ଚାଚାଙ୍କ ଧୋକା ପରେ ମୁଁ ଅନାଥ ହୋଇଗଲି: ଚିରାଗ ପାସୱାନ
ଚିରାଗ ପାସୱାନ୍ (Chirag Paswan) କହିଛନ୍ତି, `ମୁଁ ଏବେବି ଦଳର ଅଧ୍ୟକ୍ଷ ଅଛି। ଦଳର ସମ୍ବିଧାନ ମୋତେ ଏହା କରିବାକୁ ଅନୁମତି ଦିଏ। ଯେଉଁମାନେ ମୋତେ ହଟାଇବାକୁ ଦାବି କରୁଛନ୍ତି ସେମାନେ ଦଳର ସମ୍ବିଧାନ ବିଷୟରେ ଜାଣି ନାହାଁନ୍ତି।
ନୂଆଦିଲ୍ଲୀ: ରାମ ବିଲାସ ପାସୱାନଙ୍କ ପାର୍ଟି ଏଲଜେପିରେ ଏବେ କ୍ଷମତାକୁ ନେଇ ଲଢେଇ ଚାଲିଛି। ଗୋଟିଏ ପାର୍ଶ୍ୱରେ ରାମ ବିଲାସ ପାସୱାନଙ୍କ ପୁଅ ଚିରାଗ ପାସୱାନ ଓ ଅନ୍ୟ ପଟେ ଭାଇ ପାଶୁପତି ପରାସ ଅଛନ୍ତି। LJPରେ ଚାଚାଙ୍କ ବିଦ୍ରୋହ ପରେ ଆଜି ଚିରାଗ ପାସୱାନ୍ ପ୍ରଥମ ଥର ପାଇଁ ସାମ୍ବାଦିକ ସମ୍ମିଳନୀ କରିଛନ୍ତି। ସେ କହିଛନ୍ତି ଯେ ଦଳ କେବେ ମଧ୍ୟ ନିଜ ସିଦ୍ଧାନ୍ତ ସହ ବୁଝାମଣା କରିନାହିଁ। ଏହି ସାମ୍ବାଦିକ ସମ୍ମିଳନୀରେ ଚିରାଗ ଚାଚା ପାଶୁପତି କୁମାର ପରାସଙ୍କୁ କଡ଼ା ଟାର୍ଗେଟ କରିଛନ୍ତି।
ଚିରାଗ ପାସୱାନ୍ (Chirag Paswan) କହିଛନ୍ତି, 'ମୁଁ ଏବେବି ଦଳର ଅଧ୍ୟକ୍ଷ ଅଛି। ଦଳର ସମ୍ବିଧାନ ମୋତେ ଏହା କରିବାକୁ ଅନୁମତି ଦିଏ। ଯେଉଁମାନେ ମୋତେ ହଟାଇବାକୁ ଦାବି କରୁଛନ୍ତି ସେମାନେ ଦଳର ସମ୍ବିଧାନ ବିଷୟରେ ଜାଣି ନାହାଁନ୍ତି। ମୋ ବାପାଙ୍କ ମୃତ୍ୟୁ ପରେ ନୁହେଁ, କିନ୍ତୁ ଚାଚା (Pashupati Kumar Paras)ଙ୍କ ବିଶ୍ୱାସଘାତକତା ପରେ ମୁଁ ଅନାଥ ହୋଇଗଲି। ଜାତୀୟ କାର୍ଯ୍ୟନିର୍ବାହୀ ବୈଠକ ଡାକିବାର ତାଙ୍କର କୌଣସି ଅଧିକାର ନାହିଁ। ଏହା ଏକ ଦୀର୍ଘ ଆଇନଗତ ଯୁଦ୍ଧ ଯାହା ଜାରି ରହିବ।
Also Read: ୟୁପି ରାଜନୀତିରେ ଝଡ଼, ଭାଙ୍ଗିଯିବ କି BSP?
ସେ ପୁଣି କହିଛନ୍ତି ଯେ, କିଛି ସ୍ଥାନରେ ଖବର ପ୍ରସାରଣ ହେଉଛି ମୋତେ ଦଳର ଅଧ୍ୟକ୍ଷ ପଦରୁ ହଟାଇ ଦିଆଯାଇଛି। LJPର ସମ୍ବିଧାନରେ କୁହାଯାଇଛି ଯେ ଦଳର ଅଧ୍ୟକ୍ଷ ପଦ କେବଳ ଦୁଇଟି ପରିସ୍ଥିତିରେ ଖାଲି ହୋଇପାରେ। ରାଷ୍ଟ୍ରୀୟ ଅଧ୍ୟକ୍ଷଙ୍କ ମୃତ୍ୟୁ ହେଉ କିମ୍ବା ସେ ଇସ୍ତଫା ଦିଅନ୍ତି। ମୁଁ ଏବେବି ଦଳର ଅଧ୍ୟକ୍ଷ ଅଛି। ସେ ଆହୁରି ମଧ୍ୟ କହିଛନ୍ତି ଯେ ଦଳର ସମ୍ବିଧାନ ଅନୁଯାୟୀ କେବଳ ସଂସଦୀୟ ଦଳ ଏବଂ ରାଷ୍ଟ୍ରୀୟ ଅଧ୍ୟକ୍ଷ ନିଜେ ସଂସଦୀୟ ଦଳର ନେତା ବାଛି ପାରିବେ। ଯଦି ଚାଚା କହିଥାନ୍ତେ ତେବେ ତାଙ୍କୁ ସଂସଦୀୟ ଦଳର ନେତା କରାଯାଇଥାନ୍ତା।
'ମୁଁ ମୋ ଦଳର ସମ୍ପୂର୍ଣ୍ଣ ସହଯୋଗରେ ନିର୍ବାଚନ ଲଢିଥିଲି। କିଛି ଲୋକ ସଂଗ୍ରାମର ପଥ ଅନୁସରଣ କରିବାକୁ ପ୍ରସ୍ତୁତ ନଥିଲେ। ମୋ ଚାଚା ନିଜେ ନିର୍ବାଚନ ପ୍ରଚାରରେ କୌଣସି ଭୂମିକା ଗ୍ରହଣ କରିନଥିଲେ। ମୋ ଦଳର ଆହୁରି ଅନେକ ସାଂସଦ ସେମାନଙ୍କର ବ୍ୟକ୍ତିଗତ ନିର୍ବାଚନରେ ବ୍ୟସ୍ତ ଥିଲେ। ଏହା ମୋତେ କଷ୍ଟ ଦେଉଛି ଯେ, ଯେତେବେଳେ ମୁଁ ଅସୁସ୍ଥ ଥିଲି, ସେତେବେଳେ ଏହି ପୁରା ଷଡଯନ୍ତ୍ର ମୋ ପିଠି ପଛରେ ହୋଇଥିଲା। ନିର୍ବାଚନ ପରେ ଚାଚାଙ୍କ ସହ ଯୋଗାଯୋଗ କରିବାକୁ ଏବଂ ତାଙ୍କ ସହ କଥାବାର୍ତ୍ତା କରିବାକୁ ମୁଁ ନିରନ୍ତର ଉଦ୍ୟମ କଲି' ବୋଲି ଚିରାଗ ପାସୱାନ କହିଛନ୍ତି।
Also Read: Bihar Politics: ନୀତିଶ କୁମାରଙ୍କ ଅପରେସନ୍ LJP, ଚିରାଗ ପରେ ଏହି ନେତାଙ୍କ ପାଳି
ଚିରାଗ କହିଛନ୍ତି, 'ମୋ ବାପା ରାମ ବିଲାସ ପାସୱାନ ଜୀବିତ ଥିବାବେଳେ ମଧ୍ୟ ଦଳ ଭାଙ୍ଗିବାକୁ ଚେଷ୍ଟା କରାଯାଇଥିଲା। ଆମେ ଆମର ନୀତି ସହ ଆପୋଷ ବୁଝାମଣା କରିନାହୁଁ ଏବଂ ବିହାରରେ ଏକାକୀ ନିର୍ବାଚନ ଲଢିବାକୁ ନିଷ୍ପତ୍ତି ନେଇଥିଲୁ।' ସେ ଆହୁରି ମଧ୍ୟ କହିଛନ୍ତି, 'ମୁଁ ସବୁବେଳେ ପରିବାର ଏବଂ ପାର୍ଟିକୁ ଏକାଠି ରଖିବାକୁ ଚାହୁଁଥିଲି। LJP ହୁଏତ ବିହାରରେ ଗୋଟିଏ ଆସନ ଜିତି ନଥାଇପାରେ, କିନ୍ତୁ ଆମେ ବହୁ ସଂଖ୍ୟକ ଭୋଟ୍ ଏବଂ ଲୋକଙ୍କ ସମର୍ଥନ ଜିତିଥିଲୁ। ଆମେ ୨୪ ଲକ୍ଷ ଭୋଟ୍ ପାଇଲୁ। ଆମର ଭୋଟ୍ ମଧ୍ୟ ବୃଦ୍ଧି ପାଇଲା।'