ଭାରତ ସମେତ ଏହି ୧୩ ଟି ଦେଶ ତାଲିବାନକୁ ଦେଲେ `ସର୍ତ୍ତମୂଳକ ମାନ୍ୟତା`, ଦୂରତା ରକ୍ଷା କଲେ ଋଷ ଓ ଚୀନ୍

ଭାରତର ଅଧ୍ୟକ୍ଷତାରେ UNSC ରେ ଏକ ରିଜୋଲ୍ୟୁସନ୍ ପାରିତ ହୋଇଛି । ଯେଉଁଥିରେ କୁହାଯାଇଛି ଯେ ବର୍ତ୍ତମାନ ଆଫଗାନିସ୍ତାନରେ ଆତଙ୍କବାଦକୁ ରୋକିବା ଦାୟିତ୍ୱ ତାଲିବାନ ଉପରେ ରହିଛି ।

କାବୁଲ: ଆଫଗାନିସ୍ତାନରୁ (Afghanisatan) ଶେଷ ଆମେରିକୀୟ ସୈନିକଙ୍କ ଯିବା ପରେ ଭାରତ (India) ନେତୃତ୍ୱାଧୀନ ମିଳିତ ଜାତିସଂଘ ସୁରକ୍ଷା ପରିଷଦ (UNSC) ଏକ ରିଜୋଲ୍ୟୁସନ୍ ପାରିତ କରିଛି । ଯେଉଁଥିରେ ତାଲିବାନକୁ (Taliban) ଆଫଗାନିସ୍ତାନରେ କାର୍ଯ୍ୟର 'ସର୍ତ୍ତମୂଳକ ମାନ୍ୟତା' ଦିଆଯାଇଛି । UNSC ରିଜୋଲ୍ୟୁସନରେ କୁହାଯାଇଛି ଯେ ତାଲିବାନ ଆଫଗାନିସ୍ତାନରେ (Afghanisatan) ଏକ ଅସ୍ଥାୟୀ ସରକାର ଭଳି କାର୍ଯ୍ୟ କରୁଛି, ତେଣୁ ଏଭଳି ପରିସ୍ଥିତିରେ ତାକୁ ନିଶ୍ଚିତ କରିବାକୁ ପଡିବ ଯେ ସେଠାରେ ଯେପରି ଆତଙ୍କବାଦୀ କାର୍ଯ୍ୟକଳାପ ବୃଦ୍ଧି ପାଇବ ନାହିଁ । ଭାରତ ସମେତ ୧୩ ଟି ଦେଶ ଏହି ପ୍ରସ୍ତାବକୁ ଗ୍ରହଣ କରିଛନ୍ତି । ତେବେ ଭିଟୋ ଶକ୍ତି ଥିବା ଚୀନ୍ ଓ ଋଷ ଏହି ପ୍ରସଙ୍ଗରୁ ନିଜକୁ ଦୂରେଇ ରଖିଥିଲେ ।

ଫ୍ରାନ୍ସ ଦ୍ୱାରା ପ୍ରାୟୋଜିତ, ବ୍ରିଟେନ, ଆମେରିକା ଏବଂ ଭାରତ ସମେତ ୧୩ ଟି ଦେଶ ଏହି ପ୍ରସ୍ତାବରେ ରାଜି ହୋଇଥିଲେ । ଏଥି ସହିତ, ଭିଟୋ ଶକ୍ତି ସହିତ ଋଷ ଏବଂ ଚୀନ୍ ନିଜକୁ ଦୂରେଇ ରଖିଥିଲେ । ଏହି ଦୁଇ ଦେଶ ନା ସପକ୍ଷରେ ନା ବିରୋଧ କରିଛନ୍ତି । ୧୫ ଅଗଷ୍ଟରେ ଆଫଗାନିସ୍ତାନର ତାଲିବାନ କବଜା କରିବା ପରେ ଏହି ରିଜୋଲ୍ୟୁସନ୍ ପାରିତ ହୋଇଛି । ଯେଉଁଥିରେ କୁହାଯାଇଛି ଯେ ଆତଙ୍କବାଦୀଙ୍କୁ ଆଫଗାନିସ୍ତାନରେ ଶରଣ ଦିଆଯିବା ଉଚିତ ନୁହେଁ ଓ ଯେଉଁମାନେ ଦେଶ ଛାଡିବାକୁ ଚାହୁଁଛନ୍ତି ସେମାନଙ୍କୁ ସୁରକ୍ଷିତ ଭାବରେ ଯିବାକୁ ସାହାଯ୍ୟ କରାଯିବା ଉଚିତ ।

ଅଧିକ ପଢ଼ନ୍ତୁ: PNB ଗ୍ରାହକମାନେ ପାଇବେ ବଡ଼ ଲାଭ, ବ୍ୟାଙ୍କ କଲା ଏହି ଘୋଷଣା, ଚେକ୍ କରନ୍ତୁ

ଯେଉଁ ଅଧିବେଶନରେ ଏହି ରିଜୋଲ୍ୟୁସନ୍ ଉପରେ ଭୋଟ୍ ହୋଇଥିଲା, ସେଥିରେ ଭାରତର ବୈଦେଶିକ ସଚିବ ହର୍ଷ ଭର୍ଦ୍ଦନ ଶ୍ରୀଙ୍ଗଲାଙ୍କ ଅଧ୍ୟକ୍ଷତାରେ ହୋଇଥିଲା । ସେ କହିଛନ୍ତି ଯେ ଏହି ରିଜୋଲ୍ୟୁସନରେ ରଖାଯାଇଥିବା ବିଷୟ ମଧ୍ୟରେ ଆଫଗାନିସ୍ତାନର ମାଟି କୌଣସି ଦେଶକୁ ଭୟଭୀତ, ପ୍ରତିଶୋଧ କିମ୍ବା ଆତଙ୍କବାଦ ପାଇଁ ବ୍ୟବହାର କରାଯିବା ଉଚିତ ନୁହେଁ । ଏହା ମାଧ୍ୟମରେ ଅନ୍ତର୍ଜାତୀୟ ସମୁଦାୟ କାବୁଲକୁ ଏକ ଶକ୍ତିଶାଳୀ ବାର୍ତ୍ତା ପଠାଇବାକୁ ଚାହୁଁଛି ।

ଅଧିକ ପଢ଼ନ୍ତୁ: ବର୍ତ୍ତମାନ ଆପଣଙ୍କର କନଫର୍ମ ଟିକେଟରେ ଯାତ୍ରା କରିପାରିବେ ଅନ୍ୟ କୌଣସି ବ୍ୟକ୍ତି, ଜାଣନ୍ତୁ କିପରି

ଆମେରିକା ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ, ଆଫଗାନିସ୍ତାନରେ ଆମର ମିଶନ ସଫଳ ହୋଇଛି । ଏଥି ସହିତ ଆତଙ୍କବାଦ ବିରୋଧରେ ଲଢେଇ ଜାରି ରଖିବାର ଆବଶ୍ୟକତା ସେ ପୁଣି ଥରେ ଦୋହରାଇଛନ୍ତି । ସେ କହିଛନ୍ତି ଯେ ଆଫଗାନିସ୍ତାନ ସମେତ ସମଗ୍ର ବିଶ୍ୱରେ ଆତଙ୍କବାଦ ବିରୋଧରେ ଲଢେଇ ଜାରି ରଖିବୁ । କିନ୍ତୁ ବର୍ତ୍ତମାନ ଆମେ କୌଣସି ଦେଶରେ ସେନା ବେସ ନିର୍ମାଣ କରିବୁ ନାହିଁ । ଆମେରିକା ରାଷ୍ଟ୍ରପତି କହିଛନ୍ତି ଯେ ମୁଁ ନିଶ୍ଚିତ ଯେ ଆଫଗାନିସ୍ତାନରୁ ସେନା ପ୍ରତ୍ୟାହାର କରିବାର ନିଷ୍ପତ୍ତି ହେଉଛି ସବୁଠାରୁ ସଠିକ୍, ବୁଦ୍ଧିମାନପୂର୍ଣ୍ଣ ଏବଂ ସର୍ବୋତ୍ତମ । ଆଫଗାନିସ୍ତାନରେ ଯୁଦ୍ଧ ବର୍ତ୍ତମାନ ଶେଷ ହୋଇଛି ।