ନୂଆଦିଲ୍ଲୀ: ବଲିଉଡ ସୁପରଷ୍ଟାର ସଲମାନ ଖାନଙ୍କ (Salman Khan) ପ୍ରଶଂସକମାନେ ତାଙ୍କୁ 'ଦବଙ୍ଗ ଖାନ' (Dabangg Khan) ଭାବେ ଜାଣିଛନ୍ତି । ସଲମାନ ଖାନ ବଲିଉଡର (Bollywood) ସବୁଠାରୁ ଏଗ୍ରେସିବ ସୁପରଷ୍ଟାର ଭାବରେ ମଧ୍ୟ ଜଣାଶୁଣା । କାରଣ ବାସ୍ତବ ଜୀବନରେ ମଧ୍ୟ ସଲମାନ ଖାନଙ୍କ ପାରା ଅତି ଶୀଘ୍ର ବଢ଼ି ଯାଇଥାଏ ଓ କ୍ରୋଧରେ ସେ ଅନେକ ଥର ନିଜ ନିୟନ୍ତ୍ରଣରୁ ବାହାରି ଯାଇଛନ୍ତି । ଯଦିଓ ବାସ୍ତବତା ହେଉଛି ସଲମାନ ଖାନ (Salman Khan) ସବୁବେଳେ ପରିସ୍ଥିତି ଅନୁଯାୟୀ ନିଜର କାର୍ଯ୍ୟ କରନ୍ତି ।


COMMERCIAL BREAK
SCROLL TO CONTINUE READING

ସଲମାନଙ୍କୁ ବିମାନ ବନ୍ଦରରେ ଅଟକାଇଲେ CISF 
ନିକଟରେ ସୋସିଆଲ ମିଡିଆରେ ଭାଇରାଲ ହୋଇଥିବା ସଲମାନ ଖାନଙ୍କ (Salman Khan) ଏକ ଭିଡିଓ ମଧ୍ୟ ତାଙ୍କର ଦୟାଳୁ ଓ ସହଯୋଗ ପ୍ରକୃତିକୁ ଦର୍ଶାଉଛି । ବିମାନବନ୍ଦରରେ (Airport) ରେକର୍ଡ ହୋଇଥିବା ଏହି ଭିଡିଓରେ ଦବଙ୍ଗ ଖାନ (Dabangg Khan) ନିଜ ବିଳାସପୂର୍ଣ୍ଣ କାରରୁ ଓହ୍ଲାଇ ବିମାନବନ୍ଦର ଗେଟ୍ ଆଡକୁ ଯାଉଥିବାର ନଜର ଆସିଛନ୍ତି । ଯେତେବେଳେ ସେ ବିମାନବନ୍ଦରରେ ପ୍ରବେଶ କରୁଛନ୍ତି ସେତବେଳେ ଜଣେ CISF ଯବାନ ସଲମାନଙ୍କୁ ଅଟକାଇ ଦେଉଛନ୍ତି ।



ସଲମାନ କରିଥିଲେ ପୁରା ସହଯୋଗ
ସଲମାନ ଖାନ ତୁରନ୍ତ ବୁଝି ଯାଇଥିଲେ ଯେ ଏହା ଏକ ସୁରକ୍ଷା ଯାଞ୍ଚ ଓ ସେ ତୁରନ୍ତ ନିଜ ମାସ୍କ ହଟାଇ ସୁରକ୍ଷା ଯାଞ୍ଚର ପାରାମିଟରଗୁଡିକ ଅନୁସରଣ କରିଥିଲେ । ସୋସିଆଲ ମିଡିଆରେ ଦବଙ୍ଗ ଖାନଙ୍କ ଏହି ଷ୍ଟାଇଲକୁ ଲୋକମାନେ ବହୁତ ପସନ୍ଦ କରୁଛନ୍ତି । କମେଣ୍ଟ କରି ଲୋକମାନେ CISF ଯବାନ ଭେଦଭାବ ବିନା କରିଥିବା କର୍ତ୍ତବ୍ୟକୁ ମଧ୍ୟ ପ୍ରଶଂସା କରୁଛନ୍ତି ।


ଅଧିକ ପଢ଼ନ୍ତୁ: ଆଫଗାନିସ୍ତାନରେ ଏହି ୭ ତାଲିବାନି ନେତା କରିବେ ଶାସନ, କିଛି ଆତଙ୍କବାଦୀ ତ ଆଉ କିଛି ମୋଷ୍ଟୱାଣ୍ଟେଡ


ଟାଇଗର-୩ ରେ ନଜର ଆସିବେ ସଲମାନ 
ଦବଙ୍ଗ ଖାନଙ୍କୁ ଖୁବ୍ ଶୀଘ୍ର ଫିଲ୍ମ 'ଟାଇଗର -୩'ରେ କାମ କରୁଥିବାର ଦେଖିବାକୁ ମିଳିବ । ବିମାନବନ୍ଦରରେ ସଲମାନ ଖାନଙ୍କୁ ଦେଖାଯିବାର କାରଣ ମଧ୍ୟ ସେ ନିଜର ଆଗାମୀ ମେଗା ଫିଲ୍ମର ସୁଟିଂ ପାଇଁ ଯାଉଛନ୍ତି । ସେ ନିଜ ଆଗାମୀ ଫିଲ୍ମରେ ଜବରଦସ୍ତ ଆକ୍ସନରେ ନଜର ଆସିବେ । କିନ୍ତୁ ଫିଲ୍ମର ପ୍ରଥମ ଲୁକ୍ କେବେ ରିଲିଜ୍ ହେବ ତାହା କେବଳ ସମୟ କହିବ ।