Temperature Down: ଲଦାଖରେ ମାଇନସ ୨୦ ଡିଗ୍ରୀ...ଭୟଙ୍କର ଥଣ୍ଡାରେ ଥରିଲା ଏହି ୧୦ ରାଜ୍ୟ

Temperature Down: କାଜାରେ ତାପମାତ୍ରା ମାଇନସ୍ ୬.୯ ଡିଗ୍ରୀ ସେଲସିୟସ ଥିବା ବେଳେ କୁକୁମସେରୀରେ ତାପମାତ୍ରା ମାଇନସ ୮.୨ ଡିଗ୍ରୀ ସେଲସିୟସ ରହିଛି । ଆଇଏମଡି ର ସୂଚନା ଅନୁଯାୟୀ, କିନ୍ନୌର ଜିଲ୍ଲାର ରେକଙ୍ଗ-ପିଓରେ ତାପମାତ୍ରା ମାଇନସ୍ ୦.୯ ଡିଗ୍ରୀ ସେଲସିୟସ ରେକର୍ଡ କରାଯାଇଛି।

Temperature Down: ଚାଲିଛି ଡିସେମ୍ବର ମାସର ଶେଷ ସପ୍ତାହ ଏବଂ ଉତ୍ତର ଭାରତରେ ଶୀତଲହରୀ ଜାରି ରହିଛି । ପଶ୍ଚିମାପବନ ପ୍ରଭାବରେ ପାହାଡ଼ରେ ତୁଷାରପାତ ଆରମ୍ଭ ହୋଇଥିବା ବେଳେ ସମତଳ ଅଞ୍ଚଳରେ ବର୍ଷା ଆରମ୍ଭ ହୋଇଯାଇଛି। ସେପଟେ ସୂର୍ଯ୍ୟଙ୍କ ଲୁଚକାଳି ଆରମ୍ଭ ହୋଇଯାଇଥିବାରୁ ତାପମାତ୍ରା କମିବାରେ ଲାଗିଛି । ତେବେ ସବୁଠାରୁ ବଡ଼଼ କଥା ହେଲା ଆଜି ଡିସେମ୍ବର ୨୫ରେ ଲଦାଖରେ ତାପମାତ୍ରା ମାଇନସ୍ ୨୦କୁ ଖସି ଆସିଥିବା ବେଳେ ହିମାଚଳ ପ୍ରଦେଶରେ ତାପମାତ୍ରା ମାଇନସ୍ ୧୦କୁ ଖସି ଆସିଛି। 

ଆଜିର ୧୦ଟି ସବୁଠାରୁ ଥଣ୍ଡା ସହର 
ଆଜି ଦେଶର ସବୁଠାରୁ ଥଣ୍ଡା ସହର ହେଉଛି ଲଦାଖର ନ୍ୟୁମା, ଯେଉଁଠାରେ ତାପମାତ୍ରା ମାଇନସ୍ ୨୦.୩ ଥିଲା। ସେହିପରି ହିମାଚଳର ତବୋରେ ତାପମାତ୍ରା ମାଇନସ୍ ୧୦.୬ ରହିଛି। ଏହାବ୍ୟତୀତ କାଶ୍ମୀରର ମୁଜାଫରାବାଦରେ ତାପମାତ୍ରା ମାଇନସ୍ ୯.୫ ରହିଛି। ସମତଳ ଅଞ୍ଚଳ ବିଷୟରେ କହିବାକୁ ଗଲେ ପଞ୍ଜାବର ଆଦମପୁରରେ ତାପମାତ୍ରା ୪ ଡିଗ୍ରୀରେ ପହଞ୍ଚିଥିବା ବେଳେ ହରିୟାଣାର ନାରନୌଲରେ ତାପମାତ୍ରା ୫.୨ ଡିଗ୍ରୀ ରହିଛି ।

ହିମାଚଳ ପ୍ରଦେଶର ଅଧିକାଂଶ ସ୍ଥାନରେ ତାପମାତ୍ରା ଶୂନରୁ କମ୍ 
ଆଇଏମଡି ର ଏକ ଅପଡେଟ୍ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ହିମାଚଳ ପ୍ରଦେଶର ଅଧିକାଂଶ ସ୍ଥାନରେ ତାପମାତ୍ରା ଶୂନ ତଳେ ରହିଛି। ସର୍ବନିମ୍ନ ତାପମାତ୍ରା ଲାହୋଲ-ସ୍ପିତି ଆଦିବାସୀ ଅଞ୍ଚଳର ତବୋଠାରେ -୧୦.୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି। କାଜାରେ ତାପମାତ୍ରା ମାଇନସ୍ ୬.୯ ଡିଗ୍ରୀ ସେଲସିୟସ ଥିବା ବେଳେ କୁକୁମସେରୀରେ ତାପମାତ୍ରା ମାଇନସ ୮.୨ ଡିଗ୍ରୀ ସେଲସିୟସ ରହିଛି । ଆଇଏମଡି ର ସୂଚନା ଅନୁଯାୟୀ, କିନ୍ନୌର ଜିଲ୍ଲାର ରେକଙ୍ଗ-ପିଓରେ ତାପମାତ୍ରା ମାଇନସ୍ ୦.୯ ଡିଗ୍ରୀ ସେଲସିୟସ ରେକର୍ଡ କରାଯାଇଛି।

ମନାଲିର ତାପମାତ୍ରା ମଧ୍ୟ ମାଇନସ୍ ୦.୩ ଡିଗ୍ରୀ ସେଲସିୟସ ରହିଥିଲା। ରାଜଧାନୀ ସିମଲାରେ ସର୍ବନିମ୍ନ ତାପମାତ୍ରା ୨.୦ ଡିଗ୍ରୀ ସେଲସିୟସ ରେକର୍ଡ କରାଯାଇଥିବା ବେଳେ କୁଫ୍ରି ଓ ନରକାଣ୍ଡାରେ ଯଥାକ୍ରମେ ୦.୧ ଡିଗ୍ରୀ ସେଲସିୟସ ଓ -୨.୮ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । କିନ୍ନୌରର କଳ୍ପାରେ ସର୍ବନିମ୍ନ ତାପମାତ୍ରା ମାଇନସ୍ ୪.୦ ଡିଗ୍ରୀ ସେଲସିୟସ ଏବଂ ଧର୍ମଶାଳାରେ ସର୍ବନିମ୍ନ ତାପମାତ୍ରା ୫.୦୨ ଡିଗ୍ରୀ ସେଲସିୟସ ରେକର୍ଡ କରାଯାଇଛି।

ତାପମାତ୍ରା ହ୍ରାସ ଯୋଗୁଁ ଥଣ୍ଡା ବଢ଼ିବାରେ ଲାଗିଛି। ଶିମଲାରେ ସର୍ବନିମ୍ନ ତାପମାତ୍ରା ୩.୨ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି ସୁନ୍ଦରନଗର ମାଇନସ୍ ୧.୦, ଭୁଣ୍ଟର ମାଇନସ୍ ୧.୨, କଲ୍ପା ମାଇନସ୍ ୪.୨, ଧର୍ମଶାଳା ୬.୨, ଉନା ୨.୪, ନାହାନ୍ ୮.୫, ପାଲମପୁର ୩.୫, ସୋଲାନ୍ ୧.୦, ମନାଲି ମାଇନସ୍ ୦.୫, କାଙ୍ଗରା ୩.୯, ମଣ୍ଡି ମାଇନସ୍ ୦.୯, ଚମ୍ବା ୨.୨, ଡାଲହାଉସି ୧.୫, ଜୁବ୍ବରହାଟୀ ମାଇନସ୍ ୩.୮, କୁଫ୍ରି ୧.୧, କୁକୁମସେରି ମାଇନସ୍ ୭.୩, ନରକନ୍ଦା ମାଇନସ୍ ୧.୬, କୁକୁମସେରି ମାଇନସ୍ ୧.୬ ରେକର୍ଡ କରାଯାଇଛି।