ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ଆଜି(ଗୁରୁବାର) ନିଜ ସଂସଦୀୟ କ୍ଷେତ୍ର ବାରାଣାସୀ ଗସ୍ତ କରିବେ । ଏହି ଗସ୍ତ ସମୟରେ ସେ ୧୫୦୦ କୋଟି ଟଙ୍କାରୁ ଅଧିକ ମୂଲ୍ୟର ଅନେକ ବିକାଶମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ (UP Assembly Election 2022) କୁ ଦୃଷ୍ଟିରେ ରଖି ମୋଦି (PM Modi) ଙ୍କ ବାରାଣାସୀ ଗସ୍ତ ଗୁରୁତ୍ୱପୂର୍ଣ୍ଣ । ଏହି ଗସ୍ତକୁ ବିଜେପି (BJP) ର ବିଧାନସଭା ନିର୍ବାଚନ ପ୍ରଚାରର ଆରମ୍ଭ ବୋଲି ମଧ୍ୟ କୁହାଯାଇପାରେ, କାରଣ ପ୍ରଧାନମନ୍ତ୍ରୀ ଏହି ପ୍ରକଳ୍ପର ଉଦଘାଟନ ପରେ ଏକ ସାଧାରଣ ସଭାକୁ ସମ୍ବୋଧନ କରିବେ । ଚଳିତ ବର୍ଷ ମୋଦିଙ୍କ ନିଜ ସଂସଦୀୟ କ୍ଷେତ୍ରକୁ ପ୍ରଥମ ଗସ୍ତ ହେବ ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ଆଜି ପୁଣି ପେଟ୍ରୋଲ-ଡିଜେଲ ମୂଲ୍ୟରେ ଲାଗିଲା ନିଆଁ, ଜାଣନ୍ତୁ ଆପଣଙ୍କ ସହରରେ କ'ଣ ରହିଛି ରେଟ୍?


ପିଏମ ମୋଦି ବିଭିନ୍ନ ଜନ ପ୍ରକଳ୍ପ ଓ କାର୍ଯ୍ୟକ୍ରମର ଉଦଘାଟନ କରିବେ, ଯେଉଁଥିରେ ବନାରସ ହିନ୍ଦୁ ବିଶ୍ୱବିଦ୍ୟାଳୟ (BHU) ରେ ୧୦୦ ଶଯ୍ୟା ବିଶିଷ୍ଟ MCH ୱିଙ୍ଗ ସାମିଲ ରହିଛି । ସକାଳ ପ୍ରାୟ ୧୧ଟା ସମୟରେ ପ୍ରଧାନମନ୍ତ୍ରୀ ବିଏଚୟୁରେ ୧୦୦ ଶଯ୍ୟା ବିଶିଷ୍ଟ MCH ୱିଙ୍ଗ, ଗୋଦାଉଲିଆରେ ବହୁ ସ୍ତରୀୟ ପାର୍କିଂ ସ୍ଥାନ, ଗଙ୍ଗା ନଦୀରେ ପର୍ଯ୍ୟଟନ ବିକାଶ ପାଇଁ ରୋ-ରୋ ନୌକା ଏବଂ ବାରାଣାସୀ-ଗାଜିପୁର ରାଜପଥରେ ତିନି ଲେନ ବିଶିଷ୍ଟ ଫ୍ଲାଏ ଓଭର ବ୍ରିଜ ସମେତ ବିଭିନ୍ନ ଜନସାଧାରଣ ପ୍ରକଳ୍ପ ଏବଂ କାର୍ଯ୍ୟର ଉଦଘାଟନ କରିବେ ।


ଅଧିକ ପଢ଼ନ୍ତୁ:-ଯଦି ଆପଣଙ୍କ ପାଖରେ ଅଛି ଏହି ୧ ଟଙ୍କା, ତେବେ ଘରେ ବସି ରୋଜଗାର କରନ୍ତୁ ୭ ଲକ୍ଷ ଟଙ୍କା, ଜାଣନ୍ତୁ କେମିତି?


ଏହି ସମୟରେ ପ୍ରାୟ ୭୪୪ କୋଟି ଟଙ୍କା ମୂଲ୍ୟର ପ୍ରକଳ୍ପ ଉଦଘାଟନ ହେବ । ପ୍ରଧାନମନ୍ତ୍ରୀ ପ୍ରାୟ ୮୩୯ କୋଟି ଟଙ୍କା ବ୍ୟୟରେ ବିଭିନ୍ନ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ କରିବେ । ଏଥିରେ ସେଣ୍ଟ୍ରାଲ୍ ଇନଷ୍ଟିଚ୍ୟୁଟ୍ ଅଫ୍ ପେଟ୍ରୋକେମିକାଲ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜି (CIPET) ର ସେଣ୍ଟର ଫର ସ୍କିଲ୍ ଏବଂ ଟେକ୍ନିକାଲ୍ ସପୋର୍ଟ, ଜଳ ମିଶନ ଅଧୀନରେ ୧୪୩ଟି ଗ୍ରାମୀଣ ପ୍ରକଳ୍ପ ଏବଂ କରଖିଆନଭରେ ଆମ୍ବ ଏବଂ ପନିପରିବା ପାଇଁ ଇଣ୍ଟିଗ୍ରେଟେଡ୍ ପ୍ୟାକ୍ ହାଉସ୍ ସାମିଲ ରହିଛି ।


ମଧ୍ୟାହ୍ନ ପ୍ରାୟ ୧୨:୧୫ରେ ପ୍ରଧାନମନ୍ତ୍ରୀ ମୋଦି ଜାପାନ ସହଯୋଗରେ ନିର୍ମିତ ଆନ୍ତର୍ଜାତୀୟ କୋ ଅପରେସନ୍ ଏବଂ କନଭେନସନ୍ ସେଣ୍ଟର - ରୁଦ୍ରାକ୍ଷକୁ ଉଦଘାଟନ କରିବେ । ଏହା ପରେ ଦିନ ପ୍ରାୟ ୨ଟାରେ ସେ BHU ର ମାତୃ ଓ ଶିଶୁ ସ୍ୱାସ୍ଥ୍ୟ ୱିଙ୍ଗ୍ ନିରୀକ୍ଷଣ କରିବେ । ପ୍ରଧାନମନ୍ତ୍ରୀ ମୋଦି କୋଭିଡ-19 ପାଇଁ ପ୍ରସ୍ତୁତିର ସମୀକ୍ଷା ପାଇଁ ଅଧିକାରୀ ଓ ଡାକ୍ତରୀ ବୃତ୍ତିଗତଙ୍କ ସହ ସାକ୍ଷାତ ମଧ୍ୟ କରିବେ ।


ଅଧିକ ପଢ଼ନ୍ତୁ:-କେନ୍ଦ୍ର କର୍ମଚାରୀଙ୍କୁ ବହୁତ ବଡ଼ ଖୁସି ଖବର ଦେଲେ ମୋଦି ସରକାର, ମିଳିବ ୨୮ ପ୍ରତିଶତ ମହଙ୍ଗା ଭତ୍ତା


ଆଜି ମୋଦିଙ୍କ କାର୍ଯ୍ୟକ୍ରମ


ସକାଳ ୧୦.୩୦ରେ ବାରାଣାସୀ ବିମାନବନ୍ଦରରେ ପହଞ୍ଚିବ ।


ସକାଳ ୧୧ଟାରେ BHU ହେଲିପ୍ୟାଡ୍ ସଭାସ୍ଥଳ ଲୋକାର୍ପଣ । ୧୫୮୩ କୋଟି ମୂଲ୍ୟର ୨୮୦ଟି ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିବେ- (ପିଏମ ମୋଦିଙ୍କ ସମ୍ୱୋଧନ ଏଠାରେ ହେବ)


ମଧ୍ୟାହ୍ନ ୧୨.୧୫ରେ ରୁଦ୍ରାକ୍ଷ କନଭେନସନ୍ ସେଣ୍ଟର ଆସି ରୁଦ୍ରାକ୍ଷର ଲୋକାର୍ପଣ କରିବେ । (ପିଏମ ମୋଦିଙ୍କ ସମ୍ୱୋଧନ ଏଠାରେ ରହିବ)


ଦିନ ୨.୦୦ଟାରେ MCH ୱିଙ୍ଗର ଡାକ୍ତରମାନଙ୍କ ସହିତ ଆଲୋଚନା କରିବେ ।


ପ୍ରଧାନମନ୍ତ୍ରୀ କାଶୀରୁ ଅପରାହ୍ନ ୩ଟାରେ ଫେରିବେ ।