ଚର୍ଚ୍ଚାରେ ପାକିସ୍ତାନ ମନ୍ତ୍ରୀ; କାରନାମା ଶୁଣିଲେ ଉଡିଯିବ ହୋସ

ନିଜର ଅଜବ କାରନାମାକୁ ନେଇ ବିଭିନ୍ନ ସମୟରେ ଚର୍ଚ୍ଚା ପରିସର ମଧ୍ୟରେ ରହିଥାନ୍ତି ପାକିସ୍ତାନୀ ରାଜନେତା।

ଇସଲାମାବାଦ: ବିବାଦୀୟ ବୟାନ କିମ୍ବା ଅଜବ ଧରଣର କାରନାମାକୁ ନେଇ ଚର୍ଚ୍ଚା ପରିସର ମଧ୍ୟରେ ରହିଥାନ୍ତି ପାକିସ୍ତାନୀ ରାଜନେତା। ଯାହାର ଭିଡି଼ଓ ବିଭିନ୍ନ ସମୟରେ ଭାଇରାଲ ହୋଇଥାଏ। ସଦ୍ୟ ଏବେ ଏହି ତାଲିକାରେ ସାମିଲ ହୋଇଛନ୍ତି ପାକିସ୍ତାନରେ କ୍ଷମତାସୀନ ଇମରାନ ଖାନ ସରକାରଙ୍କ ପଞ୍ଜାବ ପ୍ରଦେଶ ମନ୍ତ୍ରୀ ଫୈୟାଜ ଅଲ ହସନ ଚୌହାନ। 

ଏକ ଶୋରୁମା୍ ଉଦଘାଟନ କରିବା ଲାଗି ଆୟୋଜିତ ହୋଇଥିବା କାର୍ଯ୍ୟକ୍ରମରେ ଯୋଗ ଦେବା ଲାଗି ପାକିସ୍ତାନ ପଞ୍ଜାବ ପ୍ରଦେଶ (Punjab Province) ଜେଲ ମନ୍ତ୍ରୀ (Jail Minister) ଫୈୟାଜ ଅଲ ହସନ ଚୌହାନଙ୍କୁ (Fayez Al Hasan Chauhan) ମିଳିଥିଲା ନିମନ୍ତ୍ରଣ। ଏହି କାର୍ଯ୍ୟକ୍ରମକୁ ଫିତା କାଟି ଉଦଘାଟନ କରିଥାନ୍ତେ ମନ୍ତ୍ରୀ। ହେଲେ ଶୋରୁମ୍ ଉଦଘାଟନ କରିବା ବେଳେ ସେଠାରେ ଯାହା ଘଟିଲା ତାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।

ନିଜ ଦ୍ୱାରା କରାଯାଇଥିବା ଅଜବ କାରନାମାର ଭିଡିଓ ଭାଇରାଲ ହେବା ଏବେ ଚର୍ଚ୍ଚାର ପରିସରରେ ରହିଛନ୍ତି ପଞ୍ଜାବ ପ୍ରଦେଶ ଜେଲ ମନ୍ତ୍ରୀ। ଶୋରୁମ୍ ଉଦଘାଟନ ଲାଗି ଆୟୋଜିତ ହୋଇଥିବା  କାର୍ଯ୍ୟକ୍ରମରେ ଫିତା କାଟି ଏହାକୁ ଉଦଘାଟନ କରିଥାନ୍ତେ ମନ୍ତ୍ରୀ। ହେଲେ ଫିତା କାଟିବା ଲାଗି ଆସିଥିବା କଇଁଞ୍ଚି କାମ ନକରିବାରୁ ସେଠାରେ ଲଗାଯାଇଥିବା ଫିତାକୁ ଦାନ୍ତରେ କାମୁଡି ଛିଣ୍ଡାଇଦେବା ସହ ଶୋରୁମ ଉଦଘାଟନ କରିଥିଲେ ମନ୍ତ୍ରୀ। 

ଭାଇରାଲ ହୋଇଥିବା ଏହି ଭିଡିଓରେ ଦେଖିବାକୁ ମିଳିଛି କଇଁଞ୍ଚି ମାଧ୍ୟମରେ ରିବନକୁ କାଟିବା ପାଇଁ ଥରେ ଦୁଇ ଥର  ଚେଷ୍ଟା କରିଥିଲେ ପଞ୍ଜାବ ପ୍ରଦେଶ ଜେଲ ମନ୍ତ୍ରୀ। ହେଲେ କାର୍ଯ୍ୟକ୍ରମ ଚାଲଥିବା କଇଁଞ୍ଚି କାମ କରିନଥିଲା। ଆଉ ଶେଷରେ ଫିତାକୁ ଦାନ୍ତରେ କାମୁଡି ଛିଣ୍ଡାଇ ଦେଇଥିଲେ ସେ। ମନ୍ତ୍ରୀଙ୍କ ଏପରି କାରନାମାକୁ ଦେଖିବା ପରେ ସେଠାରେ ଉପସ୍ଥିତ ଲୋକ ନିଜ ହସକୁ ରୋକି ପାରିନଥିଲେ। ଏପରିକି ମନ୍ତ୍ରୀଙ୍କ ଏଭଳି କାମ ପାଇଁ ତାଳି ବଜାଇ ତାଙ୍କୁ ସ୍ୱାଗତ ଜଣାଇଥିଲେ।