Railway Land Licensing Fee: ୩୦ ବର୍ଷରୁ ଅଧିକ ସମୟ ପାଇଁ ଲିଜରେ ଯିବ ରେଳବାଇ ଜମି

Railway Land Licensing Fee: ନୂଆଦିଲ୍ଲୀ: ରେଳବାଇ ସମ୍ପର୍କରେ ଆଜି ମୋଦି ସରକାର ଏକ ବଡ ନିଷ୍ପତ୍ତି ନେଇଛନ୍ତି। ରେଳବାଇ ଜମିକୁ ଲିଜ୍ ଦେବା ସମୟରେ ବୃଦ୍ଧି କରିଛନ୍ତି ମୋଦି ସରକାର। ୫ ବର୍ଷରୁ ୩୫ ବର୍ଷକୁ ବୃଦ୍ଧି କରିଛନ୍ତି ମୋଦି ସରକାର। ଏହା ବ୍ୟତୀତ ରେଳବାଇ ଜମିର ରେଳ ଜମି ଲିଜ୍ (LLF) ପାଇଁ ଶୁଳ୍କ ହ୍ରାସ କରିବାକୁ ନିଷ୍ପତ୍ତି ନିଆଯାଇଛି। ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଅନୁରାଗ ଠାକୁର ଏହି ସୂଚନା ଦେଇଛନ୍ତି। ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ରେଳ ଜମି ପଟ୍ଟା ପରିବର୍ତ୍ତନକୁ ନିଷ୍ପତ୍ତିକୁ ଅନୁମୋଦନ ମିଳିଛି। 

ରେଳବାଇ ଜମିର ଏଲଏଲଏଫ କାଟିବାକୁ ନିଷ୍ପତ୍ତି ନିଆଯାଇଛି। ଜମି ଲାଇସେନ୍ସ ପାଇଁ ଫି ୬ ପ୍ରତିଶତରୁ ୧.୫ ପ୍ରତିଶତକୁ କମାଇ ଦିଆଯାଇଛି। ବଜାର ଦର ତୁଳନାରେ ରେଳବାଇ ଜମିର ଦର ୧.୫ ପ୍ରତିଶତ ନିଆଯିବ। ଏଥିପାଇଁ ପ୍ରତି ବର୍ଗଫୁଟ ହିସାବରେ ୧ ଟଙ୍କା ଦିଆଯିବ। 

ଅନୁରାଗ ଠାକୁର କହିଥିଲେ ଯେ, ପିଏମ ଗତିଶକ୍ତି ଫ୍ରେମଓ୍ୱାର୍କକୁ ଲାଗୁ କରିବା ପାଇଁ ରେଳବାଇର ଜମି ଲିଜ ନିୟମରେ ସଂଶୋଧନ କରାଯାଇଛି। ଆଗାମୀ ୫ ବର୍ଷରେ ୩୦୦ରୁ ଊର୍ଦ୍ଧ୍ୱ ଗତିଶକ୍ତି ଟର୍ମିନାଲ ପ୍ରସ୍ତୁତ କରାଯିବ। ଏଥିପାଇଁ ପ୍ରାୟ ୧.୨୫ ଲକ୍ଷରୁ ଊର୍ଦ୍ଧ୍ୱ ନିଯୁକ୍ତି ପ୍ରକ୍ରିୟା ସୁଯୋଗ ସୃଷ୍ଟି ହେବ। 

ରେଳବାଇ ଜମିକୁ ଲିଜରେ ଦେବା ସମୟ ଅବଧି ବୃଦ୍ଧି ପରେ ସରକାରୀ କଣ୍ଟେନର କମ୍ପାନୀ କନକୋର ଅଧିକ ଲାଭାନ୍ୱିତ ହେବ। ୨୦୨୦ ପର୍ଯ୍ୟନ୍ତ କନକୋର ସରକାରୀ କମ୍ପାନୀର ମାନ୍ୟତା ମିଳିବା ପରେ ଲିଜର ଲାଭ ଉଠାଉଥିଲା। ଯଦିଓ ଏହା ପରେ ସରକାର ଏକ ଆଦେଶ ଜାରି କରିଥିଲେ। ଏହି ଆଦେଶ କ୍ରମେ ବର୍ତ୍ତମାନ ସରକାରୀ ଏବଂ ବେସରକାରୀ କମ୍ପାନୀଗୁଡିକରୁ ସମାନ ଲିଜ୍ ଶୁଳ୍କ ଆଦାୟ କରାଯିବ। 

ସେହିପରି ଆଜିର କ୍ୟାବିନେଟ ବୈଠକରେ ଦେଶର ୧୪,୫୦୦ ବିଦ୍ୟାଳୟର ନବୀକରଣ ନିଷ୍ପତ୍ତି ଅନୁମୋଦନ ହୋଇଛି । 'ପିଏମ- ଶ୍ରୀ' ଯୋଜନା ଅଧୀନରେ ଏହି ବିଦ୍ୟାଳୟଗୁଡ଼ିକର ନବୀକରଣ କରାଯିବ । ଏହି ବିଦ୍ୟାଳୟରେ କେନ୍ଦ୍ରୀୟ ବିଦ୍ୟାଳୟ ଓ ନବୋଦୟ ବିଦ୍ୟାଲୟଙ୍କୁ ମଧ୍ୟ ଅନ୍ତର୍ଭୁକ୍ତ କରାଯିବ । ଏହା ବ୍ୟତୀତ ରେଳ ଜମିକୁ ଦୀର୍ଘ ସମୟ ପାଇଁ ଲିଜ୍ ନେବାକୁ ମଧ୍ୟ କ୍ୟାବିନେଟ୍ ନିଷ୍ପତ୍ତି ନେଇଛି । ଏହି ଜମିଗୁଡିକ PM ଗତି ଶକ୍ତି ଢାଞ୍ଚା ଅଧୀନରେ ବ୍ୟବହୃତ ହେବ । ଆସନ୍ତା ୫ ବର୍ଷ ମଧ୍ୟରେ ଏହି ଜମିଗୁଡିକରେ ୩୦୦ କାର୍ଗୋ ଟର୍ମିନାଲ୍ ବିକଶିତ ହେବ । ଆସନ୍ତା ୯୦ ଦିନ ମଧ୍ୟରେ ପ୍ରଧାନମନ୍ତ୍ରୀ ଗତି ଶକ୍ତି ଯୋଜନା କାର୍ଯ୍ୟକାରୀ ହେବ ବୋଲି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ।

କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ୨୭,୩୬୦ କୋଟି ଟଙ୍କା ବ୍ୟୟରେ ୨୦୨୨ ରୁ ୨୦୨୭ ପର୍ଯ୍ୟନ୍ତ ୧୪୬୦୦ ବିଦ୍ୟାଳୟର ଗୁଣବତ୍ତା ବୃଦ୍ଧି କରାଯିବ । ଏହା ଅଧୀନରେ ପ୍ରତ୍ୟେକ ବ୍ଲକରେ ଦୁଇଟି ବିଦ୍ୟାଳୟର ଗୁଣବତ୍ତା ବୃଦ୍ଧି କରାଯାଇଥିଲା । ରାଜ୍ୟ ସରକାରଙ୍କ ପରାମର୍ଶରେ ବିଦ୍ୟାଳୟଗୁଡ଼ିକୁ ଚୟନ କରାଯିବ । ବିଦ୍ୟାଳୟର ଗୁଣବତ୍ତା ଉପରେ ଆଧାର କରି ଯେକୌଣସି ବିଦ୍ୟାଳୟ ଚୟନ କରାଯିବ । ଏହି ଯୋଜନାର ମୌଳିକ ଉଦ୍ଦେଶ୍ୟ ହେଉଛି ବିଦ୍ୟାଳୟଗୁଡ଼ିକରେ ଗୁଣାତ୍ମକ ଅଭିବୃଦ୍ଧି ହେବା ଉଚିତ୍ ।