ମୁମ୍ବାଇ: ଶନିବାର ମହାରାଷ୍ଟ୍ରର ଗଡ଼ଚିରୋଲି ଜିଲ୍ଲାରେ ସୁରକ୍ଷା ବଳ ପକ୍ଷରୁ ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନରେ ଟଳିପଡି଼ଛନ୍ତି ୮ ନକ୍ସଲ। ମୁମ୍ବାଇ ଠାରୁ ୯୨୦ କିମି ଦୂରରେ ଅବସ୍ଥିତ ଧାନାରୋ ଅଞ୍ଚଳସ୍ଥିତ ଗ୍ୟାରାହାଭାଟ୍ଟି ଜଙ୍ଗଲ ଠାରେ ସର୍ଚ୍ଚ ଅପରେସନ ଚାଲିଥିବା ବେଳେ ସୁରକ୍ଷା ବଳ ସହ ମୁହାଁମୁହିଁ ହୋଇଥିଲେ ନକ୍ସଲ।


COMMERCIAL BREAK
SCROLL TO CONTINUE READING

ପ୍ରଥମେ ନକ୍ସଲ, ସୁରକ୍ଷା ବଳ ଉପରେ ଗୁଳି ଚଳାଇଥିଲେ। ଏହାର ଜବାବ ଦେବାକୁ ଯାଇ  ପାଲଟା ଗୁଳିମାଡ କରିଥିଲା ସୁରକ୍ଷା ବଳ। ଉଭୟ ପକ୍ଷ ମଧ୍ୟରେ ହୋଇଥିବା ଗୁଳି ବିନିମୟରେ ୮ ନକ୍ସଲ ଟଳିପଡି଼ଛନ୍ତି। ଘଟଣାସ୍ଥଳରେ ଗୁଳିମାଡ଼ ଜାରି ରହିଛି।    


Also Read: Telangana-Chhattisgarh Border:ସୁରକ୍ଷା ବଳ କାର୍ଯ୍ୟାନୁଷ୍ଠାନରେ ଟଳିପଡିଲେ ୩ ନକ୍ସଲ


ସି-୬୦ କମାଣ୍ଡୋଙ୍କ (C60 Commando) ପକ୍ଷରୁ ଏହି କାର୍ଯ୍ୟାନୁଷ୍ଠାନରେ  ୮ ନକ୍ସଲ ଟଳିପଡି଼ଥିବା ବେଳେ ୧୦ ଜଣରୁ ଉର୍ଦ୍ଧ୍ୱ ଆହତ ହୋଇଛନ୍ତି। ଘଟଣାସ୍ଥଳରୁ ଅସ୍ତ୍ରଶସ୍ତ୍ର ସହ ମାଓ ସାମଗ୍ରୀ ଜବତ କରାଯାଇଛି। ଗୁଳବିନିମୟ ପରେ ଗ୍ୟାରାହାଭାଟ୍ଟି ଜଙ୍ଗଲ (Gyarahbatti Forest Area) ଠାରେ ସର୍ଚ୍ଚ ଅପରେସନ (Search Operation) ଜାରି ରହିଛି।