ଉଦୟପୁରରେ ଦରଜି କହ୍ନେୟା ଲାଲଙ୍କ ନିର୍ମମ ହତ୍ୟାକୁ ନେଇ ଓୱେସି ଦେଲେ ଏହି ବୟାନ

Kanhaiya Lal Murder Case: ଉଦୟପୁରରେ ହୋଇଥିବା ନିର୍ଦ୍ଦୟ ହତ୍ୟା ଉପରେ ଆସାଦୁଦ୍ଦିନ ଓୱେସି କହିଛନ୍ତି ଯେ ଆମ ଦଳର ସାଧାରଣ ଷ୍ଟାଣ୍ଡ ହେଉଛି ଯେ ଆଇନକୁ ନିଜ ହାତକୁ ନେବାର ଅଧିକାର କାହାର ନାହିଁ ।

Asaduddin Owaisi on Udaipur Murder Case : ରାଜସ୍ଥାନର ଉଦୟପୁର (Udaipur) ଜିଲ୍ଲାର ଧନମଣ୍ଡି ପୋଲିସ ଷ୍ଟେସନ ଅଞ୍ଚଳରେ ଦିନ ଦ୍ୱି-ପ୍ରହେର ଜଣେ ଯୁବକଙ୍କୁ ତୀକ୍ଷ୍ଣ ଅସ୍ତ୍ରରେ ହତ୍ୟା କରାଯାଇଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଘଟଣାର ଭିଡିଓରେ ଜଣେ ଦୁର୍ବୁତ୍ତ ତାଙ୍କୁ ତୀକ୍ଷ୍ଣ ଅସ୍ତ୍ରରେ ଆକ୍ରମଣ କରୁଥିବା ନଜର ଆସିଛନ୍ତି । ଏହି ଘଟଣା ପରେ ଉଦୟପୁରରେ ବହୁତ ଉତ୍ତେଜନା ଦେଖା ଦେଇଛି । ସତର୍କତାମୂଳକ ଭାବେ ପ୍ରଶାସନ ଏଠାରେ ଇଣ୍ଟରନେଟ ସେବାକୁ ବନ୍ଦ କରି ଦେଇଛି । ଏହି ଘଟଣାକୁ ନିନ୍ଦା କରି ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ କହିଛନ୍ତି ଯେ ଏହି ଘଟଣାରେ ସମ୍ପୃକ୍ତ ସମସ୍ତ ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ଏହି ଘଟଣାକୁ ଅଲ ଇଣ୍ଡିଆ ମଜଲିସ୍-ଇ-ଇଥେହାଦ୍ ଉଲ୍ ମୁସଲିମନ୍ (ଏଆଇଏମ୍ଆଇଏମ୍) ର ସଭାପତି ଅସାଦୁଦ୍ଦିନ ଓୱେସି (Asaduddin Owaisi) ମଧ୍ୟ ନିନ୍ଦା କରିଛନ୍ତି । ସେ କହିଛନ୍ତି, ଉଦୟପୁରରେ ହୋଇଥିବା ଏହି ନିଷ୍ଠୁର ହତ୍ୟା ନିନ୍ଦନୀୟ । ଏପରି ହତ୍ୟାକୁ କେହି ବଞ୍ଚାଇ ପାରିବେ ନାହିଁ । ଆମ ଦଳର ମୌଳିକ ଦୃଷ୍ଟିକୋଣ ହେଉଛି ଆଇନକୁ ନିଜ ହାତକୁ ନେବାର ଅଧିକାର କାହାର ନାହିଁ । ଆମେ ସବୁବେଳେ ହିଂସାକୁ ବିରୋଧ କରିଛୁ ।"

ହାଇଦ୍ରାବାଦର ସାଂସଦ ଓୱେସି କହିଛନ୍ତି ଯେ ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆମ ସରକାରଙ୍କ ପାଖରେ ଦାବି କରୁଛୁ । ଆଇନର ନିୟମ ବଜାୟ ରଖିବାକୁ ହେବ ।

କଂଗ୍ରେସ ନେତା ପୱନ ଖେରା କହିଛନ୍ତି, "କହ୍ନେଇୟା କୁମାର, ଅଖାଲାକ ଓ ପେହୁଲୁ ଖାନ ସମସ୍ତେ ଘୃଣାର ଶିକାର ହୋଇଛନ୍ତି । କିଏ ଯେ ଦେଶରେ ଏପରି କଠୋରତା ବାତାବରଣ ସୃଷ୍ଟି କରୁଛନ୍ତି ? କିଏ ସମାଜରେ ବିବାଦ ସୃଷ୍ଟି କରୁଛି? କିଏ ଘୃଣା ବିସ୍ତାର କରି ରାଜନୈତିକ ମାଇଲେଜ୍ ହାସଲ କରୁଛି? ସମସ୍ତେ ଜାଣନ୍ତି ସେ କିଏ । ସମସ୍ତେ ଦେଖୁଛନ୍ତି, ସେ ଚୁପ୍ ଅଛନ୍ତି ।"

କ’ଣ କହୁଛି ପୋଲିସ?
ପୋଲିସ କହିଛି ଯେ କହ୍ନେୟା ଲାଲ ସାହୁ (୪୦) ର ଧାନମଣ୍ଡି ଅଞ୍ଚଳରେ ଏକ ଟେଲରିଂ ଦୋକାନ ଅଛି, ଯେଉଁଠାରେ ଦୁଇଜଣ ବ୍ୟକ୍ତି ଅସ୍ତ୍ରଶସ୍ତ୍ର ନେଇ ଆସିଥିଲେ ଓ ଦୁଇ ଜଣଙ୍କ ମଧ୍ୟରୁ ଜଣେ ଦରଜି କହ୍ନେଇୟା ସାହୁଙ୍କୁ ତୀକ୍ଷ୍ଣ ଅସ୍ତ୍ରରେ ହତ୍ୟା କରିଥିଲେ । ଏହି ଘଟଣା ପରେ ସ୍ଥାନୀୟ ବଜାର ବନ୍ଦ ରହିଛି ।

ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ ସମଗ୍ର ରାଜ୍ୟରେ ଏକ ସତର୍କ ସୂଚନା ଜାରି କରାଯାଇଛି, ସମଗ୍ର ପୋଲିସ ପ୍ରଶାସନ ସତର୍କ ରହିଛି । ପରିସ୍ଥିତିକୁ ଦେଖିବା ପରେ କର୍ଫ୍ୟୁ ଲାଗୁ କରିବାକୁ ନିଷ୍ପତ୍ତି ନିଆଯିବ ।