`କେଜ୍ରିୱାଲଙ୍କୁ ଗିରଫ କରାଯିବ, ତାଲିକାରେ ଆଉ ଅଛନ୍ତି ୪ ଜଣ ନେତା...`
Delhi Liquor Policy Case: AAP ନେତା ଆତିଶି ଦାବି କରିଛନ୍ତି ଯେ ଇଣ୍ଡିଆ ଆଲାଇନ୍ସର ୪ ବଡ ନେତା ବିଜେପି ଟାର୍ଗେଟରେ ଅଛନ୍ତି । କେଜ୍ରିୱାଲଙ୍କ ପରେ ତାଙ୍କୁ ମଧ୍ୟ ଗିରଫ କରାଯାଇପାରେ ।
Delhi Liquor Policy Case: ମଙ୍ଗଳବାର ଦିନ ଆମ୍ ଆଦମୀ ପାର୍ଟି (AAP) ଦାବି କରିଛି ଯେ ଏକ୍ସାଇଜ୍ ପଲିସି ସ୍କାମରେ ସମ୍ପୃକ୍ତ ମନି ଲଣ୍ଡରିଂ ମାମଲାରେ ତାଙ୍କୁ ପଚରାଉଚରା ପରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ନଭେମ୍ବର ୨ ରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିବ । ଦିଲ୍ଲୀର ଶାସକ ଦଳ ଏହା ମଧ୍ୟ ଅଭିଯୋଗ କରିଛି ଯେ ଭାରତୀୟ ଜନତା ପାର୍ଟି (ବିଜେପି) ଏହାର ବରିଷ୍ଠ ନେତାମାନଙ୍କୁ ଜେଲରେ ରଖି ଦଳକୁ ଧ୍ୱଂସ କରିବାକୁ ଚେଷ୍ଟା କରୁଛି ।
ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (ପିଏମଏଲ୍ଏ) ଅନୁଯାୟୀ କେଜ୍ରିୱାଲଙ୍କୁ ସମନ ଜାରି କରାଯାଇଛି ଓ ସୂତ୍ର ଅନୁଯାୟୀ ନଭେମ୍ବର ୨ ରେ ସକାଳ ୧୧ ଟା ସମୟରେ ସେ
ଯାଞ୍ଚକାରୀ ସଂସ୍ଥାର ଦିଲ୍ଲୀ କାର୍ଯ୍ୟାଳୟରେ ହାଜର ହେବା ପରେ କେଜ୍ରିୱାଲଙ୍କ ବୟାନ ରେକର୍ଡ କରାଯିବ । ଏହା ପ୍ରଥମ ଥର, ଯେତେବେଳେ କେଜ୍ରିୱାଲଙ୍କୁ ଇଡି ସମନ କରିଛି । କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ତାଙ୍କୁ ଏପ୍ରିଲରେ ମଧ୍ୟ ପଚରାଉଚରା କରିଥିଲା ।
AAP ନେତାଙ୍କ ଦାବି
ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀରେ ଦିଲ୍ଲୀ କ୍ୟାବିନେଟ ମନ୍ତ୍ରୀ ଆତିଶି କହିଛନ୍ତି ଯେ ବିଜେପି ଏହି କୌଶଳ ବ୍ୟବହାର କରି AAP କୁ ଟାର୍ଗେଟ କରୁଛି କାରଣ ଏହା ଜାଣେ ଯେ ନିର୍ବାଚନରେ କେଜ୍ରିୱାଲଙ୍କୁ ପରାସ୍ତ କରାଯାଇପାରିବ ନାହିଁ ।
ସେ କହିଛନ୍ତି, '୨ ନଭେମ୍ବରରେ କେଜ୍ରିୱାଲଙ୍କୁ ଗିରଫ କରାଯିବ ବୋଲି ଖବର ରହିଛି । ଯଦି ତାଙ୍କୁ ଗିରଫ କରାଯାଏ, ତେବେ ଏହା ପଛର କାରଣ ଦୁର୍ନୀତି (ଅଭିଯୋଗ) ନୁହେଁ ବରଂ ବିଜେପି ବିରୋଧରେ କହିବାର କାରଣ ହେବ ।' ଆତିଶି ଆହୁରି କହିଛନ୍ତି,' ଦିଲ୍ଲୀ ବିଧାନସଭା ନିର୍ବାଚନରେ ଏବଂ ଏମସିଡି ନିର୍ବାଚନରେ AAP ଦୁଇଥର ବିଜେପିକୁ ପରାସ୍ତ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ AAP ର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କୁ ଡରୁଛନ୍ତି । ନିର୍ବାଚନରେ AAP କୁ ପରାସ୍ତ କରିପାରିବ ନାହିଁ ବୋଲି ବିଜେପି ଜାଣେ ।"
ମନୀଷ ସିସୋଦିଆ, ସଞ୍ଜୟ ସିଂ ଓ ସତ୍ୟେନ୍ଦ୍ର ଜୈନଙ୍କ ସମେତ AAP ର ଶୀର୍ଷ ନେତୃତ୍ୱକୁ ଗିରଫ କରିବା ସମ୍ପର୍କରେ ଆତିଶି ଦାବି କରିଛନ୍ତି ଯେ ଏହା କେବଳ ଅର୍ଥ ହେଉଛି ବିଜେପି AAP କୁ ଧ୍ୱଂସ କରିବାକୁ ଚାହୁଁଛି। ମନି ଲଣ୍ଡରିଂ ମାମଲାରେ ସତ୍ୟେନ୍ଦ୍ର ଜେନାଙ୍କୁ ଜାମିନ ପ୍ରଦାନ କରାଯାଇଛି ।
ଏହି ତାଲିକାରେ ଅଛନ୍ତି ଆଉ ୪ ଜଣ ବିରୋଧୀଦଳ ନେତା
ଆତିଶି କହିଛନ୍ତି ଯେ କେଜ୍ରିୱାଲ ଗିରଫ ହେବା ପରେ ବିଜେପି ସିବିଆଇ ଏବଂ ଇଡି ବ୍ୟବହାର କରି ବିରୋଧୀ ଦଳର 'ଇଣ୍ଡିଆନ ନ୍ୟାସନାଲ ଡେଭଲପମେଣ୍ଟ ଇନକ୍ଲୁସିଭ ଆଲାଇନ୍ସ' (INDIA) ଓ ଏହାର ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରିବ ।
ଆତିଶି ଦାବି କରିଛନ୍ତି, “ଏହା ପରେ ସେମାନେ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଟାର୍ଗେଟ କରିବେ କାରଣ ସେମାନେ ତାଙ୍କୁ ପରାସ୍ତ କରିବାରେ ସକ୍ଷମ ହୋଇ ନାହାଁନ୍ତି । ତା’ପରେ ସେମାନେ ତେଜଶ୍ୱୀ ଯାଦବଙ୍କୁ ଟାର୍ଗେଟ କରିବେ କାରଣ ସେ ବିହାରରେ ଥିବା ମେଣ୍ଟ ଭାଙ୍ଗିବାରେ ସକ୍ଷମ ହୋଇନାହାଁନ୍ତି । ତେବେ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟ ଓ ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କୁ ମଧ୍ୟ ଟାର୍ଗେଟ କରାଯିବ ।" ଆତିଶି ଦୋହରାଇଛନ୍ତି ଯେ AAP ନେତାମାନେ ଜେଲ ଯିବାକୁ ଭୟ କରନ୍ତି ନାହିଁ ଏବଂ ଶେଷ ନିଶ୍ୱାସ ପର୍ଯ୍ୟନ୍ତ ସମ୍ବିଧାନକୁ ବଞ୍ଚାଇବା ପାଇଁ ସଂଗ୍ରାମ ଜାରି ରଖିବେ।