ସରକାରୀ କର୍ମଚାରୀଙ୍କ ପାଇଁ ଖୁସି ଖବର ! ବେତନ ସହ ଜଡ଼ିତ ଗୁରୁତ୍ୱପୂର୍ଣ୍ଣ ନିୟମକୁ ପରିବର୍ତ୍ତନ କରିପାରେ ମୋଦି ସରକାର
ସୂଚନା ଅନୁଯାୟୀ, କେନ୍ଦ୍ର ସରକାରଙ୍କ ଏହି ନିଷ୍ପତ୍ତିରୁ ଦେଶ ସାରା ୪୮ ଲକ୍ଷ କେନ୍ଦ୍ରୀୟ କର୍ମଚାରୀ (Central Government Employees) ଉପକୃତ ହେବେ । ଏହା ମଧ୍ୟ କୁହାଯାଉଛି ଯେ, କେନ୍ଦ୍ର ସରକାର ଅକ୍ଟୋବର ୨୧ରେ ଉପଭୋକ୍ତା ମୂଲ୍ୟ ସୂଚକାଙ୍କ (CPI-IW) ର ମୂଳ ବର୍ଷର ପରିବର୍ତ୍ତନର ବିବରଣୀ ପ୍ରକାଶ କରିପାରିବେ ।
ନୂଆଦିଲ୍ଲୀ: କେନ୍ଦ୍ରର ନରେନ୍ଦ୍ର ମୋଦି ସରକାର (Modi Government) ଦୀପାବଳି ପୂର୍ବରୁ କେନ୍ଦ୍ରୀୟ କର୍ମଚାରୀ (Central Government Employees) ଙ୍କ ଦରମା (Salary) ବୃଦ୍ଧି କରିପାରନ୍ତି । ଏହାର ଲାଭ ଯେପରି କେନ୍ଦ୍ରୀୟ କର୍ମଚାରୀଙ୍କୁ ମିଳିପାରେ । ଏଥି ପାଇଁ ମୋଦି ସରକାର ଉପଭୋକ୍ତା ମୂଲ୍ୟ ସୂଚକାଙ୍କ (CPI-IW) ର ଆଧାର ବର୍ଷରେ ପରିବର୍ତ୍ତନ ଆଣିବାକୁ ବିଚାର କରୁଛନ୍ତି । ଯଦି ସବୁକିଛି ଠିକ୍ ରହେ, ତେବେ ସରକାର ଏହାର ମୂଳ ବର୍ଷ ୨୦୧୬ କରିବେ । ଯଦି ଏପରି ଘଟେ, ତେବେ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା (Dearness Allowance) ବୃଦ୍ଧି ପାଇପାରେ ।
ସୂଚନା ଅନୁଯାୟୀ, କେନ୍ଦ୍ର ସରକାରଙ୍କ ଏହି ନିଷ୍ପତ୍ତିରୁ ଦେଶ ସାରା ୪୮ ଲକ୍ଷ କେନ୍ଦ୍ରୀୟ କର୍ମଚାରୀ ଉପକୃତ ହେବେ । ଏହା ମଧ୍ୟ କୁହାଯାଉଛି ଯେ, କେନ୍ଦ୍ର ସରକାର ଅକ୍ଟୋବର ୨୧ରେ ଉପଭୋକ୍ତା ମୂଲ୍ୟ ସୂଚକାଙ୍କ (CPI-IW) ର ମୂଳ ବର୍ଷର ପରିବର୍ତ୍ତନର ବିବରଣୀ ପ୍ରକାଶ କରିପାରିବେ ।
ଅଧିକ ପଢ଼ନ୍ତୁ:-ଗେରୁଆ ରଙ୍ଗରେ ରଙ୍ଗେଇ ହୋଇପାରୁ ନାହାଁନ୍ତି ଜ୍ୟୋତିରାଦିତ୍ୟ, ରଣନୀତି ଅନୁସାରେ ଦୂରତା ରକ୍ଷା କଲା ବିଜେପି!
ତେବେ କୋରୋନା ଭୂତାଣୁ ସଂକ୍ରମଣ ହେତୁ କେନ୍ଦ୍ରୀୟ କର୍ମଚାରୀଙ୍କ ଡିଏ (DA) ବୃଦ୍ଧିକୁ କେନ୍ଦ୍ର ସରକାର ସ୍ଥଗିତ ରଖିଛନ୍ତି । ବର୍ତ୍ତମାନ କେନ୍ଦ୍ରୀୟ କର୍ମଚାରୀଙ୍କୁ ୧୭ ପ୍ରତିଶତ ହାରରେ ଡିଏ ଦିଆଯାଉଛି । ଆମେ ଆପଣଙ୍କୁ କହି ରଖୁଛୁ ଯେ ନିକଟରେ କେନ୍ଦ୍ର ସରକାର କେନ୍ଦ୍ରୀୟ କର୍ମଚାରୀମାନଙ୍କୁ ଏକ ଦୀପାବଳି ପ୍ରିପେଡ୍ କାର୍ଡ ଉପହାର ଦେଇଛନ୍ତି । କର୍ମଚାରୀମାନେ ଏହି ପ୍ରିପେଡ୍ କାର୍ଡକୁ ୩୧ ମାର୍ଚ୍ଚ ୨୦୨୧ ପର୍ଯ୍ୟନ୍ତ ବ୍ୟବହାର କରିପାରିବେ ।
ଅଧିକ ପଢ଼ନ୍ତୁ:-କୋରୋନାରୁ ଭାରତୀୟଙ୍କ ମଧ୍ୟରେ ମୃତ୍ୟୁ ଆଶଙ୍କା ଅଧିକ, ଏହି ନୂଆ ରିପୋର୍ଟ ବଢ଼ାଇଲା ଚିନ୍ତା
ଉପଭୋକ୍ତା ମୂଲ୍ୟ ସୂଚକାର ଉପଯୋଗ ଦ୍ରବ୍ୟ ଏବଂ ସେବାଗୁଡିକର ହାରାହାରି ମୂଲ୍ୟ ମାପିବା ପାଇଁ ବ୍ୟବହୃତ ହୁଏ । ଯାହା ଦ୍ରବ୍ୟ ଏବଂ ସେବାଗୁଡିକର ଏକ ମାନକ ସମୂହର ହାରାହାରି ମୂଲ୍ୟର ଗଣନା କରାଯାଏ । ଅର୍ଥନୀତିରେ ଖୁଚୁରା ମୁଦ୍ରାସ୍ଫୀତି ମାପିବା ବ୍ୟତୀତ ଏହା କର୍ମଚାରୀଙ୍କ ମହଙ୍ଗା ଭତ୍ତା ଗଣନା ପାଇଁ ମଧ୍ୟ ବ୍ୟବହୃତ ହୁଏ ।