ପୃଥିବୀ ନିକଟରେ ୪ଟି ଧୂମକେତୁ ଆବିଷ୍କାର କଲେ ଭାରତୀୟ ବୈଜ୍ଞାନିକ

ନୂଆଦିଲ୍ଲୀ: ଭାରତୀୟ ବୈଜ୍ଞାନିକମାନଙ୍କର ଏକ ଦଳ ପୃଥିବୀ ନିକଟରେ ଚାରୋଟି ନୂତନ ଧୂମକେତୁ ଆବିଷ୍କାର କରିଛନ୍ତି। ଏହି ଅନୁସନ୍ଧାନରେ ଭାରତୀୟ ବୈଜ୍ଞାନିକମାନଙ୍କୁ NASA ସାହାଯ୍ୟ କରିଛି। ୬ ସଦସ୍ୟ ବିଶିଷ୍ଟ ଟିମରେ ଶିକ୍ଷକ ଠାରୁ ସାଧାରଣ ନାଗରିକ ପର୍ଯ୍ୟନ୍ତ ବିଭିନ୍ନ ବର୍ଗର ଲୋକଙ୍କୁ ସାମିଲ କରାଯାଇଥିଲା।

ୱେବସାଇଟ୍ WIONର ଖବର ଅନୁଯାୟୀ, ବୈଜ୍ଞାନିକମାନଙ୍କ (Indian scientists) ଟିମର ନେତୃତ୍ୱ ଶିକ୍ଷୟତ୍ରୀ ମିକା ସୁସତ୍ୟା ରେଖା ନେଇଥିଲେ। ସେ ଗୋଟିଏ ବିଦ୍ୟାଳୟର ଶିକ୍ଷୟତ୍ରୀ ଏବଂ ତାଙ୍କୁ ଜାତୀୟ ଶିକ୍ଷକ ପୁରସ୍କାର ପ୍ରଦାନ କରାଯାଇଛି। ରେଖା ଆନ୍ଧ୍ରପ୍ରଦେଶ ରାଜମନ୍ଦ୍ରିର ଏକ ବିଦ୍ୟାଳୟରେ ଶିକ୍ଷାଦାନ କରନ୍ତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଶିକ୍ଷା କ୍ଷେତ୍ରରେ ତାଙ୍କର ଅବଦାନକୁ ଖୁବ୍ ପ୍ରଶଂସା କରିଛନ୍ତି।

ଶିକ୍ଷୟତ୍ରୀ ମିକା ସୁସତ୍ୟା ରେଖାଙ୍କ ବ୍ୟତୀତ ଏହି ଟିମରେ କଡପ୍ପା ଜିଲ୍ଲାର କିରଣ କୁମାର ରେଡ୍ଡୀ, ବିଜୟୱାଡାର ଏମ ସୁରେଶ, ଚିତ୍ତୁର ନିଲକାନ୍ତିଆ ସାମିଲ ଥିଲେ। ଏହି ଧୂମକେତୁ (asteroids) ଆବିଷ୍କାର ପାଇଁ ଟିମ୍ ବିଜ୍ଞାନର ପ୍ରଚାର ପାଇଁ କାର୍ଯ୍ୟ କରୁଥିବା ବିଦ୍ୟା ଭାରତୀ ସଂଗଠନର ସାହାଯ୍ୟ ମଧ୍ୟ ନେଇଥିଲା। ବର୍ତ୍ତମାନ ବୈଜ୍ଞାନିକମାନେ ଆଶା କରୁଛନ୍ତି ଯେ ଦେଶର ୭୫ତମ ସ୍ୱାଧୀନତା ଦିବସ ଅବସରରେ ସେମାନଙ୍କ ଦଳ ଚଳିତବର୍ଷ asteroids campaign ର ଏକ ଅଂଶ ହେବ।

ଏହି ମାଇଲଖୁଣ୍ଟ ହାସଲ କରିବାକୁ ବୌଜ୍ଞାନିକ ଦଳ ପ୍ରାୟ ୪୫ ଦିନ ଧରି ସପ୍ତଋଷି ଇଣ୍ଡିଆ ଆଷ୍ଟେରଏଡ ଅଭିଯାନରେ କଠିନ ପରିଶ୍ରମ କରିଛନ୍ତି। ସେମାନେ ଏଥିପାଇଁ ରାପିଡ୍ ରେସପନ୍ସ ସିଷ୍ଟମ ଏବଂ ପାନୋରାମିକ୍ ସର୍ଭେ ଟେଲିସ୍କୋପରୁ ତଥ୍ୟ ଏବଂ ଚିତ୍ର ବ୍ୟବହାର କରିଥିଲେ। ଏଥିରୁ ପୃଥିବୀ ନିକଟରେ ୪ଟି ଧୂମକେତୁ ଘୁରି ବୁଲୁଥିବା ଦେଖିବାକୁ ମିଳିଛି।

ସୂଚନାଯୋଗ୍ୟ, ପୃଥିବୀ ନିକଟରେ ଜମା ହୋଇଥିବା ପଥର ଖଣ୍ଡକୁ ଧୂମକେତୁ କୁହାଯାଏ। ସେଗୁଡିକ ପୃଥିବୀର କକ୍ଷପଥ ସହିତ ଅତି ନିକଟରେ ରୁହନ୍ତି। ପୃଥିବୀ ନିକଟରେ ଥିବା ଅଧିକାଂଶ ବସ୍ତୁକୁ ଧୂମକେତୁ ବା ଆଷ୍ଟ୍ରୋଏଡ କୁହାଯାଏ। ପୃଥିବୀ ଚତୁଃପାର୍ଶ୍ୱରେ ଅତିକମରେ ୨୫ ହଜାରରୁ ଅଧିକ ଆଷ୍ଟ୍ରୋଏଡ ଅଛି।