Actor Manoj Mishra: ଅଭିନେତା ମନୋଜ ମିଶ୍ରଙ୍କ ନାଁରେ ଏତଲା...କେଉଁ ଆଧାରରେ ଏତଲା, ଦେଖନ୍ତୁ ଫଟୋ
Actor Manoj Mishra: ଅଭିନେତା ମନୋଜ ମିଶ୍ରଙ୍କ ପିଛା ଛାଡୁନି ବିବାଦ। ପୁଣିଥରେ ଅଭିନେତା ମନୋଜ ମିଶ୍ରଙ୍କ ନାଁରେ ଏତଲା ଦାଏର ହୋଇଛି। ଅଭିନେତା ମନୋଜ ମିଶ୍ରଙ୍କ ନାଁରେ ଏତଲା ଦେଇଛି ଓଡ଼ିଶା ଫିଲ୍ମ ଓ ଟିଭି ନିର୍ଦ୍ଦେଶକ ସଂଘ। ତେବେ ସୋସିଆଲ ମିଡିଆରେ ଆପତ୍ତି ଜନକ ମନ୍ତବ୍ୟକୁ ନେଇ ମନୋଜ ମିଶ୍ରଙ୍କ ନାଁରେ ଏତଲା ଦିଆଯାଇଛି। କଟକ ସାଇବର ଥାନାରେ ଏହି ଏତଲାଟି ଦାୟର କରିଛନ୍ତି ଓଡ଼ିଶା ଫିଲ୍ମ ଓ ଟିଭି ନିର୍ଦ୍ଦେଶକ ସଂଘ। ମନୋଜ ମିଶ୍ର ପ୍ରାୟତଃ ସବୁବେଳେ ନିଜ ସ୍ପଷ୍ଟବାଦୀ କଥାକୁ ନେଇ ଚର୍ଚ୍ଚାରେ ରହିଥାନ୍ତି । ତେବେ ଇଣ୍ଡଷ୍ଟ୍ରିର ବଡ଼ ବଡ଼ ନିର୍ଦ୍ଦେଶକ ଆଜି ତାଙ୍କ ନାଁ ରେ ଏତଲା ଦେଇଛନ୍ତି।
୮୮ ବର୍ଷର ଇଣ୍ଡଷ୍ଟ୍ରିରେ ଅନେକ ବଡ଼ ବଡ଼ ଫିଲ୍ମ ହୋଇଛି । ଅନେକ ବଡ଼ ବଡ଼ ନିର୍ଦ୍ଦେଶକ ଭଲ ଫିଲ୍ମ ଭେଟି ଦେଇଛନ୍ତି। ହେଲେ ସବୁବେଳେ ମନୋଜ ମିଶ୍ର ଓଲିଉଡରେ କେହି ଭଲ ନିର୍ଦ୍ଦେଶକ ନାହାଁନ୍ତି ବୋଲି ବାରମ୍ବାର କହିଚାଲିଛନ୍ତି ବୋଲି କହିଛନ୍ତି ବରିଷ୍ଠ ନିର୍ଦ୍ଦେଶକ।
ଦେଖନ୍ତୁ Video: Manoj Mishra Video: ନିଜକୁ ବହୁତ ବଡ଼ ଡାଇରେକ୍ଟର ବୋଲି ଭାବେ, ଏମିତି କାହାକୁ କହିଲେ ମନୋଜ ମିଶ୍ର?
ଓଡ଼ିଶା ଫିଲ୍ମ ଓ ଟିଭି ନିର୍ଦ୍ଦେଶକ ସଂଘର ଅନେକ ନିର୍ଦ୍ଦେଶକ ସବୁବେଳେ ତାଙ୍କ କଥା ଶୁଣି ଆସିଛନ୍ତି। ଆଉ ଆମେ ଭାବୁ ଏହା ମନୋଜ ମିଶ୍ରଙ୍କ ବାଚଳାମି ଓ ପିଲାଳିଆମି।
ମାତ୍ର କିଛିଦିନ ହେଲା ସେ ଓଲିଉଡ ଇଣ୍ଡଷ୍ଟ୍ରିକୁ ନେଇ ଅନେକ ଅରୁଚିକର ମନ୍ତବ୍ୟ ଦେଉଛନ୍ତି ଯାହାକୁ ନେଇ ଆମେ ମାନେ କ୍ଷୁବ୍ଧ ବୋଲି କହିଛନ୍ତି ନିର୍ଦ୍ଦେଶକ ସବ୍ୟସାଚୀ ମହାପାତ୍ର।
ସୋସିଆଲ ମିଡିଆରେ ବହୁତ ବଢି ବଢି କଥା କହୁଛନ୍ତି ମନୋଜ ମିଶ୍ର: ବରିଷ୍ଠ ନିର୍ଦ୍ଦେଶକ ସବ୍ୟସାଚୀ ମହାପାତ୍ର
ଆଗରୁ କେବଳ ନିର୍ଦ୍ଦେଶକଙ୍କୁ ଟାର୍ଗେଟ୍ କରୁଥିଲେ ଏବେ କଳାକାର ମାନଙ୍କୁ ଟାର୍ଗେଟ୍ କରୁଛନ୍ତି ମନୋଜ ମିଶ୍ର। ଏହାଠିକ୍ ନୁହେଁ ବୋଲି କହିଛନ୍ତି ବରିଷ୍ଠ ନିର୍ଦ୍ଦେଶକ ସବ୍ୟସାଚୀ ମହାପାତ୍ର । ସେପଟେ ଅନ୍ୟଜଣେ ନିର୍ଦ୍ଦେଶକ କହିଛନ୍ତି ଯେ, ମନୋଜ ମିଶ୍ର ରିଲ୍ ଲାଇଫମ ସହ ରିଅଲ ଲାଇଫରେ ବି ଭିଲେନ। ଓଲିଉଡ ଇଣ୍ଡଷ୍ଟ୍ରିକୁ ବଦନାମ କରି ସୋସିଆଲ ମିଡିଆରୁ ରୋଜଗାର କରୁଛନ୍ତି ବୋଲି ସେ ଅଭିଯୋଗ କରିଛନ୍ତି।