ଜାତିସଂଘ ସୁରକ୍ଷା ପରିଷଦର ସ୍ଥାୟୀ ଆସନ ଛାଡ଼ିବ ଫ୍ରାନ୍ସ? ଜାଣନ୍ତୁ କ`ଣ କହିଲେ ରାଷ୍ଟ୍ରପତି ମାକ୍ରୋନ

ନୂଆଦିଲ୍ଲୀ: ଜାତିସଂଘ ସୁରକ୍ଷା ପରିଷଦ (UN Security Council) ରେ ଫ୍ରାନ୍ସ ଏହାର ସ୍ଥାୟୀ ଆସନ ଛାଡିବ ବୋଲି ଗଣମାଧ୍ୟମର ରିପୋର୍ଟକୁ ଫ୍ରାନ୍ସ ସରକାର (French government) ଅସ୍ୱୀକାର କରିଛନ୍ତି । ଫ୍ରାନ୍ସ ଖୁବ ଶୀଘ୍ର ଜାତିସଂଘ ସୁରକ୍ଷା ପରିଷଦ (UNSC) ର ଆସନ ୟୁରୋପୀୟ ସଂଘ (European Union) କୁ ଦେବ ବୋଲି ଡେଲି ଟେଲିଗ୍ରାଫ୍ ରିପୋର୍ଟ କରିଥିଲା ।

ୟୁରୋପୀୟ ସଂସଦ (European Parliament) ର ଜଣେ ସଦସ୍ୟଙ୍କ ମନ୍ତବ୍ୟକୁ ନେଇ ଖବରକାଗଜ ରିପୋର୍ଟ କରିଛି ଯେ ଫ୍ରାନ୍ସ (France) ୟୁରୋପୀୟ ସେନା (European military) ପାଇଁ ୟୁରୋପୀୟ ୟୁନିଅନର ଅନ୍ୟ ସଦସ୍ୟଙ୍କ ସମର୍ଥନ ବଦଳରେ ସିଟ୍ ବିନିମୟ ଉପରେ ବିଚାର କରିବ ଓ ଏହାର ବୈଦେଶିକ ନୀତିରେ ସୁଧାର ଆଣିବ ।

ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନଙ୍କ (French President Emmanuel Macron) ମୁଖପାତ୍ର AFP ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ ଆମେ ଏହାକୁ ଆନୁଷ୍ଠାନିକ ଭାବେ ଅସ୍ୱୀକାର କରୁଛୁ । ମିଳିତ ଜାତିସଂଘ ସୁରକ୍ଷା ପରିଷଦ (UN Security Counci) ରେ ଆମର ଆସନ ଅଛି ଏବଂ ରହିବ । ମୁଖପାତ୍ର ଆହୁରି ମଧ୍ୟ କହିଛନ୍ତି ଯେ ଆମେ ୟୁରୋପୀୟ ୟୁନିଅନ୍ ସହିତ ଯଥାସମ୍ଭବ ଓ ସମ୍ପୂର୍ଣ୍ଣ ସାର୍ବଭୌମତ୍ୱ ସହ ସମନ୍ୱୟ ରକ୍ଷା କରୁଛୁ ।

ଏଠାରେ ଆପଣଙ୍କୁ କହି ରଖୁଛୁ ଯେ ମିଳିତ ଜାତିସଂଘ ସୁରକ୍ଷା ପରିଷଦର ପାଞ୍ଚଜଣ ସ୍ଥାୟୀ ସଦସ୍ୟଙ୍କ ମଧ୍ୟରୁ ଫ୍ରାନ୍ସ ଅନ୍ୟତମ । ଫ୍ରାନ୍ସ, (France) ବ୍ରିଟେନ (Britain), ଆମେରିକା (USA), ଋଷ (Russia) ଏବଂ ଚୀନ୍ (China) ମିଳିତ ଜାତିସଂଘ ସୁରକ୍ଷା ପରିଷଦର ସ୍ଥାୟୀ ସଦସ୍ୟ (permanent members of the United Nations Security Council) ଅଟନ୍ତି ।