Weather Alert: ଏହି ସବୁ ରାଜ୍ୟ ପାଇଁ ଝଡ଼ ତୋଫାନ ସହ ପ୍ରବଳ ବର୍ଷା, ଓଡ଼ିଶା ପାଇଁ ଏପରି ରହିବ ପାଣିପାଗ
Weather Alert: କେତେକ ଅଞ୍ଚଳରେ ଖରାପ ପାଗର ସମ୍ଭାବନାକୁ ଦୃଷ୍ଟିରେ ରଖି ବଜ୍ରପାତ ଏବଂ ହାଲୁକା ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି। ବିହାରରେ ବର୍ଷା ହେତୁ ତାପମାତ୍ରା ଦୁଇରୁ ଚାରି ଡିଗ୍ରୀ ହ୍ରାସ ପାଇପାରେ।
Weather Alert: ନୂଆଦିଲ୍ଲୀ: ଏଥର ଦିଲ୍ଲୀରେ ଏପ୍ରିଲ ମାସରେ ପାଗ ଅତ୍ୟନ୍ତ ସ୍ୱାଭାବିକ ରହିଥିଲା। ଗତ ମାସରେ ଦିଲ୍ଲୀର ବିଭିନ୍ନ ଅଞ୍ଚଳରେ ବର୍ଷା ହୋଇଥିଲା। ହାରାହାରି ତାପମାତ୍ରା ମଧ୍ୟ ସ୍ୱାଭାବିକଠାରୁ କମ୍ ରେକର୍ଡ କରାଯାଇଥିଲା। ଏଥର ଏପ୍ରିଲରେ ଗୋଟିଏ ବି ଦିନ ତାତି ଅନୁଭୂତ ହୋଇନଥିବା ଦେଖିବାକୁ ମିଳିଥିଲା। ତେବେ ମେ ମାସ ଆରମ୍ଭରେ ଦିଲ୍ଲୀ ଏନସିଆର ସମେତ ଉତ୍ତର ଭାରତର ଅନେକ ରାଜ୍ୟରେ ବର୍ଷା ହେବାକୁ ଯାଉଥିବା ନେଇ ପାଣିପାଗ ପକ୍ଷରୁ ସୂଚନା ରହିଛି।
ପାଣିପାଗ ବିଭାଗ ଅନୁଯାୟୀ ଆଗାମୀ ୨୪ ଘଣ୍ଟା ମଧ୍ୟରେ ଦିଲ୍ଲୀ, ପଞ୍ଜାବ, ହରିଆଣା, ଉତ୍ତରପ୍ରଦେଶ, ଝାଡଖଣ୍ଡ, ପଶ୍ଚିମବଙ୍ଗ, ରାଜସ୍ଥାନ, ଗୁଜୁରାଟ, ମଧ୍ୟ ପ୍ରଦେଶ, ଛତିଶଗଡ଼, ମହାରାଷ୍ଟ୍ର, ଓଡ଼ିଶା, ତେଲଙ୍ଗାନା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡୁ, କେରଳ ଓ ସିକ୍କିମରେ ହାଲୁକାଧରଣର ବର୍ଷା ଦେଖିବାକୁ ମିଳିପାରେ। ସେହିପରି ସୋମବାର ଦିଲ୍ଲୀ ଓ ଏନସିଆର ଅଞ୍ଚଳରେ ଆକାଶ ମେଘାଚ୍ଛନ ରହିବ। ଏହା ସହିତ ଘଡ଼ଘଡ଼ି ସହିତ ମଧ୍ୟମ ଧରଣର ବର୍ଷା ହେବା ନେଇ ମଧ୍ୟ ପାଣିପାଗ ବିଭାଗ ସୂଚନା ପ୍ରଦାନ କରିଛି। ଦିନସାରା ପବନ ବହିବା ଦ୍ୱାରା ଲୋକମାନେ ଆରାମ ପାଇବେ। ରାଜଧାନୀରେ ଘଣ୍ଟା ପ୍ରତି ୨୫ ରୁ ୩୫ କିଲୋମିଟର ବେଗରେ ପ୍ରବଳ ପବନ ବହିପାରେ। ଦିଲ୍ଲୀର ସର୍ବାଧିକ ତାପମାତ୍ରା ପ୍ରାୟ ୨୮ ଡିଗ୍ରୀ ସେଲସିୟସ ଏବଂ ସର୍ବନିମ୍ନ ତାପମାତ୍ରା ପ୍ରାୟ ୨1 ଡିଗ୍ରୀ ସେଲସିୟସ ହେବାର ସମ୍ଭାବନା ରହିଛି।
ରବିବାର ଦିନ ହିମାଚଳ ପ୍ରଦେଶର ରାଜଧାନୀ ଶିମଲାରେ ପ୍ରବଳ ବର୍ଷା ହେବା ପରେ ସୋମବାର ମଧ୍ୟ ପାଗ ଖରାପ ହେବାକୁ ଯାଉଛି। ପାଣିପାଗ ବିଭାଗ ଅନୁଯାୟୀ, ମେ ୧ ଏବଂ ମଇ ୨ରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସମତଳ ଭୂମି, ନିମ୍ନ ଏବଂ ମଧ୍ୟମ ପାହାଡ ଅଞ୍ଚଳରେ ବଜ୍ରପାତ ଏବଂ କୁଆପଥର ମାଡ ହେବାର ସମ୍ଭାବନା ରହିଛି। ଏହି ଅଞ୍ଚଳ ଗୁଡ଼ିକ ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି। ଏହା ଫସଲ ଏବଂ ଗଛ ଗୁଡିକର କ୍ଷତି ହେବା ନେଇ ଆଶଙ୍କା ମଧ୍ୟ ଦେଖାଦେଇଛି। ମେ ୨ ଓ ୩ ତାରିଖ ରାତିରୁ ଉତ୍ତର ପଶ୍ଚିମ ଭାରତରେ ଏକ ନୂତନ ପାଶ୍ଚାତ୍ୟ ଝଡ଼ର ପ୍ରଭାବ ଦେଖିବାକୁ ମିଳିପାରେ। ଏଭଳି ପରିସ୍ଥିତିରେ, ମେ ୨ ଏବଂ ୩ରେ ହିମାଚଳର ଅନେକ ସ୍ଥାନରେ ବର୍ଷା ହେବାର ପୂର୍ବାନୁମାନ କରାଯାଇଛି।
ଶୁକ୍ରବାର ଦିନ ଅଦିନିଆ ବର୍ଷା, କୁଆପଥର ଏବଂ ବଜ୍ରପାତ ପରେ ମଧ୍ୟପ୍ରଦେଶର କିଛି ଅଞ୍ଚଳରେ ବର୍ଷା ହେବାର ସମ୍ଭାବନା ରହିଛି। ପାଣିପାଗ ବିଭାଗ କେତେକ ଅଞ୍ଚଳ ପାଇଁ 'ଅରେଞ୍ଜ ଆଲର୍ଟ' ଜାରି କରିଛି। ସୋମବାର ରାଜ୍ୟର ଜବଲପୁର, ମଣ୍ଡେଲା, ଡିଣ୍ଡୋରି, ବାଲାଘାଟ, କାଟନି, ଗୁନା, ଭୋପାଳ, ଡାଟିଆ, ଧର, ଇନ୍ଦୋର, ଗ୍ୱାଲିଅର୍, ଶିବପୁରୀ, ଉଜୈନ, ସାଗର ଏବଂ ଶାଜାପୁର ଜିଲ୍ଲାରେ ଘଡଘଡି ସହ ପ୍ରବଳ ପବନ ହୋଇପାରେ। ଏହି ସମୟରେ ପ୍ରବଳ ବର୍ଷା ମଧ୍ୟ ଏହି ଅଞ୍ଚଳରେ ଦେଖିବାକୁ ମିଳେ। ଏଥି ସହିତ ଅନ୍ୟ ଜିଲ୍ଲାମାନଙ୍କ ପାଇଁ ୟେଲୋ ଆଲର୍ଟ ଜାରି କରାଯାଇଛି।
ମେ’ର ପ୍ରଥମ ସପ୍ତାହରେ ରାଜସ୍ଥାନରେ ବଜ୍ରପାତ ଜାରି ରହିପାରେ। ପାଶ୍ଚାତ୍ୟ ଝଡ଼ ହେତୁ ଆସନ୍ତା ୭ ଦିନ ପାଇଁ ବଜ୍ରପାତ ଏବଂ ବର୍ଷା ସମ୍ଭାବନା ରହିଛି। ମେ ୨ ରୁ ନୂତନ ପାଶ୍ଚାତ୍ୟ ବିଭ୍ରାଟର ସକ୍ରିୟ ହେବା ସହିତ ବଜ୍ରପାତ ଏବଂ ବର୍ଷା ପୁଣି ଥରେ ଆରମ୍ଭ ହେବ। ସେହିପରି ବିହାରରେ ବର୍ଷା ହେତୁ ତାପମାତ୍ରା ହ୍ରାସ ପାଇବା ସହିତ ଲୋକମାନେ ମଧ୍ୟ ଉତ୍ତାପରୁ ଆରାମ ପାଇଛନ୍ତି। ତେବେ ବାତ୍ୟା ଏବଂ ବର୍ଷା ହେତୁ ଆମ୍ବ ଫସଲରେ ମଧ୍ୟ ବହୁ କ୍ଷତି ଘଟିଛି। ପାଣିପାଗ ବିଭାଗ ଅନୁଯାୟୀ, ବିହାରରେ ଆସନ୍ତା ଦୁଇ ତିନି ଦିନ ପର୍ଯ୍ୟନ୍ତ କେତେକ ଅଞ୍ଚଳରେ ବଜ୍ରପାତ ହେବାର ସମ୍ଭାବନା ରହିଛି।