Mysterious Mountains in India: ଏହି ପର୍ବତରେ ଶୁଣାଯାଏ ଭଗବାନ ଶିବଙ୍କ ଡମ୍ବରୁ, ଚଢିବାକୁ ଡରିଥାନ୍ତି ପର୍ଯ୍ୟଟକ

କୈଳାଶ ପର୍ବତରେ ପରିବାର ସହ ଅବସ୍ଥାନ କରିଥାନ୍ତି ଭଗବାନ ଶିବ: ଅନେକ ଲୋକ ବିଶ୍ୱାସ କରନ୍ତି ଯେ ଭଗବାନ ଶିବ ନିଜର ପରିବାର ସହିତ କୈଳାଶ ପର୍ବତରେ ଅବସ୍ଥାନ କରିଥାନ୍ତି। ଏହି କାରଣରୁ ଆଜି ପର୍ଯ୍ୟନ୍ତ କୌଣସି ପର୍ବତାରୋହୀ କୈଳାଶ ପର୍ବତ ଉପରେ ଚଢି ପାରିନାହାଁନ୍ତି। ଅନେକ ପର୍ବତାରୋହୀ କୈଳାଶ ପର୍ବତ ଉପରେ ଚଢିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ।

କୈଳାଶ ପର୍ବତ ସହ ଜଡ଼ିତ ରହିଛି ଅନେକ ରହସ୍ୟ: ହିନ୍ଦୁ ଧର୍ମରେ ପବିତ୍ର ବିବେଚନା କରାଯାଉଥିବା କୈଳାଶ ପର୍ବତ ସହିତ ଅନେକ ରହସ୍ୟ ଜଡିତ ରହିଛି। ଏହି ରହସ୍ୟ ମଧ୍ୟରୁ ଗୋଟିଏ ହେଉଛି କୈଳାଶ ପର୍ବତରୁ ଆସୁଥିବା ରହସ୍ୟମୟ ସ୍ୱର। କୈଳାଶ ପର୍ବତ ନିକଟରେ ପହଞ୍ଚି ସାରିଥିବା ଲୋକେ ବିଶ୍ୱାସ କରନ୍ତି ଯେ ଏଠାରେ ଏକ ରହସ୍ୟମୟ ଶବ୍ଦ ଶୁଣିବାକୁ ମିଳିଥାଏ।

କୈଳାଶ ପର୍ବତରେ ଶୁଣିବାକୁ ମିଳିଥାଏ ଭଗବାନ ଶିବଙ୍କ ଡମ୍ବରୁ ଶବ୍ଦ: କୈଳାଶ ପର୍ବତ ପରିଦର୍ଶନ କରି ସାରି ଥିବା ଅନେକ ପର୍ଯ୍ୟଟକ ବିଶ୍ୱାସ କରନ୍ତି ଯେ ଏହି ପାହାଡ଼଼ରୁ ଭଗବାନ ଶିବଙ୍କ ଡମ୍ବରୁ ଶବ୍ଦ ବାହାରିଥାଏ। ଲୋକେ ବିଶ୍ୱାସ କରନ୍ତି ଯେ ଏହି ଶବ୍ଦ ଭଗବାନ ଶିବଙ୍କ ଡମ୍ବରୁରୁ ନିର୍ଗତ ହୋଇଥାଏ।

କୈଳାଶ ପର୍ବତରେ ଶୁଣିବାକୁ ମିଳିଥାଏ ଓମ୍ ଶବ୍ଦ: ଅନେକ ଲୋକ ବିଶ୍ୱାସ କରନ୍ତି ଯେ କୈଳାଶ ପର୍ବତରୁ ଓମ୍ ଶବ୍ଦ ଆସିଥାଏ। ଏହାକୁ ନେଇ ଲୋକଙ୍କ ତର୍କ ହେଉଛି ଯେ ଯେତେବେଳେ ପର୍ବତରେ ବରଫ ଜମା ହୋଇଥାଏ ଏବଂ ବରଫ ସହିତ ପବନ ଧକ୍କା ହୁଏ, ସେତେବେଳେ ଏକ ଶବ୍ଦ ସୃଷ୍ଟି ହୋଇଥାଏ। ଏହି ଧ୍ୱନିରୁ ଉତ୍ପନ୍ନ ଇକୋ ଓମ୍ ଆକାରରେ ଶୁଣାଯାଇଥାଏ।

ସ୍ୱର୍ଗର ଦ୍ୱାର ହେଉଛି କୈଳାଶ ପର୍ବତ: ଯଦି ଆପଣ ପୁରାଣରେ ବିଶ୍ୱାସ କରନ୍ତି ଅଲୌକିକ ଶକ୍ତିର ପ୍ରଭାବ କୈଳାଶ ପର୍ବତରେ ଅନୁଭୂତ ହୋଇଥାଏ। ଅନେକ ଭଗବାନ ଏଠାରେ ବିରାଜମାନ କରିଥିବାର କୁହାଯାଏ। ଏହି କାରଣକୁ କୈଳାଶ ପର୍ବତକୁ ମଧ୍ୟ ସ୍ୱର୍ଗର ଦ୍ୱାର ଭାବରେ ବିବେଚନା କରାଯାଏ। ଲୋକେ ବିଶ୍ୱାସ କରନ୍ତି ଯେ ଆଜି ମଧ୍ୟ ଭଗବାନ ଶିବ କୈଳାଶ ପର୍ବତରେ ତପସ୍ୟା କରୁଛନ୍ତି।

ବୌଦ୍ଧ ଏବଂ ଜୈନ ଧର୍ମରେ ମଧ୍ୟ ପୂଜନୀୟ କୈଳାଶ ପର୍ବତ: ହିନ୍ଦୁ ଧର୍ମ ବ୍ୟତୀତ ବୌଦ୍ଧ ଏବଂ ଜୈନ ଧର୍ମର ଲୋକଙ୍କ ପାଇଁ କୈଳାଶ ପର୍ବତ ଅତ୍ୟନ୍ତ ସ୍ୱତନ୍ତ୍ର। ବୌଦ୍ଧ ଧର୍ମର ଅନୁଗାମୀ କୈଳାଶ ପର୍ବତକୁ ଭଗବାନ ବୁଦ୍ଧଙ୍କ ବାସସ୍ଥାନ ବୋଲି ବିବେଚନା କରିଥାନ୍ତି। ଏହା ସହିତ ଜୈନ ଧର୍ମର ଲୋକ ମଧ୍ୟ କୈଳାଶ ପର୍ବତକୁ ଏକ ପବିତ୍ର ସ୍ଥାନ ଭାବରେ ବିବେଚନା କରିଥାନ୍ତି।

(ସତର୍କତା: ଉପରୋକ୍ତ ତଥ୍ୟା ସାଧାରଣ ବିଶ୍ୱାସ ଏବଂ ସୂଚନା ଉପରେ ଆଧାରିତ। Zee Odisha News ଏହାକୁ ନିଶ୍ଚିତ କରେ ନାହିଁ।)