ କରିନାହାଁନ୍ତି । କିନ୍ତୁ ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ୧୦ ଲକ୍ଷ ଆୟର ନିୟମ ବଳବତ୍ତର ରହିବ ଓ ଉଜ୍ଜ୍ୱଳା ଯୋଜନାର ହିତାଧିକାରୀମାନେ ସବସିଡି ଲାଭ ପାଇବେ । ଏପରି ଯଦି ହୁଏ ତେବେ ଖୁବଶୀଘ୍ର ଆଉ ବଳକା ଖାଉଟିଙ୍କ ଗ୍ୟାସ ସିଲିଣ୍ଡର ସବସିଡି ଶେଷ ହୋଇଯିବ ।


ଗତ କିଛି ମାସ ଧରି LPG ଉପରେ ସବସିଡି କିଛି ସ୍ଥାନରେ ବନ୍ଦ ହୋଇଯାଇଛି । ଅଧିକାଂଶ ଖାଉଟିଙ୍କ ଖାତାକୁ ସବସିଡି କେବଳ ନାମକୁ ମାତ୍ର ଯାଉ । ଏହି ନିୟମ ୨୦୨୦ ମସିହା ମେ' ମାସରୁ ଚାଲିଛି । ଅନ୍ତର୍ଜାତୀୟ ବଜାରରେ କୋରୋନା ମହାମାରୀ ସମୟରେ ଅଶୋଧିତ ତୈଳ ଓ ଗ୍ୟାସର ମୂଲ୍ୟ କ୍ରମାଗତ ଭାବେ ହ୍ରାସ ପାଇବା ପରେ ହିଁ ଏହି ପଦକ୍ଷେପ ନିଆଯାଇଛି । ତେବେ ଏ ପର୍ଯ୍ୟନ୍ତ ସରକାର ଏଲପିଜି ସିଲିଣ୍ଡର ଉପରେ ସବସିଡି ସମ୍ପୂର୍ଣ୍ଣ ବନ୍ଦ କରି ନାହାଁନ୍ତି ।


ସବସିଡି ଉପରେ ସରକାରଙ୍କ ଖର୍ଚ୍ଚ ୨୦୨୧ ଆର୍ଥିକ ବର୍ଷରେ ୩,୫୫୯ କୋଟି ଟଙ୍କା ଥିଲା । ୨୦୨୦ ଆର୍ଥିକ ବର୍ଷରେ ଏହି ଖର୍ଚ୍ଚ ୨୪,୪୬୮ କୋଟି ଟଙ୍କା ଥିଲା । ପ୍ରକୃତରେ ଏହା DBT ସ୍କିମ୍ ଅଧୀନରେ ଅଛି, ଯାହା ଜାନୁଆରୀ ୨୦୧୫ରେ ଆରମ୍ଭ ହୋଇଥିଲା । ଯାହା ଅଧୀନରେ ଗ୍ରାହକଙ୍କୁ ସବସିଡିଯୁକ୍ତ LPG ସିଲିଣ୍ଡର ପାଇଁ ସମ୍ପୂର୍ଣ୍ଣ ରାଶି ଦେବାକୁ ପଡିବ । ଏଥି ସହିତ ସବସିଡି ଟଙ୍କା ସରକାରଙ୍କ ତରଫରୁ ଗ୍ରାହକଙ୍କ ବ୍ୟାଙ୍କ ଆକାଉଣ୍ଟକୁ ଫେରସ୍ତ କରାଯାଇଥାଏ । ଯେହେତୁ ଏହି ଫେରସ୍ତ ପ୍ରତ୍ୟକ୍ଷରେ ହେଉଥିବାରୁ ଏହି ଯୋଜନାର ନାମ DBTL କୁହାଯାଏ ।


ସବସିଡି ଆସୁଛି କି ନାହିଁ ଜାଣିବା ପାଇଁ ଆପଣଙ୍କୁ କରିବାକୁ ପଡିବ ଏହି କାମ


୧. ସର୍ବପ୍ରଥମେ ଆପଣଙ୍କୁ ଇଣ୍ଡେନ୍ ଗ୍ୟାସର ଅଫିସିଆଲ୍ ୱେବସାଇଟ୍ https://bit.ly/3sgCikA ରେ ଭିଜିଟ କରିବାକୁ ପଡିବ ।


୨. ଏହା ପରେ ଆପଣଙ୍କୁ ସିଲିଣ୍ଡରର ଏକ ଚିତ୍ର ଦେଖାଯିବ । ଏହା ଉପରେ କ୍ଲିକ୍ କଲେ ଅଭିଯୋଗ (Complaint) ବାକ୍ସ ଖୋଲିବ । ଏଥିରେ Subsidy Status ଲେଖି proceed ବଟନ୍ ପ୍ରେସ୍ କରିବାକୁ ପଡ଼ିବ ।


୩. ତା’ପରେ Subsidy Related (PAHAL) ର ବଟନ୍ ଉପରେ କ୍ଲିକ୍ କରନ୍ତୁ, ଯାହା ପରେ ଆପଣଙ୍କ ସାମ୍ନାରେ Sub Category ର କିଛି ନୂତନ ବିକଳ୍ପ ଆସିବ । ଏଠାରେ ଆପଣଙ୍କୁ Subsidy Not Received ଉପରେ କ୍ଲିକ୍ କରିବାକୁ ପଡିବ ।


୪. ଏହା ପରେ ଆପଣଙ୍କୁ ମୋବାଇଲ୍ ନମ୍ବର ଦାଖଲ କରିବାକୁ ପଡିବ । ଯଦି ମୋବାଇଲ୍ ନମ୍ବର ଲିଙ୍କ୍ ହୋଇନାହିଁ, ତେବେ ସେଠାରେ ID ର ଏକ ବିକଳ୍ପ ରହିବ, ସେଠାରେ ଆପଣଙ୍କର ଗ୍ୟାସ୍ ସଂଯୋଗ ID ଦାଖଲ କରନ୍ତୁ । ଏହା ପରେ ଆପଣଙ୍କୁ ଯାଞ୍ଚ କରି ଏହାକୁ ସବମିଟ୍ କରିବାକୁ ପଡିବ ।


୫. ବର୍ତ୍ତମାନ ଆପଣ ସବସିଡି ସମ୍ବନ୍ଧୀୟ ସମ୍ପୂର୍ଣ୍ଣ ସୂଚନା ପାଇବେ । ଆପଣ କେତେ ସବସିଡି ପାଇଛନ୍ତି ଏବଂ କେତେ ପଠାଯାଉଛି ।


୬. ଏହା ବ୍ୟତୀତ ଯଦି ଆପଣ ଏପର୍ଯ୍ୟନ୍ତ LPG ID କୁ ଆପଣଙ୍କର ଖାତା ସହିତ ଲିଙ୍କ୍ କରିନାହାଁନ୍ତି, ତେବେ ବିତରକଙ୍କ ନିକଟକୁ ଯାଆନ୍ତୁ ଏବଂ ଆପଣଙ୍କର କାର୍ଯ୍ୟ  କରାନ୍ତୁ ।


୭. ଆପଣ 18002333555 କୁ ମାଗଣାରେ କଲ କରି ଅଭିଯୋଗ ପଞ୍ଜିକରଣ  କରିପାରିବେ ।


ଏହା ବି ପଢ଼ନ୍ତୁ:-ମାର୍ଚ୍ଚ ୨୫ରେ ବନ୍ଦ ହେବ କି ଋଷ-ୟୁକ୍ରେନ ଯୁଦ୍ଧ ନା ଦୁନିଆ ଦେଖିବ ତୃତୀୟ ବିଶ୍ୱଯୁଦ୍ଧର ମହା ବିନାଶ? ଜାଣନ୍ତୁ କାହିଁକି ଏତେ ଖାସ୍ ଏହି ଦିନ


ଏହା ବି ପଢ଼ନ୍ତୁ:-ଆପଣ ମଧ୍ୟ ଏକରୁ ଅଧିକ ବ୍ୟାଙ୍କରେ ଖୋଲିଛନ୍ତି କି ଆକାଉଣ୍ଟ? ତେବେ ହୋଇପାରେ ଏହି ୪ଟି ବଡ଼ କ୍ଷତି


ଏହା ବି ପଢ଼ନ୍ତୁ:-ଇମ୍ରାନଙ୍କ ଗାଦି ଟଳମଳ, ପାକିସ୍ତାନରେ ରାଜନୈତିକ ସଙ୍କଟ ମଧ୍ୟରେ ନୂଆ ପ୍ରଧାନମନ୍ତ୍ରୀ ପ୍ରାର୍ଥୀଙ୍କ ନାଁ ଘୋଷଣା


 


ଆଧାର କାର୍ଡ ମାଧ୍ୟମରେ ପାଆନ୍ତୁ LPG ସବସିଡି 


୧. ଏହା କରିବା ପାଇଁ ପ୍ରଥମେ ଆପଣଙ୍କର ଆଧାର କାର୍ଡକୁ ଆପଣଙ୍କର ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ କରନ୍ତୁ । ଏହା କରିବା ପାଇଁ ଆପଣଙ୍କୁ ଆପଣଙ୍କର ବ୍ୟାଙ୍କକୁ ଯିବାକୁ ପଡିବ, କିମ୍ବା ଆପଣ ଏହା ମଧ୍ୟ ଅନଲାଇନରେ କରିପାରିବେ । ଏଥିପାଇଁ ଆପଣଙ୍କୁ ଆପଣଙ୍କର ବ୍ୟାଙ୍କର ୱେବସାଇଟକୁ ଯିବାକୁ ପଡିବ ।


୨. ଏହା ପରେ ଆପଣ LPG ସଂଯୋଗକୁ ଆଧାର କାର୍ଡ ସହିତ ଲିଙ୍କ୍ କରିବାକୁ ପଡିବ । ଏଥିପାଇଁ ଆପଣଙ୍କ ପାଖରେ ଦୁଇଟି ଜିନିଷ ରହିବା ଆବଶ୍ୟକ । ଏଥିପାଇଁ ଆପଣଙ୍କ ପାଖରେ ବିତରକଙ୍କ ନାମ ଏବଂ ଆପଣଙ୍କ 17 ଅଙ୍କ ବିଶିଷ୍ଟ LPG ଗ୍ରାହକ ନମ୍ବର ରହିବା ଜରୁରୀ ।


୩. ଏହା ବ୍ୟତୀତ, ଆପଣଙ୍କର ସଂଯୋଗ ବୁକଲେଟ୍ ର ପ୍ରଥମ ପୃଷ୍ଠାର ଏକ କପି ଏବଂ ବାସସ୍ଥାନ ପ୍ରମାଣପତ୍ର ଥିବା ଆବଶ୍ୟକ । ଏହା ଆଧାର କାର୍ଡ ବ୍ୟତୀତ ଅନ୍ୟ କିଛି ଡକ୍ୟୁମେଣ୍ଟ ହେବା ଜରୁରୀ ।


ଆଧାର କାର୍ଡ ବିନା ପାଆନ୍ତୁ LPG ସବସିଡି 


୧. ଏଥିପାଇଁ ଆପଣ ପ୍ରଥମେ mylpg.in କୁ ଲଗ୍ ଇନ୍ କରିବା ଜରୁରୀ ।


୨. ଏହା ପରେ ଆପଣଙ୍କୁ ଆପଣଙ୍କର LPG ସର୍ଭିସ ପ୍ରୋଭାଇଡରକୁ ବାଛିବାକୁ ପଡିବ ।


୩. ବର୍ତ୍ତମାନ ଆପଣଙ୍କୁ Join DBT ରେ କ୍ଲିକ୍ କରିବାକୁ ପଡିବ ।


୪. ବର୍ତ୍ତମାନ ଏଠାରେ ଆପଣଙ୍କୁ ଦେଖାଯାଇଥିବା ଅନେକ ବିକଳ୍ପରେ, ଆପଣଙ୍କୁ ‘If you do not have Aadhaar Number Click here to join DBTL’  ବିକଳ୍ପ ଉପରେ କ୍ଲିକ୍ କରିବାକୁ ପଡିବ ।


କାହାକୁ ମିଳିଥାଏ ଏଲପିଜି ଗ୍ୟାସ ସବସିଡିର ଲାଭ


ଆମେ ଆପଣଙ୍କୁ କହିରଖୁଛୁ ଯେ ବିଶେଷ କରି ଏଲପିଜି (LPG) ସବସିଡି ସରକାର ଗରିବ ଲୋକମାନଙ୍କୁ ଦେଉଛନ୍ତି । ଯାହାଦ୍ୱାରା ଗରିବ ଲୋକମାନେ କମ୍ ମୂଲ୍ୟରେ ଅଧିକ ଲାଭ ପାଇପାରିବେ । ଏଥିପାଇଁ କିଛି ପଏଣ୍ଟ ଅଛି, ଯଦି ଆପଣ ଏସବୁକୁ ଆସନ୍ତି ତେବେ ଆପଣ କମ୍ ମୂଲ୍ୟରେ LPG ମଧ୍ୟ ପାଇପାରିବେ । 


ଯେଉଁମାନେ ବର୍ଷକୁ ପ୍ରାୟ ୧୦ ଲକ୍ଷ ଟଙ୍କା ରୋଜଗାର କରନ୍ତି, ସେମାନେ ଏଲପିଜି ସବସିଡିର ଲାଭ ପାଇବେ ନାହିଁ । ଏହି ଆୟ ସେହି ପରିବାରର ସମସ୍ତ ଲୋକଙ୍କୁ ନେଇ ହୋଇପାରେ କିମ୍ବା ପରିବାରର ଜଣେ ବ୍ୟକ୍ତିଙ୍କ ମଧ୍ୟ ହୋଇପାରେ । ପୂର୍ବରୁ ଏହି ଆୟ ୧୨ ଲକ୍ଷ ଥିଲା, କିନ୍ତୁ ବର୍ତ୍ତମାନ ଏହା ୧୦ ଲକ୍ଷ ଟଙ୍କାକୁ ଖସି ଆସିଛି । ଯଦି ଆପଣଙ୍କର ଆୟ ଏହାଠାରୁ କମ୍, ତେବେ ଆପଣ LPG ସବସିଡିର ଲାଭ ପାଇପାରିବେ ।