Shocking: କେରଳରୁ ଆସିଲା ଭୟଙ୍କର ଖବର, ବ୍ରେନ୍ କୁ ଖିନଭିନ କରି ଖାଇଦେଲା Amoeba

Shocking: ଏହି ରୋଗର ମୁଖ୍ୟ ଲକ୍ଷଣ ହେଉଛି ଜ୍ୱର, ମୁଣ୍ଡବିନ୍ଧା, ବାନ୍ତି ଏବଂ ମସ୍ତିଷ୍କ ଭିତରେ ଝଟକା ପରି ଲାଗିବା ବା ବାତ ଲାଗିବା । ଏହି ବିରଳ ମସ୍ତିଷ୍କ ସଂକ୍ରମଣର ମୃତ୍ୟୁ ହାର ଶତପ୍ରତିଶତ ଥିବାରୁ ଏହି ରୋଗ ହେତୁ ସମସ୍ତ ସଂକ୍ରମିତ ରୋଗୀ ପ୍ରାଣ ହରାଇଛନ୍ତି।

Shocking:  ଦୂଷିତ ପାଣିରେ ଗାଧୋଇବା କେବଳ ବିପଜ୍ଜନକ ନୁହେଁ ବରଂ ସାଂଘାତିକ ମଧ୍ୟ ହୋଇପାରେ। ନିକଟରେ କେରଳରୁ ଏକ ପାଞ୍ଚ ବର୍ଷର ନାବାଳିକା ପୋଖରୀର ଦୂଷିତ ପାଣିରେ ଗାଧୋଇବା ପରେ ମୃତ୍ୟୁ ବରଣ କରିଛି। ପୋଖରୀରେ ସ୍ନାନ କରିଥିବା ଝିଅଟିର ମସ୍ତିଷ୍କ ଖାଉଥିବା ଆମୋବା କାରଣରୁ ଏକ ବିରଳ ସଂକ୍ରମଣ ହେତୁ ତାଙ୍କର ମୃତ୍ୟୁ ହୋଇଥିବା କୁହାଯାଉଛି। PTI ର ରିପୋର୍ଟ ଅନୁଯାୟୀ, ଦୂଷିତ ଜଳରୁ ମିଳିଥିବା ଏକ ମୁକ୍ତ ଜୀବନ୍ତ ଆମୋବା କାରଣରୁ ଏକ ବିରଳ ମସ୍ତିଷ୍କ ସଂକ୍ରମଣ, ଆମୋବିକ୍ ମେନିଙ୍ଗୋଏନ୍ସଫାଲାଇଟିସ୍ ଦ୍ୱାରା ପୀଡ଼ିତ ଝିଅର ମଙ୍ଗଳବାର କେରଳର ମାଲାପୁରମ୍ ଜିଲ୍ଲାରେ ମୃତ୍ୟୁ ହୋଇଥିଲା।

ମୋନିୟୁର ପଞ୍ଚାୟତରୁ ଆସିଥିବା ଏହି ଖବର ଅନୁଯାୟୀ ଶିଶୁଟିର ସୋମବାର ରାତିରେ କୋଜିକୋଡେ ମେଡିକାଲ କଲେଜର ମାତୃ ଓ ଶିଶୁ ସ୍ୱାସ୍ଥ୍ୟ ପ୍ରତିଷ୍ଠାନରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ ହୋଇଛି, ଯେଉଁଠାରେ ସେ ଏକ ସପ୍ତାହ ଧରି ଚିକିତ୍ସିତ ହେଉଥିଲେ। ଡାକ୍ତରୀ ବିଶେଷଜ୍ଞମାନେ ଦର୍ଶାଇଛନ୍ତି ଯେ ଏହି ସଂକ୍ରମଣ ଯେତେବେଳେ ମୁକ୍ତ-ଜୀବନ୍ତ, ଅଣ-ପରଜୀବୀ ଆମୋବା ଜୀବାଣୁ ଦୂଷିତ ଜଳରୁ ନାକ ଦେଇ ଶରୀରକୁ ପ୍ରବେଶ କରନ୍ତି ସେତେବେଳେ ଏହି ସଂକ୍ରମଣ ହୁଏ। PTI ସୂତ୍ର ଅନୁଯାୟୀ, ଶିଶୁଟି ମେ ୧ରେ ନିକଟସ୍ଥ ପୋଖରୀରେ ଗାଧୋଇସାରିବା ର କିଛି ଘଣ୍ଟା ପରେ ଶରୀରରେ ଜ୍ୱର, ମୁଣ୍ଡବିନ୍ଧା ଏବଂ ବାନ୍ତି ହେବାର ଲକ୍ଷଣ ଦେଖା ଦେଇଥିଲା। 

ଶିଶୁଟି ଏହି ସଂକ୍ରମଣରେ ଆକ୍ରାନ୍ତ ହେବା ପରେ ଦୀର୍ଘ ଦିନ ଧରି ଭେଣ୍ଟିଲେଟରରେ ଥିଲା ଏବଂ ସୁସ୍ଥ ହେବାକୁ ଦିଆଯାଇଥିବା ଔଷଧ ମଧ୍ୟ କାମ କରିନଥିଲା। ଅନ୍ୟ ପିଲାମାନେ ମଧ୍ୟ ସେହି ପୋଖରୀରେ ସେହି ୫ ବର୍ଷୀୟ ଶିଶୁ ସହିତ ଗାଧୋଉଥିଲେ। ତେବେ ସଂକ୍ରମଣମୁକ୍ତ ଥିବା ଜଣାପଡିବା ପରେ ସେମାନଙ୍କୁ ଡିସଚାର୍ଜ କରାଯାଇଥିଲା ବୋଲି ରିପୋର୍ଟରେ ଦର୍ଶାଯାଇଛି।

ଏହି ରୋଗ ପୂର୍ବରୁ ୨୦୨୩ ଏବଂ ୨୦୧୭ରେ କେରଳ ରାଜ୍ୟର ଉପକୂଳବର୍ତ୍ତୀ ଆଲାପୁଜା ଜିଲ୍ଲାରେ ରିପୋର୍ଟ କରାଯାଇଥିଲା। ୨୦୨୩ ମସିହାରେ କେରଳର ଆଲାପୁଜା ଜିଲ୍ଲାର ଜଣେ ୧୫ ବର୍ଷୀୟ ବର୍ଷର ନାବାଳକର ଦୁଃଖଦ ଭାବରେ ଏକ ବିରଳ ମସ୍ତିଷ୍କ ସଂକ୍ରମଣରେ ପୀଡିତ ହୋଇଥିଲା। ଏହି ରୋଗର ମୁଖ୍ୟ ଲକ୍ଷଣ ହେଉଛି ଜ୍ୱର, ମୁଣ୍ଡବିନ୍ଧା, ବାନ୍ତି ଏବଂ ମସ୍ତିଷ୍କ ଭିତରେ ଝଟକା ପରି ଲାଗିବା ବା ବାତ ଲାଗିବା । ଏହି ବିରଳ ମସ୍ତିଷ୍କ ସଂକ୍ରମଣର ମୃତ୍ୟୁ ହାର ଶତପ୍ରତିଶତ ଥିବାରୁ ଏହି ରୋଗ ହେତୁ ସମସ୍ତ ସଂକ୍ରମିତ ରୋଗୀ ପ୍ରାଣ ହରାଇଛନ୍ତି।