Cloves Benefits: ମାତ୍ର ୨ଟି ଲବଙ୍ଗରେ ରହିଛି ଜବରଦସ୍ତ ଫାଇଦା, ଏହା ରାମବାଣଠାରୁ କମ ନୁହେଁ

ଦୀର୍ଘ ବର୍ଷ ଧରି ଲବଙ୍ଗ ଔଷଧ ଭାବରେ ବ୍ୟବହାର ହୋଇଆସୁଛି । ଲବଙ୍ଗରେ ମାଙ୍ଗାନିଜ୍, କାର୍ବସ୍, ଫାଇବର, ଆଣ୍ଟି-ଫଙ୍ଗଲ୍ ଗୁଣ, ଆଣ୍ଟିବ୍ୟାକ୍ଟେରିଆଲ୍, ଆଣ୍ଟି-ଭାଇରାଲ୍, ଭିଟାମିନ୍ କେ, କ୍ୟାଲସିୟମ୍, ଭିଟାମିନ୍ ଡି, ଏବଂ ଭିଟାମିନ୍ ଇ ସହିତ ଅନେକ ପୋଷକ ତତ୍ତ୍ୱ ଭରପୁର ରହିଛି । ବିଶେଷ କରି ଚର୍ମ, ହାଡ, କେଶ ଏବଂ ମସ୍ତିଷ୍କ ପାଇଁ ଲବଙ୍ଗର ଭୂମିକା ଅତ୍ୟନ୍ତ ଲାଭଦାୟକ ବୋଲି ଡାକ୍ତର ମତ ଦିଅନ୍ତି ।

ମଣିଷର ଦାନ୍ତ ଜନିତ ସମସ୍ୟା ପାଇଁ ଲବଙ୍ଗ ବ୍ୟବହାର କରିବା ଏକ ସାଧାରଣ କଥା । ଲବଙ୍ଗରେ ଆଣ୍ଟି-ଫଙ୍ଗଲ୍, ଆଣ୍ଟିବ୍ୟାକ୍ଟେରିଆଲ୍, ଆଣ୍ଟି-ଭାଇରାଲ୍ ଗୁଣ ରହିଛି । ଲବଙ୍ଗରେ ଥିବା ଏହି ଗୁଣ ଗୁଡିକ ଦାନ୍ତ ଯନ୍ତ୍ରଣାରୁ ମୁକ୍ତି ଦେଇଥାଏ । ପେଟ ଅଲସର୍, ଭାଇରାଲ୍ ସଂକ୍ରମଣରୁ ମଧ୍ୟ ଆମକୁ ଖୁବ ଆରାମ ଦେଇଥାଏ ।

ଲବଙ୍ଗ କର୍କଟ ରୋଗ ପାଇଁ ମଧ୍ୟ ଖୁବ ଲାଭଦାୟକ । କାରଣ ଏଥିରେ ଇଉଜେନୋଲ ଥାଏ, ଯାହାର ଆଣ୍ଟି-କର୍କିନୋଜେନିକ୍ ଗୁଣ ଥିବା ଜଣା ପଡିଥାଏ । ଏପରି ପରିସ୍ଥିତିରେ, ଯଦି ଆପଣ ପ୍ରତିଦିନ ଲବଙ୍ଗ ଖାଇବେ ତେବେ ଏହା ଗର୍ଭାଶୟ କର୍କଟର କୋଷଗୁଡ଼ିକୁ ନଷ୍ଟ କରିବା ଆରମ୍ଭ କରିଦିଏ ।

ଲବଙ୍ଗ ରସ ବ୍ୟବହାର କରିବା ଦ୍ୱାରା ଆପଣଙ୍କୁ ଅନେକ ଲାଭ ମିଳିବ । ଭିଟାମିନ୍ ଡି ଏବଂ କ୍ୟାଲସିୟମ୍ ଅଭାବରୁ ଅଷ୍ଟିଓପୋରୋସିସ୍ ହୋଇପାରେ । ଯାହା ହାଡର ଘନତା ହ୍ରାସ କରିବା ସହିତ ଭାଙ୍ଗିବାର ଆଶଙ୍କା ବଢାଇଥାଏ । ତେଣୁ ଯଦି ଆପଣ ପ୍ରତିଦିନ ୨ଟି ଲବଙ୍ଗ ଖାଆନ୍ତି ତେବେ ଏପରି ସମସ୍ୟାରୁ ମୁକ୍ତି ମିଳିବ ।

ଲବଙ୍ଗ ଖାଇବା ଦ୍ୱାରା ଆମର ଯକୃତ ସୁସ୍ଥ ରହିଥାଏ । ଲବଙ୍ଗ ଖାଇବା ଦ୍ୱାରା ଲିଭର ଜନିତ ସମସ୍ୟାରୁ ଉପଶମ ମଧ୍ୟ ହୋଇଥାଏ ।

ଉଚ୍ଚ ରକ୍ତଚାପ, ମଧୁମେହ ସହ ଆହୁରି ଅନେକ ରୋଗ କିଡନୀ ଉପରେ ଖରାପ ପ୍ରଭାବ ପକାଇଥାଏ । ସେହି କାରଣରୁ କିଡନୀ ଧୀରେ କାମ କରିବା ଆରମ୍ଭ କରିଥାଏ । ଏକ ଅନୁସନ୍ଧାନ ମୂଳକ ରିପୋର୍ଟ ଅନୁସାରେ ଏହି ରୋଗକୁ ନିୟନ୍ତ୍ରଣ କରିବା ସହ କିଡନୀର ଗତି ବଢାଇବା ପାଇଁ ଲବଙ୍ଗ ତେଲ ବେଶ୍ ଉପକାରୀ ହୋଇଥାଏ ।