କେବେଠାରୁ ବଢିବ ପେଟ୍ରୋଲ ଡିଜେଲ ଦାମ, ଉତ୍ତର ରଖିଲେ କେନ୍ଦ୍ରମନ୍ତ୍ରୀ
ରାହୁଲ ଗାନ୍ଧୀଙ୍କ ଏହି ଟ୍ୱିଟ ପରେ ଲୋକମାନେ ବି ଭାବିବା ଆରମ୍ଭ କରିଦେଇଥିଲେ ଯେ, କେମିତି ଲୋକସଭା ନିର୍ବାଚନ ଓ ରାଜ୍ୟସଭା ନିର୍ବାଚନ ସମୟ ପୂର୍ବରୁ ବି ଡିଜେଲ ପେଟ୍ରୋଲ ଦରବୃଦ୍ଧି ନେଇ କିଛିଟା ବିରାମ ଲାଗିଥିଲା ।
ନୂଆଦିଲ୍ଲୀ: ପୁରା ଦେଶରେ ଲାଗିଛି ଚର୍ଚ୍ଚା। ଯେ, ଦେଶର ୫ଟି ରାଜ୍ୟର ନିର୍ବାଚନ ଫଳାଫଳ ବାହାରିବା ପରେ ବଢିବ ପେଟ୍ରୋଲ ଓ ଡିଜେଲ ରେଟ୍। ଆଉ ଏହି କଳ୍ପନାଜଳ୍ପନାକୁ ଆଜି ସରକାରଙ୍କ ତରଫରୁ ଏକ ନୂଆ ପ୍ରତିକ୍ରିୟା ପ୍ରକାଶ ପାଇଛି। କେନ୍ଦ୍ରମନ୍ତ୍ରୀ ହରଦୀପ ସିଂ ପୁରୀ ବିରୋଧୀ ଦଳର ଅପମାନକୁ ଜବାବ ଦେବାବେଳେ କଂଗ୍ରେସ ସମୟରେ ପେଟ୍ରୋଲିୟମ ମୂଲ୍ୟ କିପରି ନିୟନ୍ତ୍ରିତ ହୋଇଛି ତାହା ମନେ ପକାଇ ଦେଇଛନ୍ତି। ସେ ଏହା ମଧ୍ୟ ସୂଚାଇ ଦେଇଛନ୍ତି ଯେ ତୈଳ କମ୍ପାନୀଗୁଡିକ ଖୁବ ଶୀଘ୍ର ଏହା ଉପରେ ନିଷ୍ପତ୍ତି ନେବାକୁ ଯାଉଛନ୍ତି।
ରାହୁଲ ଗାନ୍ଧୀ କରିଥିଲେ ଏମିତି Tweet
କାହାର ନାମ ନ ନେଇ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ କହିଛନ୍ତି, 'ଜଣେ ଯୁବ ନେତା କ୍ରମାଗତ ଭାବରେ ଲୋକଙ୍କୁ ପେଟ୍ରୋଲ ଟାଙ୍କି ଭରିବାକୁ କହୁଛନ୍ତି, କାରଣ ନିର୍ବାଚନ ପର୍ଯ୍ୟନ୍ତ ଡିଜେଲ ଏବଂ ପେଟ୍ରୋଲ ଶସ୍ତା ଅଟେ। ଗମ୍ଭୀରତାର ସହିତ, ଯେତେବେଳେ କଂଗ୍ରେସ କ୍ଷମତାରେ ଥିଲା, ସେମାନେ ପେଟ୍ରୋଲ ମୂଲ୍ୟକୁ ବୃଦ୍ଧି କରି ଦେଇଥିଲେ। ଗତବର୍ଷ ନଭେମ୍ବରରେ ଆମେ (Central Excise) ମଧ୍ୟ ହ୍ରାସ କରିଥିଲୁ। ପ୍ରକୃତରେ କଂଗ୍ରେସ ନେତା ରାହୁଲ ଗାନ୍ଧୀ ଏ ବିଷୟରେ ଟ୍ୱିଟ କରିଥିଲେ। ସରକାରଙ୍କୁ ଟାର୍ଗେଟ କରି ସେ ଟ୍ୱିଟ୍ କରି କହିଛନ୍ତି, 'ତୁରନ୍ତ ପେଟ୍ରୋଲ ଟାଙ୍କି ଭର୍ତ୍ତି କର । କାରଣ ମୋଦି ସରକାରଙ୍କ ନିର୍ବାଚନ ଅଫର ଏବେ ଶେଷ ହେବାକୁ ଯାଉଛି।
Also Read: ସ୍ୱଦେଶକୁ ନ ଫେରି ୟୁକ୍ରେନର ସେନାରେ ଯୋଗ ଦେଇ ଋଷ ବିରୁଦ୍ଧରେ ଲଢ଼ୁଛନ୍ତି ଏହି ଭାରତୀୟ ଯୁବକ, ଜାଣନ୍ତୁ ତାଙ୍କ ବିଷୟରେ ସବୁକିଛି
ଲୋକସଭା ନିର୍ବାଚନ ସମୟରେ ବି କିଛି ଦିନ ବଢିନଥିଲା ଦାମ୍
ରାହୁଲ ଗାନ୍ଧୀ (Rahul Gandhi) ଙ୍କ ଏହି ଟ୍ୱିଟ ପରେ ଲୋକମାନେ ବି ଭାବିବା ଆରମ୍ଭ କରିଦେଇଥିଲେ ଯେ, କେମିତି ଲୋକସଭା ନିର୍ବାଚନ ଓ ରାଜ୍ୟସଭା ନିର୍ବାଚନ ସମୟ ପୂର୍ବରୁ ବି ଡିଜେଲ ପେଟ୍ରୋଲ ଦରବୃଦ୍ଧି ନେଇ କିଛିଟା ବିରାମ ଲାଗିଥିଲା । ଅତୀତରେ ଏହା ଅନେକ ଥର ଘଟିଛି ଯେ ନିର୍ବାଚନ ସମୟରେ କିଛି ଦିନ ପାଇଁ ମୂଲ୍ୟ ବୃଦ୍ଧି ହୋଇନଥିଲା, କିନ୍ତୁ ନିର୍ବାଚନ ସମାପ୍ତ ହେବା ମାତ୍ରେ ମୂଲ୍ୟ ବୃଦ୍ଧି ହେବାରେ ଲାଗିଥିଲା। ୨୦୧୯ ପୂର୍ବରୁ, ଯେତେବେଳେ ଲୋକସଭା ନିର୍ବାଚନ ଅନୁଷ୍ଠିତ ହେଉଥିଲା, ସେତେବେଳେ ମଧ୍ୟ ଏହି ଧାରା ଦେଖାଯାଇଥିଲା। ମେ ୧୯ ରେ ଲୋକସଭା ନିର୍ବାଚନର ସପ୍ତମ ତଥା ଅନ୍ତିମ ପର୍ଯ୍ୟାୟ ପାଇଁ ମତଦାନ ହୋଇଥିଲା। ପରଦିନ ପେଟ୍ରୋଲର ମୂଲ୍ୟ ୧୦ ପଇସା ଏବଂ ଡିଜେଲର ମୂଲ୍ୟ ୧୬ ପଇସା ବୃଦ୍ଧି କରାଯାଇଥିଲା।
Also Read: 'ଯେବେ ଯୁଦ୍ଧରେ ହୋଇଥିଲା ପୁଟିନଙ୍କ ଭାଇର ମୃତ୍ୟୁ'
ତୈଳ କମ୍ପାନୀଗୁଡିକ ଏହାକୁ ନେଇ ଶୀଘ୍ର ଘୋଷଣା କରାଯାଇପାରେ ବୋଲି ସେ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି। ବିଶ୍ୱ ସ୍ତରୀୟ ବିକାଶ ସମ୍ପର୍କରେ ମନ୍ତ୍ରୀ କହିଛନ୍ତି ଯେ ୟୁକ୍ରେନ ଏବଂ ଋଷରେ ଯାହା ଘଟୁଛି, ଦେଖନ୍ତୁ ବିଶ୍ୱର ଅବସ୍ଥା କ’ଣ? ଏଭଳି ପରିସ୍ଥିତିରେ ଆମେ ନୁହେଁ ଦରବୃଦ୍ଧି ନେଇ ତୈଳ କମ୍ପାନୀଗୁଡିକ ନିଷ୍ପତ୍ତି ନେବେ। ନିର୍ବାଚନ ସରିବା ପରେ ପେଟ୍ରୋଲ ଓ ଡିଜେଲ (Petrol Diesel) ର ମୂଲ୍ୟ ବୃଦ୍ଧି କଥା ବିରୋଧି ମାନେ ହିଁ ଗୁଜବ କରୁଛନ୍ତି ଯାହା ଅତ୍ୟନ୍ତ ଲଜ୍ଜାଜନକ ଘଟଣା।
Also Read: War Impact: ଡଲାର ତୂଳନାରେ ୮୦-୮୨ ଯାଏ ଟଙ୍କା ହୋଇପାରେ ହ୍ରାସ, ଏମିତି ହେଲେ କ'ଣ ହେବ ସମସ୍ୟା
ନଭେମ୍ବର ୪ ପରେ ଡିଜେଲ ଏବଂ ପେଟ୍ରୋଲ ଦର ବୃଦ୍ଧି ହୋଇନାହିଁ । ତା’ପରେ ଅନେକ ସ୍ଥାନରେ ଉଭୟ ଡିଜେଲ ଏବଂ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଥିଲା । ଏହାପରେ ସରକାର କେନ୍ଦ୍ରୀୟ ଏକ୍ସାଇଜ୍ ହ୍ରାସ କରିଥିଲେ। ନଭେମ୍ବରରେ ଯେତେବେଳେ ଏକ୍ସାଇଜ୍ (Excise) କଟାଗଲା, ସେତେବେଳେ ଅଶୋଧିତ ତେଲ ବ୍ୟାରେଲ ପିଛା ପ୍ରାୟ ୮୨ ଡଲାର ଥିଲା । ବିଶ୍ୱ ବଜାରରେ ଅଶୋଧିତ ତୈଳ ୨୦୦୮ ମସିହାରୁ ସର୍ବୋଚ୍ଚ ସ୍ତରରେ ପହଞ୍ଚିଛି ।