Samantha Ruth Prabhu: ଗମ୍ଭୀର ରୋଗରେ ଶୀକାର ଅଭିନେତ୍ରୀ ସାମନ୍ଥା, ସୁଟିଂ ସେଟରେ ବେହୋସ !

ସାମନ୍ଥା ଜଣେ ପାନ୍ ଇଣ୍ଡିଆ ଷ୍ଟାର ଏବଂ ତାଙ୍କ କ୍ୟାରିୟରରେ ସେ ଏପର୍ଯ୍ୟନ୍ତ ଏକାଧିକ ଚଳଚ୍ଚିତ୍ରରେ କାମ କରିଛନ୍ତି ଏବଂ ନିଜର ଅଭିନୟ ଦକ୍ଷତା ପ୍ରମାଣିତ କରିଛନ୍ତି । ବର୍ତ୍ତମାନ ଅଭିନେତ୍ରୀ ତାଙ୍କ ଆଗାମୀ ସିରିଜ ସିଟାଡେଲ ହନି ବନିର ମୁକ୍ତିଲାଭକୁ ଅପେକ୍ଷା କରିଛନ୍ତି ।

Also Read: Actor Manoj Mishra: ଅଭିନେତା ମନୋଜ ମିଶ୍ରଙ୍କ ନାଁରେ ଏତଲା...କେଉଁ ଆଧାରରେ ଏତଲା, ଦେଖନ୍ତୁ ଫଟୋ

Viral Video: ମୁମ୍ବାଇର ମେରାଇନ ଡ୍ରାଇଭ୍ ଫୁଟପାଥ୍ ରୁ ଡେଇଁଲେ ରାଜୁଦାସ ଓରଫ ସାହୁବାବୁ

ଏହି ସିରିଜର ନିର୍ଦ୍ଦେଶକ ରାଜ ଏବଂ ଡିକେ ଏକ ସାକ୍ଷାତକାରରେ ପ୍ରକାଶ କରିଛନ୍ତି ଯେ ସିଟାଡେଲର ସୁଟିଂ ସମୟରେ ସାମନ୍ତ ଅସୁସ୍ଥ ଥିଲେ କିନ୍ତୁ ସେ କାମ ବନ୍ଦ କରିନଥିଲେ।

ବାସ୍ତବରେ ସାମନ୍ଥା ମାୟୋସାଇଟିସ୍ ନାମକ ଏକ ରୋଗ ସହ ସଂଘର୍ଷ କରୁଛନ୍ତି। ଏହା ସହ ରାଜ ଏବଂ ଡିକେ କହିଛନ୍ତି ଯେ ଯେତେବେଳେ ସିଟାଡେଲର ସୁଟିଂ ଆରମ୍ଭ ହୋଇଥିଲା ସେତେବେଳେ ଅଭିନେତ୍ରୀ ୫୦ ପ୍ରତିଶତ ଭଲ ଥିଲେ ମଧ୍ୟ ସେ କାମକୁ ଫେରିଥିଲେ।

ରାଜ ଏବଂ ଡିକେ ଆହୁରି କହିଛନ୍ତି ଯେ ସାମନ୍ଥା ତାଙ୍କ ଅସୁସ୍ଥତା କାରଣରୁ ସିରିଜ୍ ର ସୁଟିଂକୁ ପ୍ରଭାବିତ ହେବାକୁ ଦେଇନଥିଲେ ଏବଂ ସେ ଭୟଙ୍କର ଆକ୍ସନ ସିନ୍ ମଧ୍ୟ ସୁଟ୍ କରୁଥିଲେ।

ସେପଟେ ଅଭିନେତା ବରୁଣ ଧାୱନ କହିଛନ୍ତି ଯେ ସମନ୍ଥା ମାୟୋସାଇଟିସ୍ ନାମକ ଏକ ବିପଜ୍ଜନକ ରୋଗରେ ପୀଡିତ ଅଛନ୍ତି। ଏହା ସତ୍ତ୍ବେ ସେ ନିରନ୍ତର ପରିଶ୍ରମ କରିଥିଲେ  ବରୁଣ ଆହୁରି କହିଛନ୍ତି ଯେ ଏକ ସୁଟିଂ ସମୟରେ ସେ ଚେତାଶୂନ୍ୟ ହୋଇ ପଡ଼ିଥିଲେ। ତାଙ୍କ ପାଇଁ ସେଟକୁ ଅମ୍ଳଜାନ ଟ୍ୟାଙ୍କ ମଗାଯାଇଥିଲା।

ଏହି ସ୍ପାଇ ଆକ୍ସନ ସିରିଜ ସିଟାଡେଲ ହନି ବନି ପ୍ରିୟଙ୍କା ଚୋପ୍ରାଙ୍କ ସିଟାଡେଲ (୨୦୨୩)ର ଏକ ସ୍ପିନ୍ ଅଫ୍ । ରାଜ ଏବଂ ଡିକେଙ୍କ ନିର୍ଦ୍ଦେଶିତ ଏହି ସିରିଜ ରେ କେ କେ ମେନନ, ସିମରନ , ସିକନ୍ଦର ଖେର, ସାକିବ ସଲିମ ଏବଂ ଅନ୍ୟମାନେ ମଧ୍ୟ ଅଭିନୟ କରିଛନ୍ତି ।