PM Modi ଙ୍କ ସହ ବୈଠକ ପୂର୍ବରୁ ମେହବୁବାଙ୍କ ଜାଗିଲା ପାକିସ୍ତାନ ପ୍ରେମ! ରଖିଲେ ଏହି ପ୍ରସ୍ତାବ

ଶ୍ରୀନଗର: ଜମ୍ମୁ କାଶ୍ମୀର ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (Narendra Modi) ସହ ୨୪ ଜୁନରେହେବାକୁ ଥିବା ଆଞ୍ଚଳିକ ଦଳର ସର୍ବଦଳୀୟ ବୈଠକରେ ରାଷ୍ଟ୍ରୀୟ ସମ୍ମିଳନୀ ମୁଖ୍ୟ ଫାରୁକ୍ ଅବଦୁଲ୍ଲା (Farooq Abdullah) ଓ ପିଡିପି ମୁଖ୍ୟ ମେହବୁବା ମୁଫ୍ତି (Mehbooba Mufti) ଯୋଗଦେବେ ।

ଫାରୁକ୍ ଅବଦୁଲ୍ଲାଙ୍କ ଘରେ ହୋଇଥିବା ବୈଠକରେ ନିଆଯାଇଛି ନିଷ୍ପତ୍ତି
ପ୍ରଧାନମନ୍ତ୍ରୀ ମୋଦିଙ୍କ ସହ ସାକ୍ଷାତ ପୂର୍ବରୁ ଆଜି (ମଙ୍ଗଳବାର) ଶ୍ରୀନଗରର ଫାରୁକ୍ ଅବଦୁଲ୍ଲାଙ୍କ (Farooq Abdullah) ଅଧ୍ୟକ୍ଷତାରେ ଗୁପକାର ଦଳର ଏକ ବୈଠକ ଅନୁଷ୍ଠିତ ହୋଇଥିଲା ଯେଉଁଥିରେ ମେହବୁବା ମୁଫ୍ତିଙ୍କ ସମେତ ୭ ଜଣ ନେତା ଉପସ୍ଥିତ ଥିଲେ । ଏହି ବୈଠକରେ ପ୍ରଧାନମନ୍ତ୍ରୀ ମୋଦି ଡାକିଥିବା ବୈଠକକୁ ଯିବା ପ୍ରସଙ୍ଗ ଉପରେ ଆଲୋଚନା କରାଯାଇଥିଲା ।

ମେହବୁବା ମୁଫ୍ତି ରାଜନୈତିକ ବନ୍ଦୀମାନଙ୍କୁ ମୁକ୍ତ କରିବା ପ୍ରସଙ୍ଗ ଉଠାଇଥିଲେ
ପିଡିପି ମୁଖ୍ୟ ମେହବୁବା ମୁଫ୍ତି (Mehbooba Mufti) କହିଛନ୍ତି, 'ଆମେ ଆଲୋଚନର ବିରୋଧୀ ନୁହେଁ, କିନ୍ତୁ ଆମେ ନିଶ୍ଚିତ ଭାବେ ଚାହୁଁଛୁ ଯେ ସେଠାରେ କିଛି ଆତ୍ମବିଶ୍ୱାସ ବଢାଇବା ଉଚିତ୍ । କୋରୋନା ମହାମାରୀ ସମୟରେ ସାରା ଦେଶରେ ବନ୍ଦୀମାନଙ୍କୁ ମୁକ୍ତ କରାଯାଇଥିଲା, ଏହା ଜମ୍ମୁ କାଶ୍ମୀରରେ ମଧ୍ୟ ଘଟିଥଲା । ଜମ୍ମୁ କାଶ୍ମୀରର ରାଜନୈତିକ ତଥା ଅନ୍ୟ କଏଦୀମାନଙ୍କୁ ମଧ୍ୟ ମୁକ୍ତ କରାଯିବା ଉଚିତ୍ ।

ଅଧିକ ପଢ଼ନ୍ତୁ: 'ଭୋଟ୍ ବ୍ୟାଙ୍କ ପାଇଁ ଟିପୁ ସୁଲତାନଙ୍କ ପ୍ରତିମୂର୍ତ୍ତି ସ୍ଥାପନ କରୁଛି ଆନ୍ଧ୍ର ସରକାର'

ମେହବୁବା ଆହୁରି କହିଛନ୍ତି, 'ସେମାନଙ୍କର ଏଜେଣ୍ଡା ଯାହା ହେଉନା କାହିଁକି, ଆମେ ନିଜର ଏଜେଣ୍ଡାକୁ ସେମାନଙ୍କ ସାମ୍ନାରେ ରଖିବୁ ଓ ଆଶା କରୁଛୁ ଯେ ଆମର ଯିବା ପୂର୍ବରୁ ଅନ୍ତତ ପକ୍ଷେ ଜେଲରେ ଥିବା ଲୋକମାନଙ୍କୁ ଅତି କମରେ ମୁକ୍ତ କରାଯିବ, ଯଦି ସେମାନଙ୍କୁ ମୁକ୍ତ ନ କରନ୍ତି ତେବେ ଅନ୍ତତ ପକ୍ଷେ ସେମାନଙ୍କୁ ଜମ୍ମୁ କାଶ୍ମୀରକୁ ଆଣନ୍ତୁ ଯାହାଦ୍ୱାରା ସେମାନଙ୍କ ପରିବାର ସଦସ୍ୟଙ୍କୁ ସେମାନଙ୍କୁ ଭେଟି ପାରିବେ ।

କାଶ୍ମୀର ପ୍ରସଙ୍ଗରେ ପାକିସ୍ତାନ ସହ କଥାବାର୍ତ୍ତା କରନ୍ତୁ: ମେହବୁବା
ମେହବୁବା ମୁଫ୍ତି କହିଛନ୍ତି, ଆମେ ଗୁପକାର ମିଳିତ ମଞ୍ଚର ଏଜେଣ୍ଡା ଅନୁଯାୟୀ ଆଲୋଚନା କରିବୁ । ଆମଠାରୁ କ’ଣ ଛଡ଼ାଇ ନିଆଯାଇଛି, ଏହା ଭୁଲ୍ ହୋଇଛି ବୋଲି ଆମେ ଆଲୋଚନା କରିବା । ଏହା ବେଆଇନ ଓ ଅସାମ୍ବିଧାନିକ ଅଟେ । ଏହାକୁ ପୁନଃ ସ୍ଥାପିତ ନକରି ଜମ୍ମୁ କାଶ୍ମୀରରେ ଶାନ୍ତି ପୁନଃସ୍ଥାପିତ ହୋଇପାରିବ ନାହିଁ । ଏହା ସହିତ ମେହବୁବା ମୁଫ୍ତି କହିଛନ୍ତି ଯେ ଭାରତ ସରକାର ମଧ୍ୟ କାଶ୍ମୀର ପ୍ରସଙ୍ଗରେ ପାକିସ୍ତାନ ସହିତ କଥା ହେବା ଉଚିତ୍ ।

ଅଧିକ ପଢ଼ନ୍ତୁ: Driving License ପାଇଁ ଦେବାକୁ ପଡିବ ନାହିଁ ଟେଷ୍ଟ, ୧ ଜୁଲାଇରୁ ବଦଳିବ ଏହି ନିୟମ

ଧାରା ୩୭୦ ଓ ୩୫ଏ ଉପରେ କୌଣସି ବୁଝାମଣା ନାହିଁ: ମୁଜାଫର ଶାହା
ଗୁପକାର ସଂଗଠନର ନେତା ମୁଜାଫର ଶାହା (Muzaffar Shah) କହିଛନ୍ତି, 'ଆମେ ଆକାଶର ତାରା ମାଗିବୁ ନାହିଁ । ଯାହା ଆମର, ତାହା ଆମେ ସେଠାରେ ମାଗିବୁ । ଏହି ବୈଠକର ଏଜେଣ୍ଡା ବିଷୟରେ ଆମେ ଅବଗତ ନାହୁଁ । ଆମେ ସେଠାକୁ ଯାଇ ଜମ୍ମୁ କାଶ୍ମୀର ଓ ଲଦାଖର ଲୋକଙ୍କ ପାଇଁ ଓକିଲାତି କରିବୁ । ଏହା ସହିତ ମୁଜାଫର ଶାହା କହିଛନ୍ତି ଯେ ଆମେ ବୈଠକରେ ଧାରା ୩୭୦ ଓ ୩୫ଏ ବିଷୟରେ ମଧ୍ୟ ଆଲୋଚନା କରିବୁ ଓ ଏଥିରେ କୌଣସି ଚୁକ୍ତିନାମା କରାଯିବ ନାହିଁ ।

ପ୍ରଧାନମନ୍ତ୍ରୀଙ୍କ ସାମ୍ନାରେ ଆମର ସମସ୍ୟା ରଖିବ: ଫାରୁକ୍ ଅବଦୁଲ୍ଲା 
ରାଷ୍ଟ୍ରୀୟ ସମ୍ମିଳନୀ ମୁଖ୍ୟ ଫାରୁକ୍ ଅବଦୁଲ୍ଲା (Farooq Abdullah) କହିଛନ୍ତି, 'ଆମେ ଆଶା କରୁଛୁ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ସାମ୍ନାରେ ଆମର ସମସ୍ୟା ରଖିବୁ । ବୈଠକ ସରିବା ପରେ ଆମେ ଆପଣଙ୍କୁ କହିବୁ ଯେ ଆମେ କ’ଣ କହିଲୁ । ବୈଠକ ସମ୍ପର୍କରେ ସେ କହିଛନ୍ତି ଯେ କେନ୍ଦ୍ର ଦ୍ୱାରା କୌଣସି ଏଜେଣ୍ଡା ସ୍ଥିର କରାଯାଇ ନାହିଁ । ଆପଣ ଯେକୌଣସି ବିଷୟ ଉପରେ କହିପାରିବେ ।