Budget 2020: ନୀଳ ଆକାଶରେ ଚାଷୀ ଉଡ଼ିବେ

ଚାଷୀଙ୍କୁ ଖୁସ କରିଦେଲେ ନିର୍ମଲା, ଆରମ୍ଭ ହେବ କିସାନ ରେଳ ସେବା

ନୂଆଦିଲ୍ଲୀ: ସଂସଦରେ ଉପସ୍ଥାପନ ହୋଇଛି ୨୦୨୦-୨୧ ବର୍ଷର ପୂର୍ଣ୍ଣାଙ୍ଗ ବଜେଟ । ଅର୍ଥମନ୍ତ୍ରୀ ନିର୍ମଲା ସୀତାରମଣ ବଜେଟ ଉପସ୍ଥାପନ କରୁଛନ୍ତି । ତେବେ ନିର୍ମଲାଙ୍କ ବହି ଖାତାରେ ବିଭିନ୍ନ କ୍ଷେତ୍ର ଉପରେ ଗୁରୁତ୍ୱ ଦିଆଯାଇଛି । ବିଶେଷ କରି ଦେଶର କୃଷକଙ୍କ ଆୟ ବୃର୍ଦ୍ଧି ଉପରେ ବିଶେଷ ଫୋକସ କରିଛନ୍ତି କେନ୍ଦ୍ର ସରକାର । ଏପରିକି କୃଷକଙ୍କ ବିକାଶ ପାଇଁ ବିଭିନ୍ନ ଯୋଜନା ଆଣୁଛନ୍ତି । 

କୃଷକଙ୍କ ପାଇଁ ଆସୁଛି କିସାନ ରେଳ ସେବା । କେନ୍ଦ୍ର ସରକାର ଏପରି ଏକ ଯୋଜନା କରୁଛନ୍ତି । କିସାନ ରେଳ ସେବାରେ ଏସି ବଗି ମଧ୍ୟ ରହିବ । କୃଷକଙ୍କ ଆୟକୁ ଦୁଇଗଣ କରିବା ଉପରେ କେନ୍ଦ୍ର ସରକାର ଗୁରୁତ୍ୱାରୋପ କରିଛନ୍ତି । କେନ୍ଦ୍ର ଅର୍ଥମନ୍ତ୍ରୀ ନିର୍ମଲା ସୀତାରମଣ ନିଜ ବଜେଟରେ କୃଷକଙ୍କ ପାଇଁ ବିଭିନ୍ନ ଯୋଜନା ଆଣିଛନ୍ତି । ୨୦୨୨ ମଧ୍ୟରେ କୃଷକଙ୍କ ଆୟ ଦୁଇଗୁଣ କରିବାକୁ ସରକାର ଲକ୍ଷ୍ୟ ରଖିଛନ୍ତି । ସେହିପରି କିସାନ ରେଳ ଏବଂ କିସାନ ଉଡ଼ାଣ ଯୋଜନା ଚଳିବ ବର୍ଷରୁ ଆରମ୍ଭ ହେବ । 

କୃଷକଙ୍କ ପାଇଁ ବଜେଟରେ କ'ଣ ସବୁ ରହିଛି ? 

• Competitive ଫାର୍ମିଙ୍ଗରେ କୃଷକଙ୍କ ସ୍ଥିତିର ସୁଧାର ଆଣିବା

• ୨୦୨୨ ମଧ୍ୟରେ କୃଷକଙ୍କ ଆୟ ଦୁଇଗୁଣ କରିବା

• କୃଷି କ୍ଷେତ୍ରରେ ପରିବର୍ତ୍ତନର ଆବଶ୍ୟକତା

• କେନ୍ଦ୍ରୀୟ ନିୟମ ଆଧାରରେ କୃଷିଭିତ୍ତିକ ରାଜ୍ୟକୁ ପ୍ରୋତ୍ସାହନ

• ଜଳସେଚନ ଉପରେ ଫୋକସ

• କୁସୁମ ଯୋଜନାରେ ବିଜୁଳି ସେବା

• ଜଳସେଚନ ସମସ୍ୟାର ଗମ୍ଭୀରତା

• ସୋଲାର ପମ୍ପ ପାଇଁ ସାହାଯ୍ୟ

• ପଡ଼ିଆ ପଡ଼ିଥିବା ଜମିରେ ସୋଲାର ପ୍ଲାଣ୍ଟ

• କୃଷକଙ୍କ ପାଇଁ ୧୬ ସୂତ୍ରୀ କାର୍ଯ୍ୟକ୍ରମ

• ବ୍ଲକ ସ୍ତରରେ Warehouse

• କୃଷି ଉଡ଼ାଣ ଯୋଜନର ଆରମ୍ଭ

• ଜାତୀୟ ଓ ଅନ୍ତର୍ଜାତୀୟ ସ୍ତରରେ ହେବ ଯୋଜନା

• One Product-One District ଯୋଜନା