HBD Anubhav Mohanty: ଅଭିନେତାରୁ ସାଂସଦ, ବର୍ଷାଙ୍କ ସହ ବିବାହ ଆଣିଦେଲା କ୍ୟାରିୟରରେ ବିପଦ !

ମସିହା ୧୯୮୧ ଆଜିର ଦିନରେ କଟକ ଚୋଧୁରୀ ବଜାରରେ ଜନ୍ମଗ୍ରହଣ କରିଥିଲେ ଅନୁଭବ। ବାପା, ମାଆ ଓ ଭାଇ ଅନୁପ୍ରାସଙ୍କୁ ନେଇ ଅନୁଭବଙ୍କ ପରିବାର। 

ଅନୁଭବ ମହାନ୍ତି  Cuttack ର Christ College ରେ ପାଠ ପଢିବା ପରେ ଆଲବମ ଦୁନିଆରେ ପାଦ ଥାପିଥିଲେ । 

୯୦ ଦଶକରେ ଅନୁଭବ ମହାନ୍ତିଙ୍କ ଆଲବମ ଯେତିକି ଆଦୃତା ଲାଭ କରିଥିଲା ଏବେ ବି ଲୋକ ତାଙ୍କ ଆଲବମକୁ ମନେ ରଖିଛନ୍ତି । ସେଥିମଧ୍ୟରୁ ଷୋଳଟି ଫଗୁଣ, ଟିକେ ଦେଖମ, ତୁ ଦିନରେ ଖରା ରାତିରେ ତାରା, ସାଗରେ ତରଙ୍ଗ ପରି ଆଲବମ ବହୁତ ହିଟ୍ ସାବ୍ୟସ୍ତ ହୋଇଛି। 

ଅନୁଭବ ନିଜର ଫିଲ୍ମ କ୍ୟାରିୟର ୨୦୦୪ ରେ ଆରମ୍ଭ କରିଥିଲା । ପ୍ରଥମ ଫିଲ୍ମର ନାଁ ଥିଲା ଆଇ ଲଭ ୟୁ, ତାଙ୍କ ଅପୋଜିଟରେ ଥିଲେ ଅଭିନେତ୍ରୀ ନମ୍ରତା ଥାପ୍ପା । 

ସେହିପରି ୨୦୦୪ ରେ ସାଥୀରେ, ବର୍ଷା ମାଇଁ ଡାର୍ଲିଙ୍ଗ୍ ଫିଲ୍ମ ବହୁତ ହିଟ ସାବ୍ୟସ୍ତ ହୋଇଥିଲା । ୨୦୦୫ ରେ ଏକାସାଥୀରେ ୫ଟି ଫିଲ୍ମରେ ନଜର ଆସିଥିଲେ ଅନୁଭବ ମହାନ୍ତି। 

ଅନେକ ହିଟ୍ ଫିଲ୍ମ ଦେବା ମଧ୍ୟରେ ସବୁଠାରୁ ଅଧିକ ଫ୍ୟାନ୍ସ ଫଲୋଅର୍ସ ଦେଇଥିଲା ଫିଲ୍ମ ଅଭିମନ୍ୟୁ। ଏଥିରେ ଅନୁଭବଙ୍କ ଆକ୍ଟିଂ, ଫାଇଣ୍ଟିଂ ଦେଖି ଫ୍ୟାନ୍ସ ମାନେ କାବା ହୋଇଥିଲେ । 

ଚର୍ଚ୍ଚା ହୁଏ ୨୦୦୯ ରେ ମୁକ୍ତିଲାଭ କରିଥିବା ନେଇଯାରେ ମେଘ ମୋତେ ଫିଲ୍ମରୁ ଅନୁଭବ ମହାନ୍ତିଙ୍କ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ସହ ପ୍ରେମ ସମ୍ପର୍କ ଗଢି ଉଠିଥିଲା । ପରେ ଏହି ସମ୍ପର୍କ ବିବାହ ରୂପ ନେଇଥିଲା । 

୨୦୧୪ ଫେବୃଆରୀ ୮ରେ ବିବାହ ବନ୍ଧନରେ ବାନ୍ଧି ହୋଇଥିଲେ ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ। ଏହି କପଲଙ୍କ ବିବାହ ଓ ରିସେପସନ ପାର୍ଟିରେ ରାଜ୍ୟର ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇଥିଲେ । 

୨୦୧୪ ମସିହାରେ ନିଜ ରାଜନୈତିକ ଜୀବନ ଆରମ୍ଭ କରିଥିଲେ । ୨୦୧୪ରୁ ରାଜ୍ୟସଭା ସାଂସଦ ଥିବା ଶ୍ରୀ ମହାନ୍ତି ୨୦୧୯ ମସିହାରେ କେନ୍ଦ୍ରାପଡ଼ା ଲୋକସଭା ଆସନରୁ ଲୋକସଭାକୁ ନିର୍ବାଚିତ ହୋଇଥିଲେ।

୨୦୨୦ ମସିହାରେ ବର୍ଷା ଅନୁଭବ ହୋଇଥିଲେ ସାମ୍ନାସାମ୍ନି।  ଦର୍ଶକଙ୍କ ପ୍ରିୟ ଯୋଡ଼ି ବର୍ଷା ଅନୁଭବ ୬ ବର୍ଷର ଦାମ୍ପତ୍ୟ ଜୀବନ ପରେ ଏବେ ଅଲଗା ହେବାକୁ ଚାହୁଁଛନ୍ତି  । ଏଥିପାଇଁ କୋର୍ଟଙ୍କ ଦ୍ୱାରସ୍ଥ ହୋଇଥିଲେ଼ ଦୁଇ ଷ୍ଟାର।

ପରେ ଏହି ବିବାଦ କୋର୍ଟକୁ ଯିବା ପରେ ଅନୁଭବ ଦିଲ୍ଲୀରେ ଜଣେ ବାନ୍ଧବୀଙ୍କ ସହ ସମ୍ପର୍କରେ ଅଛନ୍ତି ବୋଲି ଚର୍ଚ୍ଚା ଜୋର ଧରିଥିଲା । ଯାହାକୁ ନେଇ ସେହି ଯୁବତୀ ଓ ବର୍ଷା ମଧ୍ୟ ଅନେକ ଥର ସୋସିଆଲ ମିଡିଆରେ ମୁହାଁମୁହିଁ ହୋଇଥିଲେ। 

ପାରିବାରିକ ବିବାଦ ଯୋଗୁଁ ଏହି ଷ୍ଟାରଙ୍କୁ ଦଳ ବି ଅଣଦେଖା କରିଥିଲା । ବିଜେଡି ଦଳର ନେତୃତ୍ୱରେ ଥାଇ ମଧ୍ୟ ରାଜ୍ୟରେ ହୋଇଥିବା ଦୁଇଦୁଇଟି ଉପନିର୍ବାଚନ ରେ ଷ୍ଟାର କ୍ୟାମ୍ପେନର ତାଲିକାରୁ ବାଦ୍ ପଡ଼ିଥିଲେ ଅନୁଭବ ।

ପରେ ଅନେକ ସମୟରେ ଅନୁଭବ ଓ ବର୍ଷା ନିଜ ପକ୍ଷ ରଖିବାକୁ କୋର୍ଟରେ ହାଜରେ ହେବା ସହ ଭିଡିଓ ଓ ଟ୍ୱିଟର ୱାରକୁ ନେଇ ଚର୍ଚ୍ଚାକୁ ଆସିଥିଲେ । ପରେ ହାଇକୋର୍ଟଙ୍କ ତାଗିଦା ପରେ ଏସବୁ ସୋସିଆଲ ମିଡିଆ ପୋଷ୍ଟିଂ ବନ୍ଦ ହୋଇଥିଲା । 

ଗତକିଛି ଦିନ ହେଲା ନିଜର ଦ୍ୱିତୀୟ ବିବାହକୁ ନେଇ ବେଶ ଚର୍ଚ୍ଚାରେ ଥିଲେ ଅନୁଭବ ମହାନ୍ତି । ଏନେଇ ସୋସିଆଲ ମିଡିଆରେ ଅନେକ ଭିଡିଓ ଓ ଫଟୋ ଭାଇରାଲ ହୋଇଥିଲା। 

ତେବେ କହିରଖୁଛୁ ଯେ, ଏହି ଦ୍ୱିତୀୟ ବିବାହ ସିନ ସତ ନୁହେଁ ଏହା ଏକ ଫିଲ୍ମର ସିନ୍। ନିର୍ଦ୍ଦେଶକ ତାପସ ସରଘରିଆଙ୍କ ଅପକମିଂ ଫିଲ୍ମ ଲଭ୍ ଇନ ଲଣ୍ଡନରେ ନଜର ଆସିବେ ଅନୁଭବ । ଆଜି ତାଙ୍କ ଜନ୍ମଦିନ ଅବସରରେ Happy Birth day Bhaijaan ୱିସ୍ କରି ଏହି ଟିଜର ରିଲିଜ ହୋଇଛି।